我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“尖沙咀烧肉放题推介!有午市有晚市! 高丽轩韩国料理 高水准又抵食!$238起! 仲有多款韩式料理供应!”

高丽轩韩国料理
香港排名第1,947 (共15,631家美食)
周围地区: 尖沙咀
餐厅详细资料
周围地区: 尖沙咀
2020年12月8日点评

烧肉放题,日式食得多,其实韩式仲好食!
尖沙咀高丽轩超好食,最正系牛肉肉质超高!
加多$68升级加拿大雪花牛,带子,帆立贝任食
3A雪花牛,法式羊架,仲有招牌红炆牛肋骨
午市烧肉放题任饮任食$208,小童$158
晚市由$238起,小童$188起
呢个价系尖沙咀系抵食,仲要有咁多款选择!
落单自己写数量,款式,之后交纸比服务生即可

会先上五色韩国前菜,即系泡菜,辣萝卜片等等~
一边食住前菜就等食烧肉喇!
先上左雪花牛,一款系有醃一款系无醃既
个人比较喜欢预先调味既,甜甜地易入口
肉质更加嫩滑有弹性,两者油花都系好平均既
入口够嫩又够香,值回票价一定要食多2碟
牛舌都相当不错,有一定既厚度,食起黎爽脆

加埋烧帆立贝同带子,肉质也不错!

烧海鲜仲有大虎虾,多春鱼,秋刀,墨鱼,青口等
最好食会推荐海虾,鱿片,同带子
连壳去烧,唔会咁易烧焦!隔住壳去烧易控火

另外值得一提,佢D泡菜真系好好食!
五款,每一种都自己既味道!唔会单纯死辣味道

平时出面韩式都系用板烧,呢度用网烧

其实网烧火力更易控制,真系烧肉,唔系煎肉
火力够猛,煎封肉既两面,能够保留到肉汁
唔会咁易烧干,当然你记得睇火喇!

唔好讲笑,佢个红炆牛肋骨汤
我地扫清,个汤极为浓郁鲜甜!!

牛肋骨上既肉都非常入味,萝卜片吸饱鲜味汤汁
每一样食材都将味道发挥出黎,单卖做定食都得
5粒星推荐美食!
比较可惜最后时间唔够试埋人参汤!
小建议,睇定餐牌想食咩款,一口气入单
再慢慢食,唔系就会唔够时间食咁多款主食

头轮食牛,次轮当然试下海鲜啦!
叫左鱿片同海虾,有追加雪花牛!

配埋生菜同酱一齐食,唔会好油腻!

系度讲下餐牌有咩食啦~
牛肉,牛舌,牛肋,牛仔骨,肥牛
辣五花,原味五花腩,猪排骨,猪肉,颈肉,猪扒
鸡肉,红肠,蔬菜,鸡肉肠,鸡翼
蛋伴生牛肉,牛肉炒什菜,海鲜煎饼,泡菜猪肉
炒年糕,辣汁炒五花,盐烧鲭鱼,韩式粉丝,蛋包虾
人参鸡汤,辣海鲜汤,韩式面豉汤,牛骨豆腐汤
年糕汤饺,牛肋骨汤,牛尾汤,泡菜大豆汤
饭,石锅饭,海鲜石锅饭,鳗鱼石锅,什锦饭,炒饭
可乐,茶等任饮!

呢度最好就系唔会漏单或减你件数

你写几多就比几多,所以大家食几多就写几多
唔好浪费食物,呢度食物既水准都非常好

午餐几抵食架,有机会约埋朋友黎试下啦!
主食,汤品,烧肉都咁多选择,好过日式烧肉架

尖沙咀金巴利道46-48号地库
LG/F, 46-48 Kimberley Road,, Tsim Sha Tsui

感谢 alex lam 林
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (20)
旅行者评分
旅行者类型
时节
语言

1 - 5 条点评,共 20 条

2020年6月15日点评 通过移动设备发表

好耐无食韩烧喇。突然间心思思好想食,于是去咗尖沙咀都颇有人气嘅高丽轩韩国料理去食晚饭。我同女朋友两个无book台,直接walk-in入座,好彩去到时,时间尚早,未算太多人。入咗去无耐就坐满哂喇。

由于系平日星期一至买晚饭时段,所以收费系$248一位,另外再加咗$68任食升级推介menu嘅食物。食物同饮品嘅选择都非常之多,猪、牛、羊、海鲜、蔬菜都有。除咗生嘅食物,仲有一品料理、汤类、饭类等等。

一坐低就俾咗前菜,有韩国菜最常见嘅泡菜、辣萝卜、青瓜、芽菜同埋豆角。每款前菜都好好食,食完仲可以再添嫁。

升级推介嘅食物当中,帆立贝、加拿大Prime雪花牛同加拿大3A雪花牛相当之唔错。帆立贝加上咗蒜蓉,烧熟后吸收哂蒜蓉嘅香味。两款嘅雪花牛虽然各有特式、但都系油花分布均衡、入口嫩滑、充满油香。

另外推介俾大家嘅有蒙古羊肉同牛肋骨肉。蒙古羊肉预先用酱汁醃好,烧好后少少甜甜的,而且完全食唔到膻味,大家真系要点依个嚟食。牛肋骨肉系我另一推介,虽然肉香不级升级menu嘅加拿大Prime雪花牛同加拿大3A雪花牛、但牛肋骨肉嘅油脂分布绝对唔会比两款雪花牛肉差,入口油香而不腻。

因为烧肉食嘅意欲太强,所以都无咩叫到熟食。其实有好多款熟食都想试,但最终都只系点咗牛肋骨汤。牛肋骨汤同附近街嘅韩国料理餐厅一样处理得好好,汤渗透住好香浓嘅牛味,无得弹!

