Sodam Chicken @sodamchickenhk852

🥰炸鸡＋焗鸡＋pizza＋小食放题💲148 / 位
90分钟 ，虽然每次落单只可以叫三款，但我哋都好饱肚，每人平均食左8 只鸡。

（Encore 指数：👅👅👅👅👅 5分满分）
🍖炸鸡
👅👅👅
炸鸡热辣辣，外皮劲香脆。但系较热气，所以小编无叫晒咁多款式，特别系有啲款式同焗鸡有重复，推介大家食烤鸡为主。

🍋香草青柠(期间限定)酱汁非常浓郁，酸味感重。 小编本身钟意特别开胃小食，但系同行朋友觉得过多酱料，见人见志。 而甜酸口味味道突出，甜味多过酸味。

其他口味同焗鸡/以上推介款式差唔多
柠檬柚子、黄金咸蛋 、四川麻辣(期间限定) 、辣味
下次会想试埋浓蒜、蜜糖芥末香葱。🤣

🍗焗鸡
👅👅👅👅
几乎品尝过全部焗鸡嘅款式，好满足
焗炉将鸡皮焗到好干身好脆口，比炸鸡更吸引。

🍖焗鸡滋味排名（分次序先后）
🥚黄金咸蛋
好邪恶，咸蛋味非常突出，渗透出咸蛋汁，每一啖都可以点汁，超级满足。

🧀双重芝士
铺满浓郁嘅芝士粉，食得多酱料鸡，食下呢款都唔错。

🍙韩式紫菜
原味 较淡味，不及其他口味。

🌋喷火辣
全场最辣，4级辣，似系辣鸡面嘅辣味，超强后劲，喺小编第一次食到咁辣，连饮水/喷火都无乜作用。
下次试下BBQ香辣、蜜糖蒜香先。

薄饼
👅👅👅
🍕千岛加勒比、玛嘉丽塔皇后、热带风情、明虾水牛芝士
水牛芝士有更多拉丝感觉，每款味道差唔多，玛嘉丽塔馅料相对简单。

小食
👅👅👅
小编试过韩式酸萝卜、蜜糖牛油粟米同紫菜薯条
。最爱薯条，香脆粗身，味道更胜麦记。
仲有其他选择：凯撒沙律、柚子醋沙律、原味炸薯条、牛油炒杂菌、韩式辣拌海蜇。

🍹饮品买一送一
🌼菊花特饮 $58
非常惊喜，除左有大朵菊花装饰，仲系有气泡嘅菊花茶，清热清甜。

🍺蜜桃啤酒 $78
非常大杯，淡淡蜜桃味，较似原味啤酒。

🇭🇰铜锣湾耀华街3号百乐中心7楼

2016年就系香港开业既韩式炸鸡专门店
主打多款口味韩式炸鸡,烤鸡
更不定期推出限定口味
包括咸蛋味、柠檬柚子味炸鸡
外卖更有买一送一优惠!非常抵食
而家仲有放题优惠,基本7款炸鸡加pizza任食
主菜亦有半价优惠,包括冷面,韩式泡菜芝士炒饭
卡邦尼年党,海鲜辣面,辣豆腐汤,烧汁鱿鱼饭
仲可以升级食埋焗鸡同小吃任食

而家共有八款炸鸡,七款焗鸡,八种小吃
炸鸡有甜酸,蜜糖芥末,辣味,咸蛋,柚子,浓蒜
香草青柠,四川麻辣,各有特色

炸鸡既脆衣略厚,包住新鲜即炸既嫩滑鸡肉
先食甜酸口味最后先食辣味,川辣味久久不散
炸鸡外层香脆热辣,咬开食到仍然好有肉汁既鸡肉,每款食2件已经非常饱

焗鸡系即时烤焗,会比炸鸡慢上菜,最好先点焗鸡再点炸鸡,焗鸡无骨嫩滑,皮薄香嫩
同炸鸡系完全两种味道,个人喜欢焗鸡多一点

另外小吃有沙律两款,炸薯条两款味道
韩式酸萝卜,蜜糖牛油粟米,韩式辣海蜇,炒杂菌

当日下午去食都爆晒场,估唔到仍然咁受欢迎
饮品买一送一,有啤酒同特饮选择
个人推荐配啤酒食炸鸡!爽!
地址：铜锣湾百乐中心7楼

无得去韩国，唯有系香港揾韩国嘢食住先。今日就拣咗Sodam Chicken ，一嚟因为自己肚饿想食放题，二嚟系佢有齐烤鸡同炸鸡两种选择，仲要无骨😍。我叫咗 $128+20 嘅炸鸡+焗鸡+ pizza+小食放题 (90min)。

