我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“没有被惊喜到”
Le Reve的点评

Le Reve
预订桌位
2
10/18周五
20:00
香港排名第5 (共13,926家美食)
周围地区: 湾仔/铜锣湾
餐厅详细资料
周围地区: 湾仔/铜锣湾
2019年8月27日点评

晚市主要有4道、6道同8道嘅套餐选择。因为自己唔中意食pork及朱古力,所以我拣左6道菜嘅套餐食。 系第一道菜上黎前有Amuse Bouche (餐前小点), 系青瓜同龙虾肉,感觉清新,不过味道没有甚么特别。

接着,侍应摆个布袋系张枱,话入面有面包可以食。打开,面包系热辣辣嘅,感觉好似新鲜出炉咁,可惜咬落去好韧,有点失望。

第一道菜系香煎北海道带子配酥脆蟹仔。带子煎完好香而且表面脆口,入面软滑。本身以为蟹仔系装饰,原来都系食得嘅,而且唔会硬,不过啲蟹钳有啲细,食果阵要小心唔好整亲个嘴。

第二道 'Surprise Dish' 系新鲜海胆。海胆下面系浓郁嘅酱汁(由于挂住影相,无听到系咩),另外黑色嘅系曲奇碎,红色貌似烟肉嘅系海藻。可能sauce太浓,掩盖左海胆嘅鲜味。本身以为曲奇加海胆会好奇怪,不过由于曲奇无咩甜味,所以都唔会令整体味道失衡。

第三道 'Surprise Dish' 系蟹肉日本桃蛋沙律。卖相摆盘好靓,虽然系披着龙虾壳,但入面系无龙虾肉的。食落好重蛋香,配埋白桃一齐食,甜甜地味道清新,好啱夏天食。想味道浓郁啲,可点左边嘅草莓酱食,想清新啲,可点右边嘅芒果酱食。

第四道就真系龙虾! 放系龙虾肉上面嘅系烘干的薯片、莲藕片、羽衣甘蓝及新鲜嘅芒果,每样都食到食材嘅原味,龙虾肉亦好弹牙!

第五道系主菜,我拣左银鳕鱼配青苹果汁。银鳕鱼好鲜嫩,不过当我用刀切嘅时候,好难切开块鱼皮,搞到鱼肉碎晒。而且个汁味道太浓,喧宾夺主。

第六道系甜品 - 芝麻慕丝。小妹觉得太甜,味道太浓,配下面嘅软面包碎食感觉怪怪的,不过份量是挺多的。

最后到petit four 嘅时间,呢度叫Mignar dishes ,是很普通的泡芙和柠檬慕丝蛋糕。

总括黎讲,食物嘅摆盘卖相靓,不过味道就没甚么惊喜,感觉不像法国菜那样经过精致细腻的处理,不过不失。

感谢 risrisophy
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (143)
旅行者评分
旅行者类型
时节
语言
  • 更多语言

6 - 10 条点评,共 143 条

TripAdvisor 中国会员
2019年8月21日点评 通过移动设备发表

用餐日期:2019年7月
此点评仅代表旅行者个人的主观反馈,并不代表TripAdvisor以及其合作伙伴的反馈。
2019年8月18日点评 通过移动设备发表

今日就黎到呢度食法国fusion菜 不过佢其实系法国同日本mix嘅fusion 入到去佢哋个布置好靓 好华丽 原来佢哋既餐厅名译返做中文系解作”梦想” 所以你入到去都会见到啲装饰有羽毛DREAMCATCHER等等
入正题讲佢哋嘅嘢食 我哋就叫咗个六道菜嘅 其实佢哋仲有四道菜同埋八道菜 四道菜喺法国里边系叫轻食 而八道菜就系佢哋嘅signature

系食正式嘅嘢之前佢就会俾咗个包我哋先 佢里面有法国嘅面包同埋牛角包 系热辣辣㗎 同埋佢哋仲有个前菜系日本嘅牛蒡 食完我都觉得几开胃
第一道菜就嚟啦 系烧带子 佢下边有日本青豆蓉加咗芥茉酱 跟住上边有啲鱼子 壳下边呢就系用咗开心果整嘅饼干碎 成件事加埋系好夹㗎

