我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“好啱炸鸡控”
Sodam Chicken的点评

Sodam Chicken
预订桌位
提供送餐服务
香港排名第555 (共15,898家美食)
价格区间: US$100 - US$200
周围地区: 湾仔/铜锣湾
餐厅详细资料
周围地区: 湾仔/铜锣湾
2021年3月3日点评 通过移动设备发表

由原本不太好韩食,到后来偶然试吓,再到呢期密密食.....睇嚟我已经接受咗韩食唔知迟吓我会唔会钟意埋Oppa呢今次就同炸鸡控朋友去食炸鸡放题,满足吓佢丧食炸鸡嘅欲望

炸鸡 + Pizza放题(成人$128/ 小童$68)
炸鸡 + 焗鸡 + Pizza + 小食放题(成人$148 / 小童$78)
炸鸡有8款,Pizza有4款,但只要加多$20就可食埋7款焗鸡及8款小食,无理由唔食得丰富啲啫

全部鸡都系无骨啖啖肉,炸鸡控可以尽情开怀大食当中有2款炸鸡系期间限定,今期系大阪烧炸鸡及星州咖喱炸鸡,前者系炸鸡淋上沙律酱及大阪烧酱,并洒上紫菜碎及鲣鱼碎,充满日式风味;后者嘅炸鸡有咖喱香味,但食落咖喱味唔太突出,味道较淡!另柠檬柚子炸鸡味道清新酸甜,感觉有啲似西柠鸡,而黄金咸蛋焗鸡就有几香嘅咸蛋味,啱晒咸蛋黄控,相对其他炸鸡及焗鸡,我比较钟意呢两款

Pizza系薄脆饼底,食落都系酸酸地同布满芝士,所以我觉得4件味道差唔多但都系好食嘅小食方面,牛油炒杂菌、蜜糖牛油粟米及韩式辣拌海蜇都几好食,而牛油炒杂菌仲encore咗2次另外仲可以半价点饭、面及年糕类主菜!

饮品有买一送一优惠,draft beer只系$75就有2杯都真系几抵我无饮酒,反而叫咗杯菊花蜜特饮,第一次饮加入梳打水嘅菊花蜜,味道唔太甜,最搞笑系只杯好似汤碗,朋友笑称好似用嚟洗手咁

朋友表示呢餐抵食又满足

感谢 dyiongw
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (112)
旅行者评分
旅行者类型
时节
语言
  • 更多语言

