周末去到中环呢间串烧专卖店，之前有好多朋友介绍过，性价比高又好食，价钱好相宜一啲都唔贵，而且食物份量都几多，今次就一于过嚟食个午餐
-
泰式串烧配香辣炒饭及杂菜
炒饭配有鸡肉、牛肉、猪肉呢三串串烧，味道同口感都唔错 炒饭同菜嘅份量都好多，炒饭带点湿润，甜甜地辣辣地咁几开胃
-
青木瓜手撕鸡沙律
份量超级足料 唔单只青木瓜丝好多，连鸡丝都好多呀 配埋酸酸甜甜嘅酱汁好开胃 青木瓜丝口感爽脆，鸡丝都几嫩滑
-
串烧
除咗炒饭同沙律之外，我地仲叫咗其他串烧试试，包括牛仔骨、白鳝、大虎虾、露荀、菠萝。全部串烧都烧得好够火候，食材又够新鲜份量足，配埋辣辣地嘅酱汁够晒惹味 最推荐系牛仔骨、白鳝同大虎虾，尤其系白鳝一啲都唔腥肉质够嫩滑

Monday Blue。返左成日工，想食埋晚饭先走。好耐冇食泰式串烧，就醒起呢间位于老兰既泰式串烧吧，午餐同晚餐我都试过，都几正。离远已经闻到串烧香。今晚决定做食肉兽，净系叫一大堆串烧，全部叫晒我哋钟意既口味，另外叫左个沙津平衡返！

餐牌有沙律，海南鸡，几款饭，唔同肉类海鲜同蔬菜既串烧，仲有饮品。

首先系收银处落单俾钱，然后自己揾位坐低等食物送上，唔收加一服务费。

青木瓜手撕鸡沙律 $70
成座山咁，下底系满满既青木瓜，中间加左d红萝卜丝同青瓜丝，上面就铺满手撕鸡。酱汁另外用胶兜上。青木瓜丝都几生，好爽脆，加左d甜酸汁都几好食。鸡丝既质感都几好。

d串烧基本上一齐上，香喷喷，全部都醃得好好味，香口惹味，仲大大串啖啖肉！虽然所有串烧一齐上，有d会冇咁热，但系就唔洗左等右等。

猪颈肉 $22，薄薄地几香口。
牛仔骨 $43，好淋，一d都唔韧，调味好食到唔洗点酱就咁食都得。
鱿鱼须 $25，一串有十二细条左右，好有咬口。
白鳝$60，超爽滑，少少弹牙，质感好似鳗鱼。
猪牛肉 各$18一串，超抵食。牛肉啖啖肉；猪肉香口！
大花虾 $70 大花虾最后先上，热辣辣。超香虾壳味，d肉食到系新鲜既，虾头有膏，如果可以稍为冇咁熟会仲好味。

d串烧本身都好食唔乾，但加埋酱料更好食。随碟奉上5种酱料，分别为沙爹酱，泰式红鸡酱， 烤牛肉酱， 青辣椒酱，芫茜酸辣酱。泰式红鸡酱甜甜地好开胃，烤牛肉酱同芫茜酸辣酱真系好辣，青辣椒酱冇咁辣，真系要点乜酱自己拣。

食完真系大大满足！呢个价钱同质素系中环黎讲都算系抵！

话虽唔系做正苦工，但放假一定比番工开心放工唔Happy hour? 都要Grill Grill la一次过拎住4大串串烧，开心到以为今晚系开心星期五

烧白鳝 HKD 60
一串四块，落落口啱啱好！烧白鳝白鳝爽口弹牙，一啲都唔干身，不失原有嘅肉汁唷！特别钟意食佢嘅鱼皮位置，烧得香脆而且保留啲胶质，要跑仲有啲烧汁嘅香味可以Encore!!!

烧鱿鱼须 HKD 25
鱿鱼须用柠檬香茅等调味，味道清新仲非常之香口！钟意佢少少㶶，送酒一流有佢可以饮10杯烧酒！

烧牛仔骨 HKD 43
两大旧牛仔骨以黑椒调味，生熟度啱啱好，肉汁依然！特别钟意骨旁边嘅肉，食落更惹味

烧鸡肉串
鸡肉多汁，配上沙爹酱汁一齐食，已经好好味！（呢度嘅酱汁选择多，仲非常之足料，唔会水稀稀)

柚子海鲜沙律 HKD 70
超级钟意柚子，清新自然甜仲解渴，用佢嚟整沙律真系好开胃！柚子海鲜沙律里有：鲜虾、墨鱼仔、柚子、青木瓜、车厘茄同腰果......份量巨多！爽爽鲜虾仲要去壳去肠，食得过瘾食串串烧，再食埋柚子海鲜沙律，清清味蕾再食过