感谢 kenku216
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2019年10月18日点评

星期五去了尖沙咀的韩国街。今次入了高丽轩韩国料理,主要食韩式烧烤, $250一位(未加一)。入到去已经近乎满座,韩式烧烤以放题形式为主,食用时间约一个半钟。可以自己写低食物编号再交给店员。食物质素非常高,除了有生的肉类(牛、猪、羊、海鲜)外,还有熟食例如:锅物、韩式煎饼、炒年糕等等我最钟意食牛仔骨,不用少太久,已经可以食用。牛仔骨本身已经醃制得非常入味,所以烧后更为非常香口。

感谢 ckn540
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2019年5月12日点评 通过移动设备发表

任食高质烧肉,牛排骨。甜甜地同好浓牛肉味,无咩脂肪,肉质好嫩滑又多汁,超级推介。

牛利。牛味香浓,牛利比较薄身,烧落去好爽口。

熊本霜降和牛。块块都有雪花纹,脂肪比例平均。肉质鲜嫩,牛肉味浓郁,有入口即溶的感觉,推介。

特级牛颈肉。肥瘦比例刚刚好,口感带嫩滑 。

肉眼扒,肉色鲜红,带少许脂肪,肉质不会太韧,口感带爽滑。

带子非常厚身和新鲜,约有一元硬币的大小,烧完都唔会太缩水。

帆立贝大大粒,鲜味十足,一路烧D带子汁出哂黎。

感谢 foodielaam
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.tw 查看原文
2018年6月30日点评

一讲起韩式烧肉放题,
不得不提放题始祖—「汉xx」嘅韩国料理,
虽然好多放题质素参差,
但任饮任食确实有一定市场!
小编之前试过多次韩烧中伏,
自此之后,食韩烧成日都要挨贵,要去单点嘅韩国餐厅,
但今次终于揾到间值回票价嘅韩烧放题啦!

在尖沙咀金巴利道的角落,
有家「高丽轩韩国料理」,
晚上6点入座定价为$218/位,
9点后优惠时段为$198/位,
3人或以下用餐1.5小时,4人以上用餐2小时。

餐厅门面装潢简朴,
里面则比想像中宽敞,全部都是卡座位,
空间感十足~
平日晚上座无虚席,
除本地人外,还有不少游客帮衬,
看来相当受欢迎呢!
小编建议提早订座,
如果唔系就要等一阵位啦!

这里是写纸仔下单的,
虽然没有正式嘅点菜纸,
但仍然要赞一赞上菜准确迅速!

韩国烧肉嘅种类和料理多样化,
各部位嘅牛肉、猪肉和海鲜都有;
熟食料理也有很多,
有煎饼、炒年糕、汤品、一品料理、石头锅饭等~
如果想食更多更好质素嘅肉类和海鲜,
不妨加$38升级享受,
因为质素真的非当不错,☺️
推介皇者牛排骨、特级牛颈肉、熊本霜降和牛、帆立贝和红炆牛肋骨!♥️
(差不多全部都想推荐!)

上菜前先上传统韩式小碟:
泡菜、菠菜、芽菜、醃萝卜、豆角、青瓜,
没想过前菜都相当有水准呢!

皇者牛排骨
原块嘅重量级牛排骨切至细片,
脂肪分布均匀,
肉味丰腴,爽嫩多汁!

熊本霜降和牛
云石般细致的油花纹理,
筋肉间带呈网状的细小脂肪,
肉香软嫩,入口即溶~

法式羊架
经调味过嘅羊架,
半点羊羶味也没有,肉质鲜美多汁,不错吃!

想一次过试晒所有海鲜,
就一定要点烤什锦海鲜拼盘,
每款试少少,才重点出击,
推荐帆立贝、海虎虾,
原只帆立贝连壳上,
用蒜蓉醃过,够晒惹味,肉质弹牙,
一定要重点进击帆立贝,最正!
海虎虾个子都算大,肉质都算爽弹,不错吃!

带子鲜味弹牙,
不过相比起帆立贝,当然有点逊色啦。

牛脷
牛脷厚薄均一,肉质爽弹。

肉眼扒大大块,
肉质比较软腍多汁,脂肪分布平均。

牛仔骨肉香十足,肉质爽嫩!

食韩式烧肉,
当然少不了生菜和面鼓酱,
用生菜来包住啖啖肉,
感觉无咁油腻,同比较健康。☺️
如果有埋蒜片就更好啦~

多春鱼
烧多春鱼是很需要技巧的,
最重要是不要太大火,慢慢烧就好~
烧到胀卜卜就食得啦!
多春鱼新鲜,鱼春卜卜脆,好食!

什锦蔬菜
有鸡脾菇、翠肉瓜、茄子、洋葱,
全部都几新鲜,
不过如果有得分开点会更好,
因为小编我就不太爱吃洋葱。

平时放题会忽略了一品料理嘅烹调,
但这里嘅红炆牛肋骨拍得住韩国餐厅嘅料理,
牛肋骨炆得软腍入味,
萝卜炆得够腍,吸尽了汤底嘅精华,
意想不到嘅美味!

汤品类还有人参鸡汤、牛尾汤、泡菜汤等十多款,选择都几多样化~
豆腐辣汤
豆腐软嫩,
鸡蛋七成熟,仲有蛋汁系里面,
其他配料如翠肉瓜都几入味,
辣汤微辣惹味!

任饮饮品方面有汽水、韩式饮品和康师傅系列,
啤酒、特饮则需额外收费,
不过食韩国野点可以唔饮烧酒呢?

整体来说,
「高丽轩」嘅食物质素相当不错,
价格便宜,性价比高,
以后韩国烧肉放题终于有好选择啦!

感谢 foodie_talk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

去过高丽轩韩国料理吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2021 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。