中环比我揾到间食串烧款式都多价钱都合理，餐厅位置都好方便，见到个餐牌真系有d花多眼乱

我见到有烧白鳝就试吓先，咬落啖啖肉入口即溶，估唔到咁好食大花虾真系好大只好多肉呀牛仔骨烧得一d都唔乾，咬落好多肉汁必试的，鱿鱼须烧得好好一d都唔韧有小小辣，有机露笋烧得好爽口食落仲系索索声，猪牛鸡都叫左一串，个沙嗲汁调校得好好味串烧对我黎讲食多多都唔够

我仲叫左个柚子海鲜沙律好多海鲜有虾、鱿鱼仔、蚬肉等，酱汁好开胃加埋木瓜丝.正
食完串烧加埋呢碟野冇得顶。

Grill ขุนทอง
.
工作日常来这里买午餐，$6x吃得饱饱的，价廉物美
这次相约旧同事来吃晚餐，除了最爱的串烧炒饭，还尝试了其他串烧
.
大花虾$70
超大一只 当然没有龙虾那么大，可是比一般串烧常见的虾大只很多，比手掌还大，所以有很多肉
肉质鲜美爽口，而且烤得很香
.
白鳝$60
白鳝肉质软腍，表面烤得半焦，香口惹味 酱汁也很特别，酸甜带辣好钟意
.
牛仔骨$43
牛仔骨醃得很入味，也是酸甜带辣的酱汁比平日常见的黑椒牛仔骨特别一些
.
青木瓜手撕鸡沙律$66
看到它的份量时我惊呆了本身以为沙律是小食，这份量根本是主食吧
青木瓜酸酸的很开胃，手撕鸡没加很多调味，感觉比较健康，想浓味一点也可以沾酱
.
泰式串烧配炒饭及杂菜$66
每次来食午餐的定番 一次就可以食齐猪牛鸡串烧
外皮焦脆，肉质鲜嫩，仲有大大碟炒饭
CP值之冠
.
泰国生啤$40
喜力$25
今次食完之后唔洗返工，当然要饮返杯
Cheers

周末去到中环呢间串烧专卖店，之前有好多朋友介绍过，性价比高又好食，价钱好相宜一啲都唔贵，而且食物份量都几多，今次就一于过嚟食个午餐
-
泰式串烧配香辣炒饭及杂菜
炒饭配有鸡肉、牛肉、猪肉呢三串串烧，味道同口感都唔错 炒饭同菜嘅份量都好多，炒饭带点湿润，甜甜地辣辣地咁几开胃
-
青木瓜手撕鸡沙律
份量超级足料 唔单只青木瓜丝好多，连鸡丝都好多呀 配埋酸酸甜甜嘅酱汁好开胃 青木瓜丝口感爽脆，鸡丝都几嫩滑
-
串烧
除咗炒饭同沙律之外，我地仲叫咗其他串烧试试，包括牛仔骨、白鳝、大虎虾、露荀、菠萝。全部串烧都烧得好够火候，食材又够新鲜份量足，配埋辣辣地嘅酱汁够晒惹味 最推荐系牛仔骨、白鳝同大虎虾，尤其系白鳝一啲都唔腥肉质够嫩滑

Monday Blue。返左成日工，想食埋晚饭先走。好耐冇食泰式串烧，就醒起呢间位于老兰既泰式串烧吧，午餐同晚餐我都试过，都几正。离远已经闻到串烧香。今晚决定做食肉兽，净系叫一大堆串烧，全部叫晒我哋钟意既口味，另外叫左个沙津平衡返！

餐牌有沙律，海南鸡，几款饭，唔同肉类海鲜同蔬菜既串烧，仲有饮品。

首先系收银处落单俾钱，然后自己揾位坐低等食物送上，唔收加一服务费。

青木瓜手撕鸡沙律 $70
成座山咁，下底系满满既青木瓜，中间加左d红萝卜丝同青瓜丝，上面就铺满手撕鸡。酱汁另外用胶兜上。青木瓜丝都几生，好爽脆，加左d甜酸汁都几好食。鸡丝既质感都几好。

d串烧基本上一齐上，香喷喷，全部都醃得好好味，香口惹味，仲大大串啖啖肉！虽然所有串烧一齐上，有d会冇咁热，但系就唔洗左等右等。

猪颈肉 $22，薄薄地几香口。
牛仔骨 $43，好淋，一d都唔韧，调味好食到唔洗点酱就咁食都得。
鱿鱼须 $25，一串有十二细条左右，好有咬口。
白鳝$60，超爽滑，少少弹牙，质感好似鳗鱼。
猪牛肉 各$18一串，超抵食。牛肉啖啖肉；猪肉香口！
大花虾 $70 大花虾最后先上，热辣辣。超香虾壳味，d肉食到系新鲜既，虾头有膏，如果可以稍为冇咁熟会仲好味。

d串烧本身都好食唔乾，但加埋酱料更好食。随碟奉上5种酱料，分别为沙爹酱，泰式红鸡酱， 烤牛肉酱， 青辣椒酱，芫茜酸辣酱。泰式红鸡酱甜甜地好开胃，烤牛肉酱同芫茜酸辣酱真系好辣，青辣椒酱冇咁辣，真系要点乜酱自己拣。

食完真系大大满足！呢个价钱同质素系中环黎讲都算系抵！

话虽唔系做正苦工，但放假一定比番工开心放工唔Happy hour? 都要Grill Grill la一次过拎住4大串串烧，开心到以为今晚系开心星期五

烧白鳝 HKD 60
一串四块，落落口啱啱好！烧白鳝白鳝爽口弹牙，一啲都唔干身，不失原有嘅肉汁唷！特别钟意食佢嘅鱼皮位置，烧得香脆而且保留啲胶质，要跑仲有啲烧汁嘅香味可以Encore!!!

烧鱿鱼须 HKD 25
鱿鱼须用柠檬香茅等调味，味道清新仲非常之香口！钟意佢少少㶶，送酒一流有佢可以饮10杯烧酒！

烧牛仔骨 HKD 43
两大旧牛仔骨以黑椒调味，生熟度啱啱好，肉汁依然！特别钟意骨旁边嘅肉，食落更惹味

烧鸡肉串
鸡肉多汁，配上沙爹酱汁一齐食，已经好好味！（呢度嘅酱汁选择多，仲非常之足料，唔会水稀稀)

柚子海鲜沙律 HKD 70
超级钟意柚子，清新自然甜仲解渴，用佢嚟整沙律真系好开胃！柚子海鲜沙律里有：鲜虾、墨鱼仔、柚子、青木瓜、车厘茄同腰果......份量巨多！爽爽鲜虾仲要去壳去肠，食得过瘾食串串烧，再食埋柚子海鲜沙律，清清味蕾再食过

其实之前同事同事都嚟过呢间食lunch，set menu都有唔少选择，而且抵食！记得HKD 60左右就可以食到海南鸡饭/沙嗲串烧配泰式炒饭等等，仲可以饮龙眼冰添啊
真心几抵食