拜年后无所事事，就同朋友去返呢间令我对韩国菜重拾好感嘅餐厅食early dinner🥰

🇰🇷香蒜蜜糖炸鸡（$118）
除咗原味炸鸡，就未食过其他，所以店员向我推荐呢款比较多人点嘅口味！炸鸡炸得香脆又啖啖肉，淋上甜甜地嘅香蒜蜜糖酱几惹味😋但朋友不好甜食，相比下会较喜欢原味！另外仲有薯条、薯角及薯格，配埋醃萝卜、茄汁及甜辣酱一齐食够晒滋味😋

🇰🇷猪肉炒粉丝（$88）
粉丝加入麻油，连同韩国猪肉、冬菇、洋葱及萝卜丝等一齐炒，粉丝及蔬菜吸收咗肉汁后好入味，麻油味够香，面层嘅芝麻粒令香味更突出，真系几好食😋

🇰🇷东莱海鲜煎饼（$118）
呢个煎饼真系每次必点🤩蔬菜及海鲜配料多得夸张，与粉浆比例唔成正比😆口感又够丰富，暂时与我食过嘅韩式煎饼无得比，真系好好食😋推荐👍🏻

🇰🇷炸虾饭卷（$88）
之前食过炭豚饭卷，所以今次就试吓炸虾😋饭卷除咗主要嘅馅料有分别外，其余馅料感觉上差不多，都系有青瓜、蛋、醃萝卜及菜等，味道同炭豚饭卷差不多，一样咁好食😋但如果酱料多返啲会更好！

🇰🇷Ice Peach（$34）
饮品加入鲜柠檬片及薄荷叶，所以除咗有桃味外，仲有柠檬及薄荷味，味道甜咗啲，但呢杯饮品确系解渴嘅👍🏻

最终又系份量多到要打包返屋企做宵夜😆

餐厅：Outdark (尖沙咀)
地址：尖沙咀厚福街8号H8 17楼

一直想去韩式黄店Outdark食嘢好耐💛，Outdark喺香港都算系数一数二嘅韩国餐厅，由韩国釜山人打理，今次终于揾到朋友陪我去食芝士年糕喇😎

今次去咗尖沙咀厚福街呢间分店，一打开笠门就见到一幅挂满愿望锁嘅墙，相信呢度有数千甚至成万个彩色锁头🔒，都几壮观。行入餐厅就见到浪漫昏暗嘅环境，配上无数个发光发亮嘅悬挂星星🌟，配埋音乐又真系几有feel🥰

猪肉原祖炒年糕 $288
呢个份量真心食得饱人😂，三至四人分享都得，我哋两个人食得晒都算系咁，呢个锅分开五格，正中间嘅紧系辣炒猪肉啦🐷，当中有唔少年糕、蔬菜同埋鱼腐等，原味微辣惹味😋，钟意食辣嘅朋友仲可以叫辛辣味🌶，识食嘅一定系捞埋侧边嘅粟米水牛车打芝士🧀、紫菜饭🍙、香甜菠萝粒🍍同埋香炒泡菜一齐食，睇吓啲芝士可以拉到几高😍

炸虾饭卷 $88
呢个炸虾饭卷份量都几大，有成十旧，仲可以见到两条原只嘅炸虾🍤，其他馅料仲包括红萝卜🥕、玉子、青瓜🥒、生菜🥬、韩式醃萝卜等，最厉害嘅系影完相先食，啲炸虾仲系好香脆可口，唔会好厚粉，夹落亦唔会好易散开，值得一试🤩

Ade喺韩国流行嘅饮品🇰🇷，泛指将一啲果汁加入汽水，形成色彩缤纷嘅打卡必叫饮品🍹，Outdark Ade有七款，全部都无酒精嘅，我同朋友就分别叫咗杯Blue Lemon($34)同Ice Peach($34)，我哋𠮶日喺按住心情嘅颜色嚟拣😆，唔知你又今日又系咩色呢？

虽然嘢食好似贵咗啲，但系份量真系好足，而且真系好好味😚，唔想排长龙嘅话，去前记得要book位啊，因为Outdark长期爆满🙈

两个人叫半份香蒜蜜糖炸鸡已经好足够，鸡大概有五六件，但有好多热辣辣嘅薯角、薯条、同薯格，炸鸡外脆内嫩，粉唔算太厚，搞落去好多汁！我哋亦叫咗海鲜煎饼，同normal size 猪脚，同样份量都好大，尤其系猪脚，两个人真系食唔晒，味道酸酸甜甜，猪脚质感弹牙，用生菜包嚟食一流。呢间餐厅啲嘢好啱一班人嚟食，每碟份量都好大，多啲人食可以一齐share！

今日同妈咪出咗嚟食晚餐，拣咗一间我自己都几钟意嘅韩国餐厅，对上一次嚟帮衬已经系三年前跟住试吓今日水准有冇变到先，餐厅都非常之旺场我哋坐低冇耐已经全院满座，如果想食嘅朋友就一定要book定枱啦，我哋两个就叫咗个炸鸡拼盘同埋一个猪脚，我妈咪平时唔系好好呢一啲韩式嘅嘢都大钻个炸鸡超好味，炸到脆卜卜而且有几种味道可以点，鸡肉仲保持非常Juicy ,好耐冇听过我妈咪咁样咁钟意一间餐厅，仲话叫我下次一定要带佢去埋尖沙咀𠮶间分店再食过！

今日去咗近期好有人气嘅Outdark食晚饭。佢哋真系好有人气，今日只系平日，但全场爆满不特只，仲有一条长长嘅人龙等紧。好彩我一早有订到位，而又准时到达，所以一到步店员就安排我哋入座喇。

主菜未嚟之前，先食个小食蕃薯芝士条。芝士劲丰富、加埋内馅嘅蕃薯，甜甜哋，好好味。蕃薯芝士条可以做到拉丝，但可能有蕃薯嘅关系，拉得唔系好长。

主菜嘅芝士炒鸡，除咗有鸡髀肉块同年糕，仲有蛋卷、水牛车打芝士、香炒泡菜、菠萝粒同埋紫菜饭。店员会等个煲煲热烧热之后，替食客将粟米芝士、鸡髀肉块同年糕拌匀。鸡髀肉嫩滑弹牙，少少甜、少少辣，再加上水牛车打芝士，非常之惹味。酱汁同年糕亦都非常之夹。配埋旁边嘅泡菜、菠萝粒同埋紫菜饭，食到饱一饱，超满足。