芝士海鲜菜饼 ($78)
第二次食呢个芝士海鲜菜饼，好多配料，有章鱼、泡菜、蚬肉、虾、蘑菇、粟米、红萝卜丝、椰菜丝同羽衣甘蓝等等，个层次真系好丰富，唔会话净系得辣味而盖过咗其他味道例如芝士。煎饼嘅口感系薄薄嘅一层，今次端上台嘅时候虽然冇上一次咁仲系微温而且边位仲系脆，但食落去都系软身嘅，劲似食紧章鱼小丸子咁! 不过啲配料好松散，加上煎饼放置喺铁网上，夹起上嚟会有啲狼狈。 同朋友分咗一半之后分量真系唔多，毫无饱滞嘅感觉，觉得可以自己食晒成个都得!

拉丝芝士烤猪肉伴泡菜炒饭 ($78)
最钟意嘅就系佢嘅芝士汁，份量慷慨之余又做到拉丝效果味道又好出，同啲泡菜炒饭一酸一甜咁真系好配合。猪肉食得出系烤过嘅，质感好特别，同一般猪肉唔同，比较腍身似系汉堡扒嘅感觉。饭嘅份量适中，两个人食都唔会话太少，整体上有惊喜!

热比利时朱古力 ($32，跟饭+$10)
热朱古力好大杯，好重泡沫感同奶味，每一啖都饮到少少朱古力味嘅余香。

观塘有间好出名的韩国餐厅小火焰，谂住系呢间食完野再同朋友去APM行街。
Menu有好多选择，lunch set 、二人餐、或甜品都有。由于晏昼唔想食得太Heavy，所以今日主要试下甜品。
炸鱿鱼须
鱿鱼须热辣辣上枱，味道劲正，表面炸到金黄，食落卜卜脆，又不失鱿鱼嘅鲜味。诚意推介大家尝试。
温馨提示：炸鱿鱼须需时制作，想食嘅朋友记得早啲嗌啦。
冻朱古力咖啡
朱古力咖啡好正，本身以为会好漏但饮落觉得啱啱好，咖啡味浓再加上满满嘅朱古力口感，雪糕溶咗后再捞匀饮口感更佳。
芒果布朗尼3.6牛乳雪花冰
卖相吸引，分量十足。配料亦非常多，有香浓嘅芒果雪糕同埋新鲜芒果粒，表面布满糖霜，朱古力酱忌廉同芒果粒同大大嘅芒果雪糕，奶味香浓入口即化，雪糕口感幼滑。真心好食❤️

观塘食晏好似打扙，人多车多，繁忙！
呢间韩式餐厅座落于中心，非常方便，食客自然源源不绝，好彩坐位多，我也预早来到，幸运地不用等。
听讲蕃茄汤底乌冬是人气之选，我也点了酥脆磨菇鸡翼蕃茄汤乌冬。
汤底内隐约见到蕃茄粒粒，真材实料。味道非常清甜，茄香满溢。
鸡翼内酿着磨菇和芝士，层次丰富，啖啖滋味。
小吃炸蠔值得推介，即叫即做，热乎乎，蠔只虽小，但味道浓厚。浆衣薄而酥脆，不错。
Cappuccino 中规中矩，味道尚算浓厚。最欣赏有一小块曲奇饼伴咖啡，抹茶味有粒粒朱古力碎。

《鱿鱼水冷面 $68》
夏天最适合食水冷面
Menu有几款选择，大虾/鱿鱼/赤贝等。
汤底酸酸甜甜够冰冻，见到有冰块，
食住都Keep到个温度。
冷面份量颇多，面质烟韧，配料有鱿鱼、
半只蛋、青瓜丝、红萝卜丝、雪梨丝、车厘茄。
鱿鱼先醃制过，味浓爽韧，青瓜雪梨清新爽凉。

《大酱牛肉粉丝锅 $62》
对于唔食得辣嘅我，
见到有大酱牛肉粉丝锅表示好开心
牛肉片有7-8块，韧度适中，唔会过老。
我几钟意大酱汤咸度控制得几好，粉丝属粗身，
烟韧弹牙，做到挂汤，饮完成个人都几暖。
另配白饭，食完粉丝可以再将白饭捞落个汤食。

《卡邦尼年糕》
加$10有小食，卡邦尼酱甜甜地好好食，
年糕烟韧但就系腍左少少。

《甜辣韩式炸鸡》
$10有3大件又几抵食，酱汁甜中带辣，
肉质算系肉嫩有汁，唔会过硬过干。

系观塘行到攰想食甜点，我推荐大家可以黎依到坐下充充电，价钱唔贵，无论想食粉面饭炸鸡定甜品，依到都有齐，咁当然系Korean Style啦

韩式甜辣年糕炸鸡半份$88炸鸡香脆，甜辣惹味，虽然辣，但系会令你追住食，真系辣得几过瘾。半份有少量年糕，4件炸鸡，做下午茶系几唔错

糯米糍3.6牛乳雪花冰$58真系雪花咁，入口即溶，表面洒满朱古力粉，仲有朱古力雪糕同糯米糍，烟韧甜糯，充满牛奶香味同时又有香浓朱古力味，正好为炎热嘅夏天带来一个冰凉嘅下午

芒果沙冰$46特浓芒果味，除左伴碟个几粒芒果，啲沙冰里面真系有芒果茸㗎，而且半碟几粒芒果系劲甜，正㖞，仲有芒果沙冰上面加左鲜忌廉，搅匀之后又滑的，系夏日之选。

***************************************
小火焰
观塘观塘道410号观点中心1楼1号舖
***************************************