Pizza 4款 餐厅本身会将pizza放系自助区，俾客人自己拎。但因疫情关系，餐厅取消自助区，等客人 order后拎俾客人👍。Pizza一次上四款，每只味都系细细块咁，食多啲都仲有quota。Pizza薄身，每件为正方形，pizza底脆口，每件pizza馅料都好丰富。可能因为钟意千岛酱，叫千岛加勒比薄饼就啱晒，薄饼铺满千岛酱同芝士。

甜酸炸鸡 甜酸汁好开胃，仲有少少芝麻粒，配上嫩滑鸡肉，系好典型嘅韩式风味。 蜜糖芥末香葱炸鸡 蜜糖芥末酱捞炸鸡真系 match，又甜又有少少辣味，连埋鸡上嘅葱条一齐食，食落几开胃。 黄金咸蛋焗鸡 超邪恶💛, 炸鸡上沾满咗好多咸蛋黄酱，仲有啲咸蛋黄粒粒，好惹味。不过呢款鸡就比较油腻，可以后期啲先食。

牛油炒杂菇 😍必叫，超香同好有牛油味，另外仲落咗啲黑椒， 十分惹味。除咗杂菇外，其实仲有少量椰菜丝。

西柚啤酒 ($75) 餐厅做紧饮品买一送一，所以啤酒加埋apple cider都系收一个价钱，都几抵。饮品分量都好多，炸鸡配啤酒🍗🍺。

后话: 炸鸡同焗鸡各有七款口味，炸鸡另外有2款期间限定， pizza就有五款，小食有沙津同炸鸡必配嘅酸萝卜。炸鸡比较大旧，可能会饱啲。 所以，我钟意叫焗鸡多啲，一嚟好似无咁热气，二嚟细旧少少，可以食多啲、试多啲味。蜜糖蒜香味焗鸡都正🙆‍♀️。餐厅另外系每张枱上提供胶手套同埋纸巾，大家就可以食得方便又卫生。

今日本身谂住话我好钟意食韩式炸鸡，但我发现原来我好多时啲post都系讲我自己钟意食啲乜乜乜，例如话我好钟意食川菜，又或者话我好钟意食嫩鸡煨面咁。然后我先发现，原来我系乜都钟意食（只要佢整得好食）。

今日同朋友去咗食呢间Sodam Chicken，嚟到先知道原来有炸鸡放题可以叫，啱晒平时乜味都想试晒嘅我。于是就果断咁唔睇其他餐牌，一于就试呢个炸鸡放题。

炸鸡放题有九款唔同口味嘅炸鸡同埋四款Pizza可以任叫，都只系$128。如果想任食埋焗鸡同埋小食，都只系需要加$20。即系总共$148。因为我真系好贪食，乜都好想试，所以就果断咁加$20啦。

今次喺餐牌上面嘅所有炸鸡同焗鸡总共有16款，每只口味都好吸引，贪食嘅我每款都有叫一件去试。以为每件都只会系细细件，两个人食一定食得晒啦。点知原来每件都几大件嘅。建议如果大家怕食唔晒嘅话，可以叫一啲平时喺其他舖头食唔到嘅口味。

一咬落去每一件鸡都好滑，仲要爆肉汁添。嗱我要强调多次，系每一件，每一件鸡，无论系炸鸡定系焗鸡，都系咁滑。对于呢样野我系有啲惊讶嘅，因为平时通常食到嘅炸鸡都系有骨嘅比较滑，但点都会有几件系唔滑，至于冇骨嘅就通常会鞋少少添。但呢度每件计都系冇骨嘅，但每件都好滑好滑，我真系好惊讶。仲要呢个咁平嘅价钱有任食，都仲可以keep到每件都咁滑，我系觉得神奇嘅。

我觉得呢度嘅焗鸡个皮都系脆到好似有炸过咁，可能真系有炸过挂。但炸粉就薄过炸鸡好多嘅，少啲油味但又好香脆，所以我个人就钟意焗鸡多啲啦。

今日嘅Pizza有四款，我哋就四款都有试到嘅。其实唔系好分到边款打边款，但系觉得好好食嘅，如果最后唔系因为太饱其实都好想叫多次pizza。

另外仲叫咗两款小食，分别系韩式辣拌海蜇同埋蜜糖牛油粟米。

韩式辣拌海蜇
都几好食，仲好似夹杂咗少少菜同鸡丝添，唔错唔错。

蜜糖牛油粟米
本身对呢个其实就冇乜期望嘅，纯粹系想食下粟米嘅啫。但呢份牛油粟米一上枱，系闻到劲香劲香牛油味。粟米就应该系罐头粟米㗎啦，但啲牛油就真系好香。一路食都keep住有好浓好浓嘅牛油香，好正。食到底发现原来有好多牛油，好似觉得有啲邪恶添，不过都系好食最紧要啦。况且食炸鸡放题，仲学咩人讲怕邪恶啊。

