好耐之前因为一个youtuber介绍
就一路都bookmark住呢间餐厅
最近朋友搬左去附近
顺理成章可以一试

十五分钟前打去叫定外卖 去到等多五分钟左右就有得拎 以门口都仲有一条人龙黎讲都算快

门口有块通透大玻璃窗 睇到厨师们喺度整pizza 感觉唔错

因为人数唔多 而且放左工好攰 所以今次只系叫左香蒜芝士面包同黑松露菇意粉 蒜蓉包真系好香 一路拎住份外卖一路行去朋友屋企都闻到 意粉白汁都好creamy唔错 有机会都好想试埋佢地嘅pizza 相信堂食会更好味

好彩有打咗电话落咗单先嚟，
一嚟到见劲多人排队，
如果嚟到先嗌应该等半个钟都未有

今次叫咗蒜香芝士包，
真系劲多芝士呀！
另外仲叫咗个Triple Mushroom Pasta，
都好好味

客人好多又宽躺，客人好多，等待了10-15分钟，环境几西式又有音乐播放，感觉唔错；
我们点了Summer of love 1967 (火腿、辣肉肠、菠萝、菇菇）薄饼几薄又边边位脆卜卜，炭炉烧的薄饼是香口脆香；点了carbonara, 唔油腻酱汁不会好多，火腿片香口，不错喔

混合纽约同Pizza发源地拿玻里风味，全人手制作，亦选用「面粉教父」之称的 Caputo 零零面粉，每个面团都经过48小时发酵，所以做出黎既Pizza有烟韧脆口的质感。

Crazy Cheese + 我的帕尔马 $248
两个人拣左13”，见到隔离枱既18”真系超级壮观！唔同Size价钱不一，选择一个Pizza两种口味，会以价钱较高款收费。

My Parma 我的帕尔马
水牛芝士、San Marzano番茄、火箭菜、Parma Ham、Parmesan Cheese
每块都份量十足，落Parma Ham更加唔悭，多到数唔到呢度究竟有几多块。丰富咸香味，非常油润而且脂肪质感柔软，加埋几款Cheese同火箭菜，口感同味道层次丰富，不过就有啲越食越咸。

Crazy Cheese 疯狂芝士
水牛芝士、San Marzano番茄、Fontina Cheese、意大利牛奶芝士、Parmesan Cheese

唔好以为4款Cheese会好腻，热辣辣加埋芝士拉丝，配搭鲜甜浓郁的San Marzano番茄酱，越食越滋味。食落分唔清系边款芝士，但入口香软且具弹性，浓郁的奶香夹杂着芝士香气，芝士就算冻左，都唔会变得好硬。最中意系皮边干脆，中间系湿软，芝士同批底有双重烟韧口感。

久仰Mother of pizza大名！
平日6点半到访 完全唔洗等位woohooo (6月头去 入座后限时60分钟) pizza制作时间比想像中快 落单10分钟后就嚟齐哂

Pizza可以half half咁嗌 (价钱就跟贵啲个个) 然后食完先知 原来pizza仲有slice卖 如果下次都系两个人去食 真心净系叫蒜蓉包 再加两块pizza都够

▪️Pepperoni Super Saiyan 超级撒亚人肉肠 $228/13吋
pizza舖满美式辣肉肠 食落啖啖肉 几惹味 虽然系薄批 但仍然食到批底烟韧既口感 边边位几烤得好脆 带面粉香 又唔会太干身 中间较湿润 批底完全唔油腻

▪️Crazy cheese 疯狂芝士 $198/13吋
果然系crazy cheeseeeee
芝士份量唔惹少 芝士既厚度系批底既两三倍 入口香浓芝士味 惊喜地pizza比想中juicy得多 有唔少番茄汁 食落唔会太腻

▪️Garlic cheese bread $138
入口好香浓蒜味 表面仲舖有好多芝士
Bread既批底比起pizza既厚身 食落更能感受到面团既松软咬口
中间既酱汁带番茄香 唔算太浓稠 但可以一解油腻感
个人就钟意呢款蒜蓉包多过pizza 强烈推荐