餐厅：スーパー丼 (铜锣湾)
地址：铜锣湾骆克道501号地舖

想食Superdon好耐，今次终于揾到机会嚟试吓，本身谂住求其平平地食个丼饭，但见到佢地出咗啲期间限定好吸引嘅丼饭，搞到我忍唔住贵少少都要试吓

佢地嘅期间限定丼饭喺黄金系列，有黄金鳗鱼丼、黄金炸鸡丼，同埋黄金天妇罗丼，我就拣咗黄金鳗鱼

黄金鳗鱼丼($98)包埋味噌汤同埋是日前菜，今日前菜嘅喺日式胡麻酱沙律，我另外仲加咗只45度温泉蛋♨️，一啖放入口再咬爆佢，蛋汁四浅嘅滋味真系好正。讲返个饭，将煮熟嘅汁煮鳗鱼蘸上蛋黄酱再拎去轻炸，食落先有蛋黄嘅脆同香，继而食到鳗鱼汁嘅浓郁同埋鲜嫩嘅鳗鱼肉，呢个配搭都系第一次试，又真系几夹，捞饭一流！

识爆一定系咁爆，爆咩呀？爆丼呀！
长期都满座既「ス ー パ ー 丼」当然有
佢既奥妙之处啦。话明Superdon点可以
唔嗌返个丼饭呢，睇紧我呢篇reviews既
你又会唔会忍唔住爆埋一份？
-
人 気 和 牛 丼 -
▪ うなどん生玉子·和牛丼 - $98
▫ 人气招牌之一既「鳗 鱼 玉 子 和 牛 丼」
绝对系我今日既目标，面头既鳗鱼非常厚身，
食落够肥美，口感唔错；配上隔离既肩板腱
和牛，可以话锦上添花；食落牛味十足，
软腍弹滑；配搭流心玉子就无得输；当然
蛋汁捞埋d饭一齐食就梗咖啦，仲要粒粒
都系日本米，呢个价钱抵比！
-
ス ー パ ー 丼 · Superdon
铜 锣 湾 骆 克 道 501 号 地 舖

【スーパー丼 (铜锣湾)】

位于铜锣湾的Superdon，是一间主打日式丼饭的餐厅。每次铜锣湾行街见到好多人喺呢间Superdon 排队，所以今次再经过，见到唔使排，立即冲入去食，点了一个刺身丼及一个熟食丼❤️！

三文鱼亲子丼（$88）
相当高质，他们用上4大片新鲜三文鱼刺身及三文鱼子炮制，鱼子鲜甜又爆汁，三文鱼很肥美，油甘鲜味十足❤️！

帆立贝和牛丼饭（$98）
有惊喜，帆立贝是以天妇罗形式制作，外皮炸得相当酥脆可口，炸粉调味用心，微微咸甜咸甜，有海苔味。而贝肉嫩滑，鲜味无穷♾️！

肩板腱和牛质素超好，分量够多，肉质鲜嫩，中间呈粉红色，油脂分布平均，咬下肉汁多，肉味超浓☄️！！配合酸菜和白葱，好吃！

丼饭又配送沙律和日式面豉汤
沙律新鲜清爽，面豉汤配料丰富，有海带和油扬

最后要赞赏服务员的服务，即使店舖忙碌，但仍然面带笑容，不断帮忙加茶，很贴心！

餐厅：スーパー丼 (铜锣湾)
地址：铜锣湾骆克道501号地舖

呢间经常排长龙嘅superdon
难得小人排队决定入去一试

食物嘅选择都好多
生嘅除咗海鲜或刺身don
熟嘅都有和牛牛或者鳗鱼don

最出色嘅一定系呢个鹅肝和牛don
钟意食鹅肝嘅人真系唔好错过
个鹅肝真系好好味
外面轻轻咋至金黄色
入边非常肥美
鹅肝嘅油香渗入白饭之后
成碗饭邪恶咗好多

而和牛亦都系煎得啱啱好
虽然有少少多筋
但味道好好 保留到牛嘅肉汁同鲜味

个饭系加咗佢哋嘅特制酱油同葱花
酱油系偏甜，成个组合捞埋和牛同