琴晚发梦梦到自己食串烧，所以一朝早起身我就拉埋老公去中环食Grill，一于食餐饱😇

柚子海鲜沙律$70
味道10分清新，有我最钟意嘅虾，数只鱿鱼，柚子，腰果，材料好多好丰富，系前菜开胃的好选择！

终于嚟到重头戏食串烧啦，分别叫咗鸡、猪肉及牛肉，当中我最钟意嘅就系鸡肉，肉嫩多汁， 而且都系$18串， CP值好高，超推介呢个！仲有白鳝食，钟意食鱼既话可以叫呢个～

牛仔骨👍🏻
好钟意佢啲酱汁，辣得好过瘾～

中环食串烧的好地方love

兰桂芳附近，食个泰式串烧，佢门外系有个熊熊烈火LCD mon 同非常大既灯箱，抢眼亦都几吸引!而且佢有个透明厨房劲多串烧排晒系度，睇到食材质素先入去食就一定唔会中伏!

有饭既套餐同多款唔同类型既烧物，对比起居酒屋，呢度食平好多!

泰式既话当然要食泰式串烧炒饭，鸡牛猪有晒，个饭系香辣惹味，非常唔错!套餐有跟饮品，柠檬茶非常够冻，柠檬片好厚! 食热气野就系要饮D冻野下下火!

呢度都有D酒类饮品，串烧配啤酒其实系绝配，不过我地套餐有野饮就冇特别叫lu~
青木瓜手撕鸡沙津，份量多，手撕鸡舖到成个小山咁，木瓜萝卜丝更多而且爽口新鲜，但切得有D过长，入口唔够方便，捞埋甜甜地既泰式汁食都好味。

串烧就咩都试下，牛仔骨都几推荐，好腍身都OK嫩，比起普通牛肉串好味!

白鳝系有皮脆肉嫩既口感，烧完D肉都滑滑，烧既火喉控制得唔错!
大花虾大只、新鲜、肥美! 烧完有D痴壳，因为想一次过食肉，所以慢慢剥好先食，但花少少时间都值既，因为真系几弹牙啖啖肉。

鱿鱼须都几多，佢有好多酱，配肉最好味既话真系~沙爹酱!!佢系甜味浓辣味少，浓又稠~食肉串最爽，其次几钟意就系酸辣酱。其实其他酱都ok，睇你配咩类型既串烧~

真系超耐冇咁放肆食串烧啦!~系兰桂芳叹串烧都真系几Chill!~

每次去亲兰桂坊就一定会经过呢一间舖头，我谂大家都会俾佢嘅香味吸引到。所以我每次都一定会买几串食打底，冇理由饮酒之前空肚㗎嘛🤣
今次早咗少少度又肚饿就叫多几转做晚餐，叫左牛仔骨 ，白鳝，大虎虾，鱼饼，菠萝，露荀，猪颈肉，鸡皮，鸡肉，牛肉。
有睇开我写食评都知我唔食得辣㗎，但系今次店员攞晒全部酱汁出嚟，咁我当然咩都点下试。啲辣汁有几只，全部都好香，亦照惯例我一食就出晒汗😂，结果好多我都点返沙嗲酱同埋泰式辣。鱼饼我唸住试下原味，但系点知佢都用咗辣椒去整，但系超级好食。
如果钟意食烧烤嘅朋友一定要食烧菠萝，佢个菠萝有少少焦糖面，烧完都仲系好多汁好甜，必须encore。
另外要极力推介牛仔骨白鳝同埋大虎虾，牛仔骨好林味道好重，师傅烧得啱啱好唔会干身太硬。白鳝新鲜弹牙一啲都唔腥。大虾更加系一绝，成只超弹牙好味！

讲到食串烧，你地一定唔会谂到中环呢个地方！但偏偏系呢个地方，就竟然有间高质泰式串烧！
.
我地两条友叫咗劲多嘢食，埋单都只系两旧半水！首先我地叫咗个「泰式串烧配炒饭」，$66又炒饭又有3串串烧，串烧分别系有一串鸡肉、一串牛肉同埋一串猪肉！烧得唔错，唔会话烧到好干身，食落肉质幼嫩！
而个炒饭其实就系泰式炒饭，少少微辣，但食落好惹味！
.
另外我地仲叫咗其他串烧：
牛仔骨：呢个必食！完全唔韧，仲有肉汁！
.
烧菠萝，又甜又多汁，仲有大大旧，真系好鬼正！
.
烧鸡翼，呢个就普通咗啲，无咩特别！
.
猪颈肉，又系正嘢！肉质够爽口！
.
鱿鱼须，口感好烟韧，配啤酒一流！可惜师奶唔饮酒！
. 
泰式鱼饼，食落有少少辣辣地，又系好惹味！
.
本身仲有四款酱汁比你，呢四款真系串烧嘅精髓！惹味提升，我就最爱佢嘅沙爹酱，食落带点花生味道，正！
.
大家以后收工，Happy Hour又多个好地方！
有时间不访去整返串试下！
.
🔹Grill ขุนทอง
📍中环兰桂坊德己立街17-19号地下

中环难得有抵食泰国菜 😊呢度主要做串烧 午巿套餐选择唔多，今日试咗其中两个同样高质好味质。 价钱仲要好吸引🤩🤩

泰式串烧配炒饭及杂菜 ＄66
泰式串烧分别系鸡🐔牛🐂同埋猪🐖 三串都大大串好足料。每串烧的时间都啱啱好，香口得黎肉都仲系juicy，唔会㶶/干👍👍 配埋沙嗲酱汁 一流！！

去骨海南鸡饭 ＄66
海南鸡饭份量唔细，鸡肉非常嫩滑，啖啖滋味再加埋油饭同酱汁😋😋正！

午市套餐仲包埋饮品 港式热奶茶都冲得好好饮

猪颈肉沙律 劲巨型🤣expect系轻怡的点知出黎大大碟好多肉好surprise 👍👍 唔好睇少泰式沙律都真系几辣😂 我同朋友嗌左杯啤酒解辣
烧白鳝＆牛仔骨 同样烧得啱啱好
啤酒系shinga draft