约了友人到元朗行山 走走郊外 呼吸新鲜空气 找了一段时间都找不到合心水的餐厅 最后还是回到Chef’s Stage Kitchen怀抱☺️之前尝试过荃湾分店 不知元朗分店质素是否一样高呢？

内里卡位装饰得满文青的 亦有乾花配衬 十分适合打卡的

这次点了有别于之前的餐点 选了《牛肝菌杂菌及松露酱烩意大利饭》没看到酱汁 但亦看得出这碟饭十分湿润 每啖都满满牛肝菌及松露味 正 加上香草及芝士点缀 味道更佳份量亦十分饱肚

跟餐更附有餐汤及沙律及香草包 是日餐汤为南瓜汤 是本人的大爱

+$19将餐茶转为《Iced peach tea》整体味道不太甜 内里有一蜜桃肉加分

最后人均消费不足$100 没收加一的西餐厅真的买少见少了

今日系呢头覆完诊之后，约咗个朋友食饭。我朋友话呢间餐厅几有气氛，环境清静，好适合坐低慢慢食嘢倾偈，所以就去咗呢间餐厅食饭啦～～

我哋点左个二人餐，呢个二人餐都几抵食，又有头盘又有两个主菜，仲有沙律同餐汤，都好饱肚，不过我地都想试下个餐包，所以我地加左钱要埋个餐包。

呢个餐包有两款，一款系软绵绵嘅面包，另一款系焗左嘅面包，两种质感既面包都有齐，咩人都岩食仲会有啲手指饼。配埋佢提供既嘅酱料，酸酸甜甜咁，非常开胃。

沙律方面，原来每日都唔同，今日系烟鸭胸沙律☺️☺️个沙律好足料，啲沙律菜亦都新鲜，每一块都好大块，蕃茄亦都好大粒但系唔会净系得配菜多，烟鸭胸嘅份量都好多沙律无用其他沙律酱料，只系用简单嘅沙拉油同埋橄榄油，食落去个感觉好清爽，无左一般沙律酱既肥腻感而烟鸭胸肉唔会太咸，好食！！！

而个餐汤系南瓜汤南瓜嘅甜味配上忌廉嘅香滑，两者嘅味道好夹！！！带有淡淡既甜味，作为餐前嘅餐汤，非常适合～～

个前菜都好正！除左伴碟同埋卖相非常别致之外，火腿味道比一般嘅火腿较为浓郁，咸味都比较重，而且带有少少嘅黑椒味道，惹味可口。约定俗成，火腿配蜜瓜，简直绝配

主菜方面有两道，第一个系炭烧谷饲澳洲肉眼扒拼香草牛油焗波士顿龙虾尾呢款主菜非常之用心，伴碟嘅杂菜都用蕃茄酱炒过，酸酸甜甜咁好曞胃美味可口。另外佢仲用咗南瓜蓉去代替一般西餐用嘅薯蓉，厨师并无刻意添加糖分去营造香甜感，食落去有淡淡既南瓜甜味之外，亦都非常香滑除左特别同好味之外，南瓜蓉比起薯蓉嘅卡路里较低，啱晒钟意食得健康又美味嘅我真系别出心裁❤️❤️❤️❤️

而肉眼扒既肉质都好鲜嫩，我地拣左7成熟，虽然块扒好厚，但系切开入面系淡淡既粉红色，火喉控制得好好唔会过生或者过熟仲好容易咬开，唔会有太多筋咬落去每啖都食到肉汁，唔好变得干身失去牛肉既口感～～～配上黑松露酱汁，味道变得丰富好多，但系又唔会抢过牛扒嘅味道。两者配合一齐食简直味道一流！！！

龙虾方面，厨师好细心，个龙虾壳已经切开咗，入面嘅龙虾肉可以原条拎出嚟龙虾肉好厚，咬落去好爽脆，一路食一路感觉到呢条系一条好生猛既龙虾肉质好弹牙！！鲜甜爽口嘅龙虾肉，配埋牛油同蒜蓉既香味，美味指数飙升超级超级推介。

