今晚老友约咗我食晚餐，难得大家收早， 6:00就到左约定地方，Chef Stage by Eddy Chu呢间餐厅位于尖沙咀亚士厘道嘅楼上餐厅，lift门打开, 一入去就另一番天地。对住美丽嘅尖沙咀海景，坐低先饮杯嘢。真系感到更舒适，好叹！
食物方面，真系要赞一下，无论外观、食材用料、味道、创意都系喜出望外。
首先叫咗一个海鲜拼盘，生蠔非常新鲜，其他材料都食得到好鲜甜嘅味道，由于我哋有三个人，只得两只生蠔唔够分，见过海鲜盘咁抵食，所以encore再叫多一盘。当然，配白酒系一流。特别留意系佢个冻鲍鱼系有淡淡的烟熏味，好特别好吸引。
跟住叫咗前菜，呢个焗法国田螺盒非常之特别，尤其是个田螺学原来系系自家制嘅脆脆底，好好食，好有心思。
我哋叫咗两款唔同嘅汤黎试，一个系黑松露杂菌汤、另一个系冬阴功海鲜汤。两款汤做得同样出色，松露蘑菇香味四溢，冬阴功汤类嘅海鲜好丰富、好新鲜。冇谂过汤内又有鲍鱼食，汤底下一片好香滑嘅鱼柳好鲜甜。
冬阴功香浓而能够突出到海鲜的味道，佳作！
再来一下加拿大海胆多士，上菜时大家话一声，因为两板海胆，分量十足。香脆可口嘅蒜蓉包，沾上海胆来吃，味雷极高享受。
主菜叫咗一盒鲍鱼鸡扒，分量之大，味道奇佳！
最后当然唔少得叫佢嘅甜品试一下，侍应推介呢个三重朱古力脆脆非常可口香浓。为晚餐画上完美句号。
食完晚餐已经变咗睇醉人夜景。呢间餐厅推荐俾朋友小聚、情侣约会之选。

与友人有一年没见，一见，无尽话题。有见及此，预约了一间西餐厅，有夜景，有美食，边聊天边享受，一乐也。

今晚生蠔只一品种，有手掌大只，爽口，鲜嫰，入口满足。伴汁采用了蒜，椒....素材，微辣之中带酸，更能提升蠔的味道。

乳酪芒果三文鱼沙律
开胃十足之沙律。乳酪酱好夹！

忌廉鲍鱼冬荫公海鲜汤
不只鲍鱼咁简单，还有带子，虾，材料十足。
忌廉冬荫公汤底浓稠，那种酸辣味道渐渐从口腔中徘徊，惹味味美。

慢煮牛扒
300g份量，要求的半熟控制得宜。
慢煮方法保持了肉汁，软腍无比，带有脂香，伴菜蕃薯茸味道浓厚，滋味！

西班牙黑毛猪肋条肉
推介之选！猪肋条肉软熟，肉味浓厚。
伴菠萝粒，中和腻感，配搭一流。

红莓tiramisu
非常特别的组合，质感绵滑。
有酸酸的味道不甜腻。

难得开返晚市决定和妹好找一间餐厅食餐好，之前便提早预约了这间餐厅。 餐厅饱览维多利亚海景，入夜之后格外有格调，每道菜店员亦都会细心介绍，而且上菜的时候碟是热的，所有细节都做到一丝不苟。 我们各自点了一份五道菜套餐，还另外加配海鲜盘

海鲜盘$288 生蠔口感爽口，有一点点海水味。店员介绍四款酱汁都是厨师自己炮制，可以配上不同的海鲜。所有海鲜都很新鲜，简直物超所值

乳酪鲜虾芒果沙律 虾带有甜味 配上一点点酸味的芒果，是一个很好的开胃菜

是日餐汤 周打蠔汤 汤口感很丰富，入边亦有多种海鲜，但有蠔及其他海鲜的鲜味，一边饮汤一边吃到一丝丝的蟹肉及蚬肉

清酒蟹肉日本年糕 淡淡的酒香，creamy的酱汁，令到蟹肉挂上QQ的年糕，我觉得可以主成一个主菜

美国牛肉眼 牛扒的份量超级大，比起我块面还要大，妹妹要求半成熟，这份牛肉煮得刚刚好，肉汁很多而亦很林，带点焦味道

焗比目鱼配蟹肉汁 鱼皮煎得香脆，带有鱼油，配就上蟹肉，伴碟的甘笋香分香甜，配上粉粉的芋头蓉。我还是第一次在西餐厅吃到用芋头蓉，因为一般都是薯蓉，但竟然出奇地配合而且芋头蓉真的很好吃

餐厅服务很细心，食物质素高，价格合理，不过有兴趣嘅朋友记得预先订位

一年一度嘅纪念日又到啦，又系时候有借口出去食餐好嘅。

由于太耐冇出街食饭，所以做咗好多资料搜集去揾好嘢食，无意中有记得之前黎过位于尖沙咀亚士厘道17-19号19楼既Chef Stage de Eddy chu， 交通方便，食物同服务都唔错，决定再次光顾。

