两个人叫半份香蒜蜜糖炸鸡已经好足够，鸡大概有五六件，但有好多热辣辣嘅薯角、薯条、同薯格，炸鸡外脆内嫩，粉唔算太厚，搞落去好多汁！我哋亦叫咗海鲜煎饼，同normal size 猪脚，同样份量都好大，尤其系猪脚，两个人真系食唔晒，味道酸酸甜甜，猪脚质感弹牙，用生菜包嚟食一流。呢间餐厅啲嘢好啱一班人嚟食，每碟份量都好大，多啲人食可以一齐share！

今日同妈咪出咗嚟食晚餐，拣咗一间我自己都几钟意嘅韩国餐厅，对上一次嚟帮衬已经系三年前跟住试吓今日水准有冇变到先，餐厅都非常之旺场我哋坐低冇耐已经全院满座，如果想食嘅朋友就一定要book定枱啦，我哋两个就叫咗个炸鸡拼盘同埋一个猪脚，我妈咪平时唔系好好呢一啲韩式嘅嘢都大钻个炸鸡超好味，炸到脆卜卜而且有几种味道可以点，鸡肉仲保持非常Juicy ,好耐冇听过我妈咪咁样咁钟意一间餐厅，仲话叫我下次一定要带佢去埋尖沙咀𠮶间分店再食过！

今日去咗近期好有人气嘅Outdark食晚饭。佢哋真系好有人气，今日只系平日，但全场爆满不特只，仲有一条长长嘅人龙等紧。好彩我一早有订到位，而又准时到达，所以一到步店员就安排我哋入座喇。

主菜未嚟之前，先食个小食蕃薯芝士条。芝士劲丰富、加埋内馅嘅蕃薯，甜甜哋，好好味。蕃薯芝士条可以做到拉丝，但可能有蕃薯嘅关系，拉得唔系好长。

主菜嘅芝士炒鸡，除咗有鸡髀肉块同年糕，仲有蛋卷、水牛车打芝士、香炒泡菜、菠萝粒同埋紫菜饭。店员会等个煲煲热烧热之后，替食客将粟米芝士、鸡髀肉块同年糕拌匀。鸡髀肉嫩滑弹牙，少少甜、少少辣，再加上水牛车打芝士，非常之惹味。酱汁同年糕亦都非常之夹。配埋旁边嘅泡菜、菠萝粒同埋紫菜饭，食到饱一饱，超满足。

今日系父亲节👨🏻，当然要带爸爸去食餐父亲节饭啦，两父女去撑枱脚。今日拣咗去尖沙咀食韩国餐。

餐牌上包罗万有，多款美食任你选择，食韩国餐最出名当然系炸鸡、仲有部队锅🥘、炒粉丝、芝士王国🧀

仲有多款不同既饮品：有酒类🍻、蜜糖茶、Smoothies、不含酒精既饮品

🍢串串鱼糕汤 $198
呢个系韩国夜市既美食，一串串既鱼糕吸收哂鱼汤既精华，配合野菜、菇类、鹌鹑蛋、年糕，好多配料，鲜甜味既鱼汤暖暖胃，好饮到不得了😋

🥬海云台泡菜煎饼 $98
香脆既煎饼，配上满满既泡菜，烟烟韧韧好好味，素食者都啱食，口感真系好正🤤食落多层次

🦐海鲜炒饭 $88
海鲜炒饭好多海鲜配料好有口咁，配上一只太阳蛋，份量适中，唔怕食得太饱。

饮品
🧉蜜糖生姜茶(Hot) $34
好香浓既姜味，少少甜，暖暖胃
🥤Mango Ade (Non-Alcohol) $34
芒果味劲浓，好好饮

📍OutDark.tst
尖沙咀厚福街8号H8 17楼

尖沙咀区一向多美食
近日就去左间区内热门韩国菜餐厅🇰🇷
提早去到见到门口已经排左好多人
已经feel到餐厅人气几强🔥
.
🧀蕃薯芝士条（$35）
外皮薄脆 内里口感烟韧
仲有淡淡既蕃薯味🍠好食👍🏻 🐥芝士炒鸡（$328）
份量都几大 足够三个人食👅
仲有鸡蛋卷 紫菜饭 泡菜同菠萝粒做配菜🍍
餐点上台后店员就会帮食客将芝士同鸡炒好 几好service👀
味道甜甜地 用芝士包住鸡肉黎食 邪恶得黎好好味🤤
.
贪心既E.L仲叫多左个主食🐷猪肉炒粉丝（$88）
味道发挥正常 不过油左少少🤏🏻
.
人均消费：$254
美味指数：😋😋😋😋😋😋😋😋（8.5/10）
抵食指数：💰💰💰💰💰💰💰（7.5/10）
打卡指数：📷📷📷📷📷📷📷📷(8/10）
.
店名：Outdark (尖沙咀)
地址：尖沙咀厚福街8号H8 17楼
.