16款鸡入面，其实款款都系咁滑架啦，不过个人喜好，有几款我私心系特别推荐嘅。

四川麻辣炸鸡（期间限定）
其实从来都冇谂过四川麻辣味同炸鸡可以咁夹，呢度个四川麻辣味系真系四川麻辣𠮶只味。第一啖咬落去又觉得唔系好辣，但2秒之后，𠮶个辣嘅后劲就出嚟啦，系好正嘅。钟意食川菜嘅朋友唔可以错过呢个。

黄金咸蛋焗鸡
呢款焗鸡咸蛋味超重，一路食一路都系成口咸蛋黄味，就好似之前好兴嘅咸蛋黄鱼皮𠮶只咸蛋黄味。一咬落去，咸蛋黄嘅油香连埋焗鸡本身爆出黎嘅肉汁，真系不得了。

蜜糖蒜香焗鸡
好有蜜糖味，又有啲蒜味，仲有啲粟米片喺上面，成个combination正啊。

首尔风味焗鸡
唔系好记得exactly呢个咩味，印象中好似有少少蒜味。呢个系我第一件食嘅焗鸡，有记得呢个系正嘅。

双重芝士焗鸡
因为我钟意奶类制品，而芝士系奶类制品，所以我钟意食芝士。而呢个芝士味十足，所以我觉得好食。

韩风紫菜焗鸡
紫菜味十足，虽然有少少咸，但我觉得紫菜味几好食。

喷火辣焗鸡
同四川麻辣炸鸡唔同嘅系，呢个你系一食就即刻feel到个种辣味嘅。但我个人觉得四川麻辣炸鸡𠮶只辣正啲。

发现我推荐嘅几款大部份都系焗鸡，可能系我真系钟意食焗鸡多啲。如果下次再嚟（其实应该都一定会再嚟）我应该第一时间会叫四川麻辣炸鸡同埋黄金咸蛋焗鸡先，一定唔可以错过。

顺带一提，因为我系喺非繁忙嘅时段过嚟，所以可以坐到窗边嘅梳化位，呢个位几阔落几舒服。

Sodam Chicken推岀左炸鸡焗鸡放题
$128就可以任食炸鸡同pizza
加多$20仲可以食埋七款焗鸡同八款小食
主菜均有半价优惠 饮品则有买一送一

当日除左常规既七款炸鸡 仲有两款其间限定既炸鸡：香草青柠炸鸡 四川麻辣炸鸡 呢两款都好推荐大家试 当然食得辣既先好嗌四川麻辣

🐥炸鸡🐥
一口气试晒九款炸鸡 无骨炸鸡 热辣辣 啖啖肉 外皮超脆 肉质嫩滑多汁 略嫌某几旧炸鸡外皮偏厚 配上面层既酱汁 整体食落唔会太干
不过由于韩式炸鸡系无酱汁既关系 食落就比其他炸鸡干

九款之中 特别推荐以下几款！

🍋柠檬柚子 🌱香草青柠
两款都好清新 酸酸甜甜 开胃之余可以一解鸡肉既油腻感

🔥四川麻辣
钟意麻辣既朋友一定要试！对于我呢啲净系食到小辣既人黎讲真系超辣超麻！食完真系喊左岀黎 口水不停分泌 食唔到辣既朋友真系唔好乱试

🥚黄金咸蛋
咸蛋黄味比想像中突岀 食落好香口

🐥焗鸡🐥
焗鸡同我想像既有啲岀入 外皮微脆干身 肉质感觉上无炸鸡咁嫩滑多汁 不过食落就无炸鸡咁腻 双重芝士焗鸡洒有芝士粉 紫菜焗鸡则洒有紫菜 味道相对无炸鸡咁特别

🥗小食🥗
拣左 炸鸡好朋友 韩式酸萝卜 爽口消腻
同埋 柚子醋沙律 酱汁酸酸甜甜 沙律菜新鲜无苦涩味 打底解腻唔错

🍹饮品买一送一
海特鸡尾酒 $78 菊花蜜特饮 $58
食完四川麻辣 一定要叫返杯特饮解辣！
两款打卡都好唔错 甜度亦唔会太高 海特鸡尾酒啤酒味比想像中重

放题限时90分钟
⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀⠀
整体而言 炸鸡焗鸡口味多 外脆内嫩 性价比高 个人认为炸鸡比焗鸡岀色