其实之前同事同事都嚟过呢间食lunch，set menu都有唔少选择，而且抵食！记得HKD 60左右就可以食到海南鸡饭/沙嗲串烧配泰式炒饭等等，仲可以饮龙眼冰添啊
真心几抵食

Follow @thebigeatsister, 带你四周围食好西 整牙之前, 喺中环食个lunch先‍♀️成日经过呢间Grill ขุนทอง, 一直都冇机会过嚟食, 今日一于同朋友去试试

大食妹点评
✼••┈┈┈┈┈┈••✼••┈┈┈┈┈┈┈••✼
【味道】
☞❶ #JumboPrawn
#烧大花虾 真系太吸引啦大花虾非常大只, 烧得好香口食落啖啖肉, 仲有好多虾膏
❤︎
☞➁ #WhiteEel
#烧白鳝 都好少见, 肉质肥美, 都相当唔错
❤︎
☞❸ #ShortRibs
#烧牛仔骨 系大食妹至爱, 推介大家过嚟试吓第一次食咁惹味嘅牛仔骨, 啲油脂相当邪恶
❤︎
☞➃ #GreenPapayaFlossandChicken
净系食烧烤可能有啲油腻, Grill ขุนทอง嘅 #青木瓜手撕鸡沙律 就帮你解腻青木瓜手撕鸡沙律份量好大, 三到四个人share就啱啱好啦青木瓜比较硬身, 但清脆爽口, 另外附有泰式酱汁, 俾你自行调味酸酸地几开胃, 适合春夏之际食用手撕鸡仲要超级多, 点解可以咁抵食呢
❤︎
☞❺ #FriedRicewithThaiBBQ
因为怕唔够饱, 我哋仲嗌左份泰式串烧配香辣炒饭及杂菜泰式串烧分别系牛肉串、猪肉串同鸡肉串, 系一个满足度几高嘅午餐香辣炒饭都好有特色, 味度辣辣地咸咸地, 好好食
❤︎
☞➅ #Iced Logan
食烧烤食到有少少口乾乾, 又返杯龙眼冰或者系一个唔错嘅选择❄️龙眼超多, 味道清甜解渴
❤︎
☞❼ #Lime Soda
唔钟意甜嘅朋友都可以拣呢个青柠梳打, 饮落都几清新
✼••┈┈┈┈┈┈••✼••┈┈┈┈┈┈┈••✼
【环境】
☞ 位于中环嘅Grill ขุนทอง 座位唔系好阔落, 但餐厅充满烧烤嘅香味, 令人非常有食欲
✼••┈┈┈┈┈┈••✼••┈┈┈┈┈┈┈••✼
【服务】
☞ 虽然系午市时段, 人流比较旺, 但上菜都好快, 值得一赞
✼••┈┈┈┈┈┈••✼••┈┈┈┈┈┈┈••✼
【性价比】
☞ 价钱唔系话好平, 但嘢食质素都算高, 而且串烧系调味同烹调都做得好好, 嘢食质素对得住个价钱
✼••┈┈┈┈┈┈••✼••┈┈┈┈┈┈┈••✼
【大食妹评分时间】
⚀味道:
⚁环境:
⚂服务:
⚃性价比:
⚄推荐菜式: Jumbo Prawn、White Eel、Short Ribs、Fried Rice with ThaBBQ

食亲串烧都系宵夜时段又口痕，今次约左朋友食饭时段都有得食串烧。

朋友同我各自点了一份饭
海南鸡饭66
啖啖鸡肉超级滑，已去骨。鸡肉底竟有椰菜和红萝白，更有海南辣椒酱和黑豉油相伴。觉得水准比得上专卖海南鸡既铺头。

朋友系食肉兽，呢份串烧饭$66很岩佢。有牛鸡猪各一串，串烧黎讲我钟情鸡肉因为滑d, 每串都已经醃好满满既椰香味，配上沙爹酱是画龙点睛。

见机会难逢我地加追了海鲜柚子沙律，呢个简直系成本价，柚子肉系大大旧多汁，海鲜丰富。

不得不提既系大虾串烧，海虾十分juicy, 虾肉够弹性，虾壳超香口，虾头仲有虾膏。 100分满分。

而菠萝串就被朋友一次过食哂。我都未有机会食。

饮品系冻柠檬茶同龙眼冰，都十分之浓味而不会太甜。