疫情终于冇咁严重可以出去食饭，所以去咗尖沙咀食串烧。朋友揾咗呢一间肚饿了串烧专门店，之前有食过今次encore，食物嘅质素仍然冇令人失望。

首先嚟嘅系鸡泡鱼干（$49），每次食串烧都会叫呢个鸡泡鱼干去送啤酒。鸡泡鱼干食落好香口，而且烧到微微焦香超正，用来做前菜一流呀。

之后嚟嘅系柚子鸡翼（$30）同埋盐烧牛舌（$68）。柚子鸡翼$30有两只，而且鸡翼烧到仲好juicy，啲肉唔会烧到干晒。而且配上柚子酱十分好食。柚子将会令到鸡翼食落嘅感觉冇咁油腻。系一个好好嘅配搭。

至于盐烧牛舌同样地用上厚切牛舌，牛舌上边洒上盐同埋黑椒一齐烧。唔使用好特别嘅调味已经可以带出牛舌嘅美味。

盐烧秋刀鱼（$38），秋刀鱼系我另一个每次食串烧佢会叫既食物。但系以往食过既餐厅好多都处理得唔好，㓥开咗个鱼肚，搞到其他地方都变得好苦。好彩「肚饿了」冇搞到成条鱼都变得苦。唔错唔错

另外我哋今日仲特别叫咗个烧蠔拼盘（$178），个烧蠔拼盘有六只，就会分别有齐以上六款唔同口味嘅烧蠔😌我自己就觉得蒜蓉烧同埋黑松露香菇酱烧蠔最好食。

最后不得不提嘅就系蒜蓉茄子（$49），因为我本身系一个好钟意食蒜蓉嘅人，呢个呢个蒜蓉茄子上面铺上大量嘅蒜蓉再拎去烧。所以个茄子烧到好有蒜香味，而且仲烧得啱啱好👍

总括而言，肚饿了仍然维持到应有嘅水准，相信下次再想食串烧嘅时候都会拣返呢一间。

原来已经有一段时间没有吃串烧， 昨晚与朋友想揾个地方一边食串烧一边倾计， 突然想起肚饿了串烧烤焗专门店， 就即兴去食。 大家拣自己喜欢的串烧🍡😋，盐烧牛舌$68、金菇牛肉卷$39、鸡肉串$39、香烧饺子鸡翼$49、蒜蓉广岛蠔$68、 蒜蓉茄子$49、烧韮菜$25、蜜糖广岛蠔$68、罐装乌龙茶$18、罐装柠七乐$18。

⭕盐烧牛舌🍡～ 牛舌厚切， 食串烧最钟意点牛舌。

⭕金菇牛肉卷🍡～ 烧得刚刚好有肉汁， 有三件份量都唔少。

⭕鸡肉串🍡～ 啖啖肉， 入口嫩滑好味。

⭕香烧饺子鸡翼🍗～ 明太子饺子鸡翼， 少少微辣 最惹味。

⭕蒜蓉广岛蠔🦪～ 入口juicy又肥美， 新鲜。

⭕蒜蓉茄子🍆～ 每次必点蒜蓉茄子， 蒜蓉和茄子两者的味道是最夹的。

⭕烧韮菜🍡～ 朋友很喜欢吃烧韮菜， 这里烧得很嫩滑。

⭕蜜糖广岛蠔🦪～ 稍为有点烧过时间， 广岛蠔干了少少。

⭕罐装乌龙茶🥤～ 我饮乌龙茶， 可以去腻。

⭕罐装柠七乐🥤～ 朋友的柠七乐， 不太甜几好。

约埋三五知己吃串烧，一边倾计一边饮嘢， 过了一个开心的晚上。😚

肚饿了串烧烤焗专门店
地址: 尖沙咀亚士厘道17-19号6楼

鸡肉串
肉质软嫩适中，份量非常大，想再点一份时却已经买晒了。大受欢迎啊。

牛舌
非常厚切咬下之后非常非常Q弹，味道偏咸但非常美味， 十分推荐。

蟹籽芝士玉子烧
比想像中大份非常多，香味扑鼻，好吃而且口感绵密清爽。

蒜香茄子
烤好的茄子上铺满满的蒜蓉，每口咬下都有浓郁的蒜味。味道很棒很重口味，推荐给喜欢吃大蒜的朋友们。

整体而言，食物种类很多，味道都算不错而且价格平易近人。

蒜蓉茄子 - 全晚我最钟意的食物，蒜蓉烧到黄金，蒜味细心地渗入到茄子肉内，非常入味。茄子够热，丝丝相连，湿润香口。
.
原条馒鱼 - 原条！烧得靓味道正，大大只又厚身，啖啖肉夫复何求。
.
食烧物当然少不了鸡翼，这里口味选择多，我们一连叫了4种：肉汁烧鸡翼（两只）、蜜糖鸡翼（两只）、劲辣跳舞鸡翼（两只）、柚子鸡翼（两只）。柚子味意外地夹又好清新，劲辣味好过瘾辣得劲。最重要是辣热热，烧到juicy 不干柴。
免治鸡肉棒 - 带有鸡软骨的脆感，一边咬一边倾天
安格斯牛柳粒、金菇牛肉卷 - 牛魔王必点，牛香满溢
芝士丸 - 我每次都会点芝士丸，拉丝效果一流
烧玉子（芝士蟹籽）- 有玉子、芝士及蟹籽，creamy 又饱足，$38 抵食次之选。
.
除了烧物，也有充满香港特色的啤酒。环境暗暗地非常适合谈天说地！

亚士厘道上楼嘅呢一间串烧店， 胜在地点够方便， 又有串烧食又有啤酒饮， 三四知己坐埋一齐倾下计， 可以减减压。

自家制惹味烧鸡肉串，以串烧嚟讲极度厚肉，鸡肉嫩滑而醃得入味，厨师细心除去鸡皮，食得多都唔会有罪疚感。

特色烧免治鸡肉捧，鸡肉棒口感扎实，配上照烧汁同埋七味粉已经相当好味，如果有埋个月见汁点下嘅话，相信会更加相得益彰。

烧大辣牛丸，竟然连牛丸都有令人满足嘅牛味，咬开个横切面见到粒粒细碎嘅辣椒，绝对辣得过瘾， 爱辣嘅朋友值得一试。

芝士蟹籽烧玉子，从其他食友嘅相片见到呢个玉子烧咁特别就嗌咗一份嚟试下，蟹籽嘅脆卜卜口感同玉子嘅软绵绵非常配衬，味道方面亦系两极，蟹籽嘅咸鲜同玉子嘅清甜相辅相成，再加上芝士呢个中间人，真系好食到无朋友。

香烧金菇牛肉卷，肥牛外层烧得香脆，金菇尽索牛肉嘅精华，加上黑椒同埋牛肉呢个绝配，没有不好吃的理由。

劲辣跳舞鸡翼，鸡翼肉质嫩滑，辣度嚟讲我会俾谭仔三小，对于食开中小辣嘅我未至于要跳舞。

自家制金黄酱广岛蠔，广岛蠔蠔身饱满，口感滑嫩，厨师将蠔嘅熟度掌握得啱啱好，入口非常 Juicy，个金黄酱有少少以 Mmayonnaise，同个蠔味好夹。

微辣肉碎原条烧茄子，大大只嘅原条烧茄子，对切后喺面头洒上海量嘅辣肉碎及恰到好处嘅孜然，令人食到停唔到口。