而个意粉写住微辣，本来都担心辣味既程度，不过原来都唔算好辣，我地唔食得辣都接受到，而且少少既辣味令到整碟意粉更野味同埋意粉下面全部都系蚬肉每粒蚬肉都好大粒～

餐饮方面，呢杯玫瑰花茶超级有惊喜唔单止有好多块玫瑰花瓣铺系面，饮完之后喺口腔里面仲会散发出玫瑰嘅香味，扑鼻清香～清新怡人饮品清淡得黎又带有淡淡的玫瑰花香

另外杯奶茶都好饮茶味香浓，淡淡奶味，唔会太甜

呢间餐厅有室外嘅位置，亦有风扇提供，喜欢开扬嘅朋友就算坐室外都唔怕会坐到热辣辣流晒汗～

精选晚餐（2人） $628
餐包+$38
烟鸭胸沙律+南瓜汤
头盘：
意大利风干腿伴蜜瓜
主菜：
初榨纯橄榄油蒜香白酒煮纽西兰海钻扁意粉（微辣）
炭烧谷饲澳洲肉眼扒拼香草牛油焗波士顿龙虾尾
餐饮：
接骨木玫瑰花茶+奶茶

Chef's Stage Kitchen (元朗)
元朗西菁街23号富达广场52-56号地舖

—
应该系之前商场大装修?! 所以而家喺返原址开返
入餐厅前要量体温 但晏画入面都好多人食饭
好在枱与枱都未算太近

首先有沙律 / 甘笋汤 / 牛角包
最钟意个汤够热且浓稠 沙律几特别
牛角包微脆层次唔多

芦笋,意式青瓜及南瓜蓉烩意大利饭($88)
呢度risotto比较多汁唔会太有嚼感
而且有芝士碎 食完几饱肚
当中芦笋青瓜咬落爽腍 增加口感
整体调味唔错 恰到好处

以前餐饮可以免费嗌朱古力
有劲多忌廉但而家要加钱
于是拣接骨木玫瑰花茶
味道清清地 间中有花香 都不俗
——————————————
Chef's Stage Kitchen
元朗西菁街23号富达广场52-56号地舖

之前喺荃湾间分店已经食过一次，今次试埋元朗呢一间。呢间舖头比较大啲，环境比较宽敞，装修又靓，仲有靠窗位，望住舖头入面嘅盆景真系觉得好写意。 今次同friend去食午餐，所有lunch set都包沙律，汤同牛角包。

前菜摆到好靓，个汤够浓郁，沙律菜加咗少少醋，最开心系配埋一个迷你牛角包

炭烧纽西兰肉眼扒
Order五成熟， 冇overcook，平时其他餐厅叫五成会比左七成熟。牛扒表面烧得有少少脆，入面仲有好多汁。 牛扒配蜜糖甜薯同法边豆，用左甜薯好有诚意，法边豆加咗盐同黑椒好入味。

手打美国特级安格斯牛肉芝士汉堡配薯条
个汉堡包预先切开两份，比两个人share岩岩好。 块汉堡扒几厚食落仲好多肉汁。几欣赏佢醃黄瓜另外放，因为唔系个个都中意食。 粗薯条岩岩新鲜炸出嚟仲系好外脆内软，盐嘅调味都做得啱啱好，唔点茄汁食都好好味。

伪鸳鸯(Tiramisu)
跟餐可以转配特饮，试左限定嘅伪鸳鸯，拣左tiramisu味，系朱古力底再配左咖啡冰砖，朱古力好浓郁好好饮，✨饮得愈耐冰砖溶化咖啡味会愈浓。

朋友介绍嘅；食晏冇得订位，所以星期日早12点9去到睇下咩环境。

一去到，已经觉得环境好 chill，有户外雅座。安排入座时，职员做足衞生措施。

点了一个希腊式沙律酱汁嘅羊肉 kebab，味道唔错。美中不足嘅系...... 朋友叫嘅 chef special 较迟上枱；为咗等埋朋友，我个 kebab 入口时已经唔热。

佢哋有啲有几款鸳鸯好吸引，下次再去会试试。