餐厅：Outdark (尖沙咀)
地址：尖沙咀厚福街8号H8 17楼

一直想去韩式黄店Outdark食嘢好耐💛，Outdark喺香港都算系数一数二嘅韩国餐厅，由韩国釜山人打理，今次终于揾到朋友陪我去食芝士年糕喇😎

今次去咗尖沙咀厚福街呢间分店，一打开笠门就见到一幅挂满愿望锁嘅墙，相信呢度有数千甚至成万个彩色锁头🔒，都几壮观。行入餐厅就见到浪漫昏暗嘅环境，配上无数个发光发亮嘅悬挂星星🌟，配埋音乐又真系几有feel🥰

猪肉原祖炒年糕 $288
呢个份量真心食得饱人😂，三至四人分享都得，我哋两个人食得晒都算系咁，呢个锅分开五格，正中间嘅紧系辣炒猪肉啦🐷，当中有唔少年糕、蔬菜同埋鱼腐等，原味微辣惹味😋，钟意食辣嘅朋友仲可以叫辛辣味🌶，识食嘅一定系捞埋侧边嘅粟米水牛车打芝士🧀、紫菜饭🍙、香甜菠萝粒🍍同埋香炒泡菜一齐食，睇吓啲芝士可以拉到几高😍

炸虾饭卷 $88
呢个炸虾饭卷份量都几大，有成十旧，仲可以见到两条原只嘅炸虾🍤，其他馅料仲包括红萝卜🥕、玉子、青瓜🥒、生菜🥬、韩式醃萝卜等，最厉害嘅系影完相先食，啲炸虾仲系好香脆可口，唔会好厚粉，夹落亦唔会好易散开，值得一试🤩

Ade喺韩国流行嘅饮品🇰🇷，泛指将一啲果汁加入汽水，形成色彩缤纷嘅打卡必叫饮品🍹，Outdark Ade有七款，全部都无酒精嘅，我同朋友就分别叫咗杯Blue Lemon($34)同Ice Peach($34)，我哋𠮶日喺按住心情嘅颜色嚟拣😆，唔知你又今日又系咩色呢？

虽然嘢食好似贵咗啲，但系份量真系好足，而且真系好好味😚，唔想排长龙嘅话，去前记得要book位啊，因为Outdark长期爆满🙈

两个人叫半份香蒜蜜糖炸鸡已经好足够，鸡大概有五六件，但有好多热辣辣嘅薯角、薯条、同薯格，炸鸡外脆内嫩，粉唔算太厚，搞落去好多汁！我哋亦叫咗海鲜煎饼，同normal size 猪脚，同样份量都好大，尤其系猪脚，两个人真系食唔晒，味道酸酸甜甜，猪脚质感弹牙，用生菜包嚟食一流。呢间餐厅啲嘢好啱一班人嚟食，每碟份量都好大，多啲人食可以一齐share！

今日同妈咪出咗嚟食晚餐，拣咗一间我自己都几钟意嘅韩国餐厅，对上一次嚟帮衬已经系三年前跟住试吓今日水准有冇变到先，餐厅都非常之旺场我哋坐低冇耐已经全院满座，如果想食嘅朋友就一定要book定枱啦，我哋两个就叫咗个炸鸡拼盘同埋一个猪脚，我妈咪平时唔系好好呢一啲韩式嘅嘢都大钻个炸鸡超好味，炸到脆卜卜而且有几种味道可以点，鸡肉仲保持非常Juicy ,好耐冇听过我妈咪咁样咁钟意一间餐厅，仲话叫我下次一定要带佢去埋尖沙咀𠮶间分店再食过！

今日去咗近期好有人气嘅Outdark食晚饭。佢哋真系好有人气，今日只系平日，但全场爆满不特只，仲有一条长长嘅人龙等紧。好彩我一早有订到位，而又准时到达，所以一到步店员就安排我哋入座喇。

主菜未嚟之前，先食个小食蕃薯芝士条。芝士劲丰富、加埋内馅嘅蕃薯，甜甜哋，好好味。蕃薯芝士条可以做到拉丝，但可能有蕃薯嘅关系，拉得唔系好长。

主菜嘅芝士炒鸡，除咗有鸡髀肉块同年糕，仲有蛋卷、水牛车打芝士、香炒泡菜、菠萝粒同埋紫菜饭。店员会等个煲煲热烧热之后，替食客将粟米芝士、鸡髀肉块同年糕拌匀。鸡髀肉嫩滑弹牙，少少甜、少少辣，再加上水牛车打芝士，非常之惹味。酱汁同年糕亦都非常之夹。配埋旁边嘅泡菜、菠萝粒同埋紫菜饭，食到饱一饱，超满足。

今日系父亲节👨🏻，当然要带爸爸去食餐父亲节饭啦，两父女去撑枱脚。今日拣咗去尖沙咀食韩国餐。

餐牌上包罗万有，多款美食任你选择，食韩国餐最出名当然系炸鸡、仲有部队锅🥘、炒粉丝、芝士王国🧀

仲有多款不同既饮品：有酒类🍻、蜜糖茶、Smoothies、不含酒精既饮品

🍢串串鱼糕汤 $198
呢个系韩国夜市既美食，一串串既鱼糕吸收哂鱼汤既精华，配合野菜、菇类、鹌鹑蛋、年糕，好多配料，鲜甜味既鱼汤暖暖胃，好饮到不得了😋

🥬海云台泡菜煎饼 $98
香脆既煎饼，配上满满既泡菜，烟烟韧韧好好味，素食者都啱食，口感真系好正🤤食落多层次

🦐海鲜炒饭 $88
海鲜炒饭好多海鲜配料好有口咁，配上一只太阳蛋，份量适中，唔怕食得太饱。

饮品
🧉蜜糖生姜茶(Hot) $34
好香浓既姜味，少少甜，暖暖胃
🥤Mango Ade (Non-Alcohol) $34
芒果味劲浓，好好饮

📍OutDark.tst
尖沙咀厚福街8号H8 17楼