讲到食串烧，你地一定唔会谂到中环呢个地方！但偏偏系呢个地方，就竟然有间高质泰式串烧！
.
我地两条友叫咗劲多嘢食，埋单都只系两旧半水！首先我地叫咗个「泰式串烧配炒饭」，$66又炒饭又有3串串烧，串烧分别系有一串鸡肉、一串牛肉同埋一串猪肉！烧得唔错，唔会话烧到好干身，食落肉质幼嫩！
而个炒饭其实就系泰式炒饭，少少微辣，但食落好惹味！
.
另外我地仲叫咗其他串烧：
牛仔骨：呢个必食！完全唔韧，仲有肉汁！
.
烧菠萝，又甜又多汁，仲有大大旧，真系好鬼正！
.
烧鸡翼，呢个就普通咗啲，无咩特别！
.
猪颈肉，又系正嘢！肉质够爽口！
.
鱿鱼须，口感好烟韧，配啤酒一流！可惜师奶唔饮酒！
. 
泰式鱼饼，食落有少少辣辣地，又系好惹味！
.
本身仲有四款酱汁比你，呢四款真系串烧嘅精髓！惹味提升，我就最爱佢嘅沙爹酱，食落带点花生味道，正！
.
大家以后收工，Happy Hour又多个好地方！
有时间不访去整返串试下！
.
🔹Grill ขุนทอง
📍中环兰桂坊德己立街17-19号地下

中环难得有抵食泰国菜 😊呢度主要做串烧 午巿套餐选择唔多，今日试咗其中两个同样高质好味质。 价钱仲要好吸引🤩🤩

泰式串烧配炒饭及杂菜 ＄66
泰式串烧分别系鸡🐔牛🐂同埋猪🐖 三串都大大串好足料。每串烧的时间都啱啱好，香口得黎肉都仲系juicy，唔会㶶/干👍👍 配埋沙嗲酱汁 一流！！

去骨海南鸡饭 ＄66
海南鸡饭份量唔细，鸡肉非常嫩滑，啖啖滋味再加埋油饭同酱汁😋😋正！

午市套餐仲包埋饮品 港式热奶茶都冲得好好饮

猪颈肉沙律 劲巨型🤣expect系轻怡的点知出黎大大碟好多肉好surprise 👍👍 唔好睇少泰式沙律都真系几辣😂 我同朋友嗌左杯啤酒解辣
烧白鳝＆牛仔骨 同样烧得啱啱好
啤酒系shinga draft

泰式串烧配炒饭 - 有鸡肉，猪肉和牛肉串烧，炒饭是泰式炒饭，十分惹味！串烧肉质鲜嫩，带点焦香，个人最爱是鸡肉

堂食会提供四款泰式酱汁，真的是串烧的精髓，带点酸甜及微辣，每人吃不停口

烧鱿鱼须 - 酱汁香浓，鱿鱼须口感烟韧

烧牛仔骨 - 牛仔骨肉质鲜嫩，口感软腍

烧猪颈肉 - 猪颈肉肉质非常爽口

烧白鳝 - 鱼肉肉质口感结实爽口，最重要是没有鱼骨

烧鸡翼 - 鸡肉肉质鲜嫩， 鸡皮外脆内软

烧鸡皮 - 最推介是烧鸡皮，口感胶感重，鸡皮烧得十分香脆

今日难得收早，所以就约埋老公出去中环揾野食，顺便行吓新开张既激安殿堂，贪平日冇咁多人，易行好多

约老公喺兰桂坊𠮶头等，再睇吓有咩餐厅好食，点知行到去嘅时候已经闻到好香嘅串烧味，原来系呢间泰国串烧店舖，于是谂唔使谂就直接入咗去

睇见餐牌发现串烧都有好多选择，除咗肉类之外，仲有蔬菜甚至海鲜都有，完全唔知点拣好，所以最后交俾老公决定

点完餐之后等咗一阵，首先嚟嘅系饮品龙眼冰，龙眼嘅份量都唔少，成个杯面都见到一粒粒，饮落去几清甜，一阵间食完串烧再饮应该会更加解渴

之后有青咖喱牛腩饭，青咖喱有少少辣，不过唔算太攻鼻，几惹味，同牛腩好配合
至于牛腩就煮得好腍，够晒入味

终于到串烧登场，我哋叫咗好多款串烧，先有烧鸡翼、烧猪颈肉同烧白猪肉肠，烧得岩岩好，调味好足够，而且肉质够腍

之后有烧牛仔骨同烧菠萝，烧牛仔骨好容易骨肉分离，唔需要好用力咬开，而烧菠萝嘅甜度刚刚好，可以化解串烧嘅油腻感

总结来讲，性价比真系好高，呢个价钱可以食到咁多款串烧，加上喺中环地段，系一次好好嘅体验

< 🥓Grill > 📍中环
呢间位于中环嘅泰式餐厅除咗主打泰式主食 仲有串烧😋 而且价钱喺中环黎讲一啲都唔贵 有好多打工仔都买佢哋嘅饭盒食😛

🦐大虎虾 $70 / 1串
店员推介我地食呢个大虎虾 虾肉爽口弹牙 肉质鲜甜 而且有好多虾膏🥰 点泰式辣汁或者酸甜汁都好好食👍🏻👍🏻

🐟白鳝 $60
白鳝串烧好特别😍😍 亦都系餐厅嘅招牌之一 肉质爽口结实 唔会有腥味 油脂感重 另外加咗一啲香茅去烧 所以除咗食到鱼嘅鲜味 仲有啲香茅嘅香味 唔错😆

🥩牛仔骨 $43
牛仔骨有三大旧 醃得好入味 唔会太韧 都重牛味👍🏻👍🏻 不过近骨位比较难咬 要用多少少牙力先食到

🐷猪颈肉 $22
猪颈肉有四旧 偏薄身但好香脆 边边位有啲焦香 外脆入面好嫩滑 完全唔韧 点鸡酱或者其他酱都好好味😋

🍗鸡肉 $18
鸡肉叫咗两串 鸡肉好嫩滑 比出面嘅好食 醃得好入味 点沙嗲酱食一流 佢嘅沙嗲酱有花生粒🥜 几好味😋

🍍菠萝
食到咁上下就叫下啲蔬菜平衡返 烧菠萝有四旧 烧得好香 偏甜😛

🥬 芦笋
芦笋系偏幼身 几嫩 冇乜渣 我几钟意食😋😋