仲有唔够两个礼拜就过年，约咗好朋友出嚟叙旧，顺便当吃顿团年饭。友人提议试下坚尼地城呢间获颁 Thai Select 皇家认证嘅正宗泰菜馆「Café Siam」。
听朋友讲餐厅嘅厨师全部都系泰国人，并具有泰国烹饪机构颁发的相关证书，所以食物嘅味道同烹调手法都好正宗，加上中环总店打住米芝莲旗号，绝对系信心嘅保证。
餐厅位于科士街，店内面积唔算十分大，装潢带点怀旧味道。用餐区以木台櫈为主，配合浅灰墙身，色调和谐，加上微暗的灯光，给人雅致舒适的感觉。
先看店员送上的餐牌，食物分门别类，有汤、招牌海鲜、小食及头盘、主菜、沙律、饭面、泰式咖喱、蔬菜及甜品等，另外亦有 Lunchtime Express、自选泰式汤粉等供应。
我哋点咗个暹馆孖宝 ($308)，套餐包两个前菜同两款主菜。前菜拣咗：脆炸素菜春卷伴泰式梅子酱及冬荫大头虾汤。春卷做得很不错，炸得非常香脆，干身又唔油腻，入面嘅馅料虽然只系得素菜，不过食落好清新，配埋酸甜嘅梅子酱，非常开胃。
至于冬荫大头虾汤亦色、香、味俱全。汤内有大量草菇同两只新鲜嘅大虾，草菇汁丰味美、虾只爽口弹牙，加上南姜的淡香、香茅的清香、青柠叶的甘香、辣椒子的辣香，绝对系真材实料。最正就系饮落香茅味唔太重，亦不过咸，很啱我口味。
主菜点咗泰式鸡柳炒腰果 同 泰式酸甜鱼柳，每款都配有白饭一碗。腰果鸡柳炒得很香口，鸡柳没有因炒得过久而变老，依然嫩滑，加埋腰果、草菇、马蹄、青红椒同洋葱等一齐食，口感很丰富。
另外碟泰式酸甜鱼柳食味亦不俗，鱼柳肉质扎实，食落嫩滑可口，加上外层嘅炸浆够薄，入口啖啖肉。酱汁嘅稀稠度亦调校得刚好，紧紧黏在鱼柳上，味道酸酸甜甜，用来送饭一流。
点呢个餐可以用半价品尝甜品及饮品，甜品拣咗南瓜焦糖布甸 (+$31) 同 芒果黑白糯米饭 (+$39)，布甸质感很软滑，面头淋满椰子浆，入口带南瓜的甜香及焦糖的甘醇。黑白糯米亦有水准，入口烟烟韧韧，配上椰浆及鲜甜的靓芒果，真系无得输。
饮品点咗两杯飞雪，椰香芒果飞雪 (+$24) 用了新鲜芒果肉和椰奶打成，入口椰香芒香满溢；而粉红艳丽的士多啤梨蕉蕉飞雪 (+$24) 就以草莓及香蕉炮制，入口充满天然果香，味道清甜无添加，也很值得一试。
拥有或管理这家酒店？ 免费获取您的详情页以便回复点评、更新资料或者进行其他操作。