试咗3款串烧一款饭一款沙律
1️⃣
串烧牛仔骨 HK$43
2️⃣
串烧白鳝 HK$60 呢两串同一时间上菜嘅，食落都几juicy，应该系因为酱汁所以令到望落去好深色～ 我系浓味人，所以好钟意呢款串烧，烧得够香，够味‼️配串烧嘅两款酱都好有泰式风味～

3️⃣
串烧大花虾 HK$70 好。大。只弹牙 仲有虾膏添呀

4️⃣
泰式酸辣猪颈肉沙律 HK$65 重口味人士啱晒‼️沙律里面有葱，芹菜，洋葱，加埋酸辣酱，好开胃～

5️⃣
泰式青咖哩牛腩饭 （配饮品一杯）HK$70 牛腩软淋，再配埋啲泰式蔬菜：小茄瓜，翠玉瓜，送饭一流～

Cocktail: Mojito HK$50 Refreshing cocktail 之选‼️去泰国夜市次次都会饮

今日难得早咗放工，所以就约咗屋企人出到去中环行街，带佢去大馆同PMQ行下，发掘一下中环嘅特色

行到差唔多嘅时候，我哋都开始觉得肚饿，咁岩又见到呢一间餐厅，所以谂都冇谂就入左去

餐牌上主打当然系泰式串烧，仲有好多泰式食物可以选择，价钱喺中环来讲算比较平民，所以我哋都点咗好多食物

首先到嘅系我要嘅龙眼冰，一嚟到就见到杯上面有好多粒龙眼，落足料，饮落去好清甜，够晒透心凉

呢个系泰式猪颈肉沙律，猪颈肉烧得好香脆，而且重点系泰式酱汁，辣得好起劲，越食越开胃，系一个好好嘅前菜

终于到主菜，各类泰式串烧都轮住黎，仲有多达5款酱料提供添！！大部份串烧都已经加上香草调味，烧完之后更加香，其中不得不提烧鸡皮，原本只系平平无奇既鸡皮，烧完之后变得好脆身，食唔到鸡油既油腻感，反而好香口，好有惊喜

至于另一款就系烧白鳝，同鳗鱼唔同，白鳝既鱼肉较实，所以烧既过程中好易老，但又怕烧得唔熟，不过师傅拿捏得好好，既保持鱼肉既嫩滑，又烧得刚刚熟

除此之外，串烧泰国鱼饼同牛仔骨都唔错，鱼饼够辣，落足香料，仲食到冬阴功味
牛仔骨就烧得好香，牛肉唔会太靭，里面仲有少少微红色，肉同骨好容易分得开

埋单都系三百几蚊左右，已经食到劲饱

香港中环｜兰桂坊小食串烧之最

《Grill ขุนทอง (中环)》
地址：中环兰桂坊德己立街17-19号地下
.
Grill一直都是我去完兰桂坊会想吃的泰式烧烤小食。疫情期间，兰桂坊没有什么活动，但却心血来潮想吃泰式串烧，所以便来了Grill吃晚餐。
.
他们的串烧是一流的，还有非常性价比高的套餐系列。这晚，我与友人叫了三串白鳝、一串牛仔骨、一串菠萝、一串鱿鱼、一串鸡，还有他们的招牌串烧饭（包括一串猪、一串鸡、一串牛、一杯饮品、少许蔬菜和炒饭。）
.
这间位置中环黄全地段的舖头，还受惠中环打工仔。午饭也有串烧套餐、木瓜丝沙津、青咖哩饭等套餐，全都是100元以下，性价比很高。
.
在众多串烧中，我最喜欢的是白饍。烧得白饍的皮很脆口，鱼肉则外脆内软，厨师能把鱼汁锁着，鲜味得来又不会有腥味。用来配来点的绿色汁更是不得不提，酸酸甜甜的味道与白饍很匹配。
.
另一道值得推荐的是烧波萝。他们用的是原只菠萝切件，并不是平常一般在烧烤店所用的罐头菠萝。这里的菠萝很鲜甜，一点也不酸。最适合在吃肉与肉之间时吃，能把舌头回到最清新的状态，再品尝下一道菜。
.
这间串烧店做得好的是，他们很细心。几乎每串串烧都有自己配撘的汁，配起来更能带出串烧自身的味道。
.
⭐️性价比：5/5星
人均：$50港元
关注【香港美食餐厅攻略】，寻宝美食优惠一起吃吃吃！喜欢的请给赞和收藏❤️
.
.
.

#香港餐厅 #香港探店 #香港旅游 #网红美食 #香港咖啡 #美食#hkig #hkrestaurants #hkrestaurant #hkfoodie #hkfoodie #restaurant #hktravel #hktraveller #hongkong #hongkong #hongkongfood #hongkongrestaurant #hongkongfoodie #hongkonglife #hk#discoverhk

估唔到喺中环兰桂坊呢度有间咁高质嘅串烧如果大家系club玩完落嚟食一食串烧、再啤一啤佢，我谂呢度系一个好好嘅选择。我就好钟意食辣嘅，咁我拣嘅串烧全部都系辣。重点系有好多酱可以拣，唔会净系得辣味咁单调，例如好多唔同嘅香料蒜头葱头泰式辣椒等等，令辣更有层次！

烧猪颈肉 ($22)
配上碎蒜头，蒜香加辣香，再同埋烧猪颈肉嘅脆边，几样野加埋一齐就好perfect。

烧菠萝 ($22) - 推荐
好少食得到咁大旧菠萝，而且系已经去晒皮，一粒一粒，而且每一粒都系超级甜！烧过之后更加逼发到菠萝嘅香味同甜到，完全唔会干。

白鳝 ($60)
呢个配有香草酱同埋更加多嘅碎蒜。有香草嘅后劲，而且个白鳝好厚肉，厚肉嘅好处就系容易锁住鱼嘅水份，所以食起上嚟好juicy。

牛仔骨 ($43) - 推荐
好少串烧舖头有牛仔骨，但系呢个真系好食，甚至乎好食过一般安格斯烧牛。旧牛表面上已经搽满晒香料，好有串烧嘅风味，而且内里仲系好湿润。

柚子海鲜沙律 ($70)
材料有鱿鱼、虾、青木瓜等等。不过个人觉得就一般般，因为食完所有浓味嘅串烧之后先食沙律可能觉得有啲淡，不过系可以中和到头先食嘅辣。

焦糖炖蛋 ($36 buy one get one free)
个texture比一般坊间嘅更加软身，类似mousse。但我个人就唔太喜欢呢种口感，但味道系好食既，而且系用上云呢拿籽，唔系用云呢拿精油。

周末晚上喺兰桂坊附近，见到呢间有个泰文名嘅串烧小店，几得意，咁就试吓，嚟个early dinner

呢度要自己喺cashier落单，然后会俾个号码牌你，自己揾位坐低，跟住就会有店员将食物攞俾你

- $70嘅去骨海南鸡（1/4只）：啖啖肉，几好鸡味，鸡肉好软熟，沾特制酱汁几好食
- $70嘅串烧大花虾：哗真系好大只，虾肉肉质结实又鲜味
- $22嘅有机芦笋：应该只系落咗少少盐去烧，简单好味

- 仲叫咗白鳝、白猪肉肠、牛肉、鸡皮（价钱分别系$60、$25、$18、$25）：可以睇吓最尾两张相，就见到呢几样食物，全部都几好味

另外，收银妹妹态度积极，有问题问佢，如果佢唔识佢都会帮你手问其他员工，抵赞