如果话车仔面系比花心嘅人食，咁打边炉一定系比更加花心嘅人食，因为你可以再拣多啲嘅，连汤底都有得拣添啊，你可以钟意唔同嘅火锅料亦可以爱上唔同嘅汤底。喂！讲经咩，徐志摩打个边炉都无你咁多内心戏啦～
唔好意思，入返正题先！其实前几日去左十下到烚吓烚吓，想分享返个经历你地听啫～
打边炉除左炉最紧要之外，汤底都不可以求其，今次拣左鸳鸯锅。无辣不欢嘅我，叫左以麻辣汤底同白汤汤底去就返唔食辣嘅朋友。可惜麻辣汤底略嫌逊色，麻辣味唔够而且偏咸，如果可以多返啲麻就好好多。反而白汤比较出色，汤底调味白而不浊。
火锅料方面，令我比较难忘嘅系贡丸，凤城水饺，莲藕同萝卜。贡丸好弹牙仲要爆汁，虽然辣亲嘴但都好过瘾，真系想问吓老板喺边度入货。莲藕萝卜好爽脆鲜甜，配搭埋麻辣汤底系绝配。仲有佢个凤城水饺更加口感扎实，好足料！
调味料亦都令我好有惊喜，因为佢哋竟然有炸洋葱啊～虽然我都系第一次落炸洋葱做调味料，但系食落又几过瘾几脆口，以洋葱嘅甜味同辣味配搭上豉油，可以减轻豉油咸味，提升火锅料嘅味道。
有啲火锅料好似午餐肉，肥牛同蔬菜就比较普通，好似肥牛食落多筋，牛味唔出。但其实整体打边炉个体验几好，店员服务专业亲切。
#伏游铜锣湾
#铜锣湾美食
#食在铜锣湾
#铜锣湾火锅
十下 SUPPA
铜锣湾登龙街28号永光中心2楼
拥有或管理这家酒店？ 免费获取您的详情页以便回复点评、更新资料或者进行其他操作。