第二道菜好明显就系海胆呀 佢除咗用咗新鲜嘅海胆刺身之外 佢下边仲有mousse 佢系加入左日本豆腐 而下面你见到黑色啲就其实系曲奇 佢哋三样嘢捞埋一齐食口感系一流 佢呢道菜系每日都唔同 佢就叫做surprise dish 咁即系客人系唔会知道日系食咩㗎 系咪好有神秘感呢

跟住落嚟果个surprise dish就系最底层就系蛋沙律 跟住日本松蟹同埋上边有啲日本蜜桃 食落去嘅感觉有啲似蛋糕 有好多唔同嘅口感 隔离仲有芒果酱可以俾你点 所以其实真系好似食紧蛋糕咁呀

主菜之前就系呢一个龙虾 佢系波士顿龙虾 上面啲就系沙律酱 跟住佢隔离就有啲芒果都埋一齐食 佢个龙虾系好弹牙 生熟都亦到啱啱好

佢个主菜我哋就叫左cod fish 同和牛 cod fish佢下边加咗青苹果 奇异果等等好清甜嘅生果去配合返上边好肥美嘅鱼 中和反佢既油腻感 佢用咗日本烧汁但系又唔会盖过鱼本身嘅鲜味
另外和牛要加钱 但我觉得好值得 因为佢真系做到入口即溶 佢其实冇加任何调味料 你只系食返和牛本身嘅味道 加小小盐就已经OK啦

最后就到甜品啦 其实佢系想做到好似一旧石头咁 周边有好多花花草草咁样 佢系用咗芝麻嘅mousse包住里面合桃嘅雪糕 我觉得好特别 因为我第一次食合桃味嘅雪糕 而周边你见到绿色嘅其实系用咗开心果味嘅蛋糕 跟住啡色一条条啲其实系朱古力黎 感觉好得意嘅成件事 而且仲要整得好靓 好真实咁
到最后配反餐茶既有一件cream brûlée 既蛋糕同一杯蜜桃沙冰 蛋糕味道唔会太浓 而且饼底做得非常好食 同杯餐茶好夹 而蜜桃沙冰就有好浓嘅蜜桃味 而且里面有蜜桃肉 为成个六道菜course画上完美既句号 总括而言钟意食法国菜嘅朋友一定要去试下呢间餐厅 相信一定会有惊喜

感谢 boobooalice
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
2019年8月17日点评 通过移动设备发表

Le Rêve(即系英文The Dream),用法文唻命名嘅餐厅应该系食法国菜?如果事前冇做好功课就订枱,咁可能分分钟会发错「梦」。

餐厅位于Zing!,喺Times Square附近,睇完龙珠展览行过去食饭就啱啱好。确认好订枱资料后就安排坐好,每枱有指定嘅店员去照顾。首先介绍咗餐厅嘅背景、名字由来,装修概念...听人讲故事都几有趣,估唔到个故事同之后用餐竟然互相关联。

5个喺英国读书嘅后生仔喺欧洲食尽好西,梦想将来都可以拥有自己嘅餐厅,提供高级精致嘅餐饮...就喺哩个梦,成就咗哩一间「梦」。Le Rêve系以最高法式规格嘅法国X日本餐厅,主要用高级嘅日本食材配以法式烹调同格式嘅fine dining。Le Rêve除咗系5个老板嘅梦,亦都想俾唻用餐嘅食客有梦嘅感觉。墙上同枱面都用咗羽毛去装饰,轻盈,虚幻,枱上亦唔跟传统用蜡烛,用咗蒲公英水晶球灯。

唔计唻饮酒食Shisha,晚餐只有set可以选择,分别系4 courses嘅light menu,6 courses menu同8 courses嘅signature menu。店员知道我哋第一次唻,唔系焚化炉,所以建议我哋叫中间嘅6 courses menu,而主菜因为想试多款同钟情和牛,所以其中一份加钱升级咗做鹿儿岛和牛。

每个course都extra包咗Amuse Bouche同面包。面包用布袋包住,未开已经闻到好香嘅面包香味。一啖过嘅Amuse Bouche都睇得出大厨佢哋嘅用心。