1 - 5 条点评,共 112 条

2021年2月14日点评 通过移动设备发表

Sodam Chicken @sodamchickenhk852

炸鸡+焗鸡+pizza+小食放题148 / 位
90分钟 ,虽然每次落单只可以叫三款,但我哋都好饱肚,每人平均食左8 只鸡。

(Encore 指数: 5分满分)
炸鸡

炸鸡热辣辣,外皮劲香脆。但系较热气,所以小编无叫晒咁多款式,特别系有啲款式同焗鸡有重复,推介大家食烤鸡为主。

香草青柠(期间限定)酱汁非常浓郁,酸味感重。 小编本身钟意特别开胃小食,但系同行朋友觉得过多酱料,见人见志。 而甜酸口味味道突出,甜味多过酸味。

其他口味同焗鸡/以上推介款式差唔多
柠檬柚子、黄金咸蛋 、四川麻辣(期间限定) 、辣味
下次会想试埋浓蒜、蜜糖芥末香葱。

焗鸡

几乎品尝过全部焗鸡嘅款式,好满足
焗炉将鸡皮焗到好干身好脆口,比炸鸡更吸引。

焗鸡滋味排名(分次序先后)
黄金咸蛋
好邪恶,咸蛋味非常突出,渗透出咸蛋汁,每一啖都可以点汁,超级满足。

双重芝士
铺满浓郁嘅芝士粉,食得多酱料鸡,食下呢款都唔错。

韩式紫菜
原味 较淡味,不及其他口味。

喷火辣
全场最辣,4级辣,似系辣鸡面嘅辣味,超强后劲,喺小编第一次食到咁辣,连饮水/喷火都无乜作用。
下次试下BBQ香辣、蜜糖蒜香先。

薄饼

千岛加勒比、玛嘉丽塔皇后、热带风情、明虾水牛芝士
水牛芝士有更多拉丝感觉,每款味道差唔多,玛嘉丽塔馅料相对简单。

小食

小编试过韩式酸萝卜、蜜糖牛油粟米同紫菜薯条
。最爱薯条,香脆粗身,味道更胜麦记。
仲有其他选择:凯撒沙律、柚子醋沙律、原味炸薯条、牛油炒杂菌、韩式辣拌海蜇。

饮品买一送一
菊花特饮 $58
非常惊喜,除左有大朵菊花装饰,仲系有气泡嘅菊花茶,清热清甜。

蜜桃啤酒 $78
非常大杯,淡淡蜜桃味,较似原味啤酒。

铜锣湾耀华街3号百乐中心7楼

感谢 Cheers H
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年12月24日点评

2016年就系香港开业既韩式炸鸡专门店
主打多款口味韩式炸鸡,烤鸡
更不定期推出限定口味
包括咸蛋味、柠檬柚子味炸鸡
外卖更有买一送一优惠!非常抵食
而家仲有放题优惠,基本7款炸鸡加pizza任食
主菜亦有半价优惠,包括冷面,韩式泡菜芝士炒饭
卡邦尼年党,海鲜辣面,辣豆腐汤,烧汁鱿鱼饭
仲可以升级食埋焗鸡同小吃任食

而家共有八款炸鸡,七款焗鸡,八种小吃
炸鸡有甜酸,蜜糖芥末,辣味,咸蛋,柚子,浓蒜
香草青柠,四川麻辣,各有特色

炸鸡既脆衣略厚,包住新鲜即炸既嫩滑鸡肉
先食甜酸口味最后先食辣味,川辣味久久不散
炸鸡外层香脆热辣,咬开食到仍然好有肉汁既鸡肉,每款食2件已经非常饱

焗鸡系即时烤焗,会比炸鸡慢上菜,最好先点焗鸡再点炸鸡,焗鸡无骨嫩滑,皮薄香嫩
同炸鸡系完全两种味道,个人喜欢焗鸡多一点

另外小吃有沙律两款,炸薯条两款味道
韩式酸萝卜,蜜糖牛油粟米,韩式辣海蜇,炒杂菌

当日下午去食都爆晒场,估唔到仍然咁受欢迎
饮品买一送一,有啤酒同特饮选择
个人推荐配啤酒食炸鸡!爽!
地址:铜锣湾百乐中心7楼

感谢 alex lam 林
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年12月4日点评

无得去韩国,唯有系香港揾韩国嘢食住先。今日就拣咗Sodam Chicken ,一嚟因为自己肚饿想食放题,二嚟系佢有齐烤鸡同炸鸡两种选择,仲要无骨。我叫咗 $128+20 嘅炸鸡+焗鸡+ pizza+小食放题 (90min)。

Pizza 4款 餐厅本身会将pizza放系自助区,俾客人自己拎。但因疫情关系,餐厅取消自助区,等客人 order后拎俾客人。Pizza一次上四款,每只味都系细细块咁,食多啲都仲有quota。Pizza薄身,每件为正方形,pizza底脆口,每件pizza馅料都好丰富。可能因为钟意千岛酱,叫千岛加勒比薄饼就啱晒,薄饼铺满千岛酱同芝士。

甜酸炸鸡 甜酸汁好开胃,仲有少少芝麻粒,配上嫩滑鸡肉,系好典型嘅韩式风味。 蜜糖芥末香葱炸鸡 蜜糖芥末酱捞炸鸡真系 match,又甜又有少少辣味,连埋鸡上嘅葱条一齐食,食落几开胃。 黄金咸蛋焗鸡 超邪恶, 炸鸡上沾满咗好多咸蛋黄酱,仲有啲咸蛋黄粒粒,好惹味。不过呢款鸡就比较油腻,可以后期啲先食。

牛油炒杂菇 必叫,超香同好有牛油味,另外仲落咗啲黑椒, 十分惹味。除咗杂菇外,其实仲有少量椰菜丝。

西柚啤酒 ($75) 餐厅做紧饮品买一送一,所以啤酒加埋apple cider都系收一个价钱,都几抵。饮品分量都好多,炸鸡配啤酒。

后话: 炸鸡同焗鸡各有七款口味,炸鸡另外有2款期间限定, pizza就有五款,小食有沙津同炸鸡必配嘅酸萝卜。炸鸡比较大旧,可能会饱啲。 所以,我钟意叫焗鸡多啲,一嚟好似无咁热气,二嚟细旧少少,可以食多啲、试多啲味。蜜糖蒜香味焗鸡都正‍♀️。餐厅另外系每张枱上提供胶手套同埋纸巾,大家就可以食得方便又卫生。

感谢 jas4food
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年11月8日点评 通过移动设备发表

今日本身谂住话我好钟意食韩式炸鸡,但我发现原来我好多时啲post都系讲我自己钟意食啲乜乜乜,例如话我好钟意食川菜,又或者话我好钟意食嫩鸡煨面咁。然后我先发现,原来我系乜都钟意食(只要佢整得好食)。