Chef Stage de Eddy Chu ，顾名思义，就梗系由老板兼总厨既Eddy Chu坐镇主理架啦。系Openrice度睇到，佢系酒店业界被喻为「西餐浪子」，入行超过三十年，仲曾任职多间星级酒店及高级会所添。

除左set dinner 之外，仲可以拣a la carte。由于唔想限制自己嘅选择，所以拣咗a la carte 。

乳酪鲜虾芒果杂菜沙律 :
沙律菜非常新鲜，鲜虾肉质弹牙，加埋芒果后真系相当有口感。有别于一般嘅沙律，呢度冇用到沙律酱，反而用咗乳酪，仲要系分开上，钟意落几多就几多。用乳酪去代替沙律酱，咁嘅做法味道会差唔多，但系脂肪含量肯定低啲。

忌廉鲍鱼冬荫海鲜汤 :
估唔到系西餐厅都会试到冬荫公海鲜汤，呢个汤虽然系泰式，但系加入咗cream之后都有少少西式风味。最大惊喜系配料方面有鲍鱼、带子同埋虾，鲍鱼唔单止大只，而且仲好爽口添。

鲜蟹肉浓汤配生蠔杯：
汤同生蠔分开上，卖相几吸引，店员教我地先尝一啖蟹肉浓汤，再食生蠔。生蠔加入酱汁后，入口酸酸地，非常开胃，鲜蟹肉浓汤未饮都闻到好香嘅海鲜味，饮落口感creamy，蟹肉味香浓，好好味，一边饮汤一边食生蠔，好有层次感。

明炉法式海龙皇原条鲜鱼配鲍鱼/鲜带子/鲜虾/鲜蚬：
原条鲜鱼加入鲍鱼、鲜带子、鲜虾、鲜蚬同大量车厘茄，加入蕃茄汤去煮，上台时更用明炉送上，咁就唔使怕条鱼冻得好快啦！

汤底入口鲜甜，鱼亦都好滑，其他海鲜份量亦都好多，味道鲜甜，肉质清爽。

烧西班牙走地春鸡：
春鸡虽然制作需时，但系卖相真系相当吸引，除左有大大只嘅鸡之外，仲有蕃薯蓉、蕃茄同埋西兰花做配菜，整体颜色配搭唔错。

春鸡焗得刚刚好，肉质香嫩幼滑，入口非常juicy，配埋烧汁食，非常惹味，认真唔错。

朱古力心太软配云呢拿雪糕：
朱古力味香浓嘅心太软，入口苦中带甜，配埋云呢拿雪糕食，一冷一热嘅感觉，一苦一甜嘅口感，味道同口感真系令人回味。

埋单每人都系五百蚊左右，总括黎讲，呢度无论环境、食物同服务都非常好，最值得一赞嘅系店员知道我地d食物系share食，会一道一道菜咁上枱，亦会系适当时候同我地换碟，方便客人之余仲唔会骚扰到佢地。虽然唔系酒店餐厅，但系不论食物同服务，都令我感到自己系五星级酒店食饭一样。

同阿女食生日饭， book咗呢间想去好耐嘅餐厅。 餐厅喺19楼，窗边大玻璃可以远眺外面的景色。

入门口的发光招牌是可变色的，几型格。

由主角发办，叫咗两个五道菜套餐。

乳酪鲜虾芒果沙律，睇落同食落都好清新，只虾都大只同新鲜。

清酒蟹肉日本年糕，年糕里面有蟹肉，当堂觉得矜贵，年糕烟烟靭靭，小小哋作为前菜很恰当。

黑松露蘑菇汤，好惊喜。好多黑松露蘑菇蓉，十分香浓。钟意食黑松露同蘑菇的，一定唔可以错过。

芦笋薯蓉虾汤，呢个汤好creamy，好香芦笋味。

阿女话样样都想食，于是拣了精选杂扒配红酒，哗有牛肉眼，黑毛猪，大虾，黄油鸡扒。牛肉眼鲜嫩多汁，黑毛猪味道浓郁又爽口，大虾煎得香口又弹牙，黄油鸡扒，既香又滑。仲配上一大球紫薯蓉，芦笋，甘笋。 呢款主菜还配上红酒，红酒就由阿妈接收。

我净系想食一块好大块嘅牛，于是叫咗美国牛肉眼， 来到真系不出所望，好大块呀! 最紧要鲜嫩多汁， 叫咗七成熟但一啲都唔韧，锁住肉汁，味道浓郁，一口一口吃下，很满意，也配在一大球紫薯蓉，芦笋甘笋。

见系生日饭，就加多个海鲜盘，分别有生蠔两只，鲍鱼两只，日本带子两只，鲜虾四只，鲜蚬两只。卖相吸引，望落去海鲜带有光泽好新鲜，食落确实新鲜甜美，还配有不同酱汁，侍应会介绍香草汁配生蠔，冬阴功汁配蚬，面豉汁配带子，新鲜配搭，几特别。

我哋仲叫咗杯买一送一嘅特饮，陈皮柠檬热饮，饮落去喉咙同成个人很舒服。

最后嘅甜品系芒果蛋糕同蓝莓奶冻，完美结束今晚嘅生日饭。多谢厨师们挥动他们的魔术棒，在他们的舞台作精彩的演出，令台下观众大饱口福。