带子用上刺身级嘅北海道带子,轻轻香煎过嘅表面令带子更香,但中间嘅带子仍然保持弹牙爽口。贝壳底竟然系开心果crumble,摆碟真系非常用心去令每一道菜都非常精美,而当中好多「饰物」都食得落肚。配以一只小巧嘅日本小泽蟹,香脆可口。

紧接嘅两道菜系大厨按时令安排嘅两碟surprise dishes。先系宫崎白海胆配牛肝菌豆腐mosse,海胆壳下系竹碳曲奇碎,又一次善用唔同嘅食材,堆砌出一道道精美嘅美食艺术品。另一个神秘嘅惊喜系,龙虾壳下竟然系松叶蟹肉配以白桃、鱼子、日本蛋嘅一件冻蛋糕。同梦一样,你以为自己捉到,点知原来系触不到。

上一道菜用咗空嘅龙虾壳去做惊喜,起咗出唻嘅龙虾肉,亦都系之后嘅夏日主题龙虾美食。浓缩龙虾汁配番龙虾肉、脱水啤李同莲藕,加埋芒果,冇得顶。

主菜之一系日本鳕鱼,香煎到半生熟嘅刺身级鳕鱼保持嫩滑,配番用金奇异果、苹果、蕃茄同柠檬嘅酱汁去中和鱼油。

加钱升级嘅另一味主菜系鹿儿岛A4和牛牛柳配鸡油菌加上黑松露烧汁。大厨拣用牛柳,取其幼嫩同肉味,咬落成口牛味但唔会成口都系油。

甜品芝麻石头睇落好似一粒石头喺一个沙地上,有树枝有叶同花,话系一个盆景摆设都绝不过分。咁当然沙石、花草树枝全部都食得,芝麻石切开仲有蛋糕同雪糕喺入面,唔到你唔服。

最后仲有餐饮同Mignardises。一顿丰盛嘅fine dining正式落幕,两个小时嘅梦亦正式完结。

感谢 follow_shin_chan
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月16日点评 通过移动设备发表

餐厅以梦做主题, 一出电梯就令人好impressive, 四处都以同梦相关嘅装饰例如羽毛同捕梦网去衬托主题♥️
Menu以story book嘅方式呈现, 亦介绍到餐厅嘅起源, 好特别, 我哋拣咗6 Shades of Flavour

首先上台嘅系Amuse Bouche, 系法文里面嘅意思系俾嘴巴嘅享受, 简单啲来讲即系前菜, 呢个盒子入面装住青苹果粒同合桃, 相当开胃能够展示出厨师嘅功架

侍应为我地递上一个布袋, 触感微暖, 原来入边装咗新鲜嘅面包, 配上牛油, 为我地呢一餐打开序幕

紧接上嚟系Pan Seared Hokkaido Scallop, 采用日本空运新鲜带子, 只系将两面轻轻煎过, 配上鱼子同埋新鲜自制嘅青豆汁轻易成为我哋两个最爱嘅一道♥️当然不得不提厨师嘅用心之处, 碟上面嘅蟹, 叶同带子底下嘅竹炭饼干条, 全部都可以食用

Menu有两道Surprise Dish, 换言之即系我哋喺食物上嚟之前唔会知道内容, 制造惊喜比客人第一道菜系以海胆为主题, 上层系新鲜海胆同金鱼子, 而下层系豆腐mousse, 味道竟然离奇地夹

第二道菜亦好有惊喜, 上枱嘅时候以龙虾壳盖住, 原来打开并非龙虾肉, 而系以蟹肉配上日本桃, 又系另一个好fresh嘅配搭

正当先生喺到碎碎念点解冇龙虾食嘅时候, 第四道菜上枱喇以deep fried嘅甘蓝雨衣同莲藕片等配上新鲜嘅芒果肉同龙虾肉, 又系令人回味嘅一道

Main course我拣咗cod fish, 慢煮鱼柳带出鱼嘅鲜甜, 而又不失嫩滑嘅口感

先生拣咗Kagoshima, 用嘅系日本A4和牛, 同样系封煎外面, 然后以慢煮形式烹调, 口感系真正嘅入口即溶

最后系甜品Sesame Stone, 造型的确系栩栩如生, 外面系黑芝麻mousse, 入面系合桃雪糕, 嚟一个中西合璧, 充分展示厨师嘅创意

感谢 msfoodo
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过Le Reve吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页