今日同朋友去咗食呢间Sodam Chicken,嚟到先知道原来有炸鸡放题可以叫,啱晒平时乜味都想试晒嘅我。于是就果断咁唔睇其他餐牌,一于就试呢个炸鸡放题。

炸鸡放题有九款唔同口味嘅炸鸡同埋四款Pizza可以任叫,都只系$128。如果想任食埋焗鸡同埋小食,都只系需要加$20。即系总共$148。因为我真系好贪食,乜都好想试,所以就果断咁加$20啦。

今次喺餐牌上面嘅所有炸鸡同焗鸡总共有16款,每只口味都好吸引,贪食嘅我每款都有叫一件去试。以为每件都只会系细细件,两个人食一定食得晒啦。点知原来每件都几大件嘅。建议如果大家怕食唔晒嘅话,可以叫一啲平时喺其他舖头食唔到嘅口味。

一咬落去每一件鸡都好滑,仲要爆肉汁添。嗱我要强调多次,系每一件,每一件鸡,无论系炸鸡定系焗鸡,都系咁滑。对于呢样野我系有啲惊讶嘅,因为平时通常食到嘅炸鸡都系有骨嘅比较滑,但点都会有几件系唔滑,至于冇骨嘅就通常会鞋少少添。但呢度每件计都系冇骨嘅,但每件都好滑好滑,我真系好惊讶。仲要呢个咁平嘅价钱有任食,都仲可以keep到每件都咁滑,我系觉得神奇嘅。

我觉得呢度嘅焗鸡个皮都系脆到好似有炸过咁,可能真系有炸过挂。但炸粉就薄过炸鸡好多嘅,少啲油味但又好香脆,所以我个人就钟意焗鸡多啲啦。

今日嘅Pizza有四款,我哋就四款都有试到嘅。其实唔系好分到边款打边款,但系觉得好好食嘅,如果最后唔系因为太饱其实都好想叫多次pizza。

另外仲叫咗两款小食,分别系韩式辣拌海蜇同埋蜜糖牛油粟米。

韩式辣拌海蜇
都几好食,仲好似夹杂咗少少菜同鸡丝添,唔错唔错。

蜜糖牛油粟米
本身对呢个其实就冇乜期望嘅,纯粹系想食下粟米嘅啫。但呢份牛油粟米一上枱,系闻到劲香劲香牛油味。粟米就应该系罐头粟米㗎啦,但啲牛油就真系好香。一路食都keep住有好浓好浓嘅牛油香,好正。食到底发现原来有好多牛油,好似觉得有啲邪恶添,不过都系好食最紧要啦。况且食炸鸡放题,仲学咩人讲怕邪恶啊。

16款鸡入面,其实款款都系咁滑架啦,不过个人喜好,有几款我私心系特别推荐嘅。

四川麻辣炸鸡(期间限定)
其实从来都冇谂过四川麻辣味同炸鸡可以咁夹,呢度个四川麻辣味系真系四川麻辣只味。第一啖咬落去又觉得唔系好辣,但2秒之后,个辣嘅后劲就出嚟啦,系好正嘅。钟意食川菜嘅朋友唔可以错过呢个。

黄金咸蛋焗鸡
呢款焗鸡咸蛋味超重,一路食一路都系成口咸蛋黄味,就好似之前好兴嘅咸蛋黄鱼皮只咸蛋黄味。一咬落去,咸蛋黄嘅油香连埋焗鸡本身爆出黎嘅肉汁,真系不得了。

蜜糖蒜香焗鸡
好有蜜糖味,又有啲蒜味,仲有啲粟米片喺上面,成个combination正啊。

首尔风味焗鸡
唔系好记得exactly呢个咩味,印象中好似有少少蒜味。呢个系我第一件食嘅焗鸡,有记得呢个系正嘅。

双重芝士焗鸡
因为我钟意奶类制品,而芝士系奶类制品,所以我钟意食芝士。而呢个芝士味十足,所以我觉得好食。

韩风紫菜焗鸡
紫菜味十足,虽然有少少咸,但我觉得紫菜味几好食。

喷火辣焗鸡
同四川麻辣炸鸡唔同嘅系,呢个你系一食就即刻feel到个种辣味嘅。但我个人觉得四川麻辣炸鸡只辣正啲。

发现我推荐嘅几款大部份都系焗鸡,可能系我真系钟意食焗鸡多啲。如果下次再嚟(其实应该都一定会再嚟)我应该第一时间会叫四川麻辣炸鸡同埋黄金咸蛋焗鸡先,一定唔可以错过。

顺带一提,因为我系喺非繁忙嘅时段过嚟,所以可以坐到窗边嘅梳化位,呢个位几阔落几舒服。

感谢 poorstudentlovesfood
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过Sodam Chicken的旅行者还看了

 

去过Sodam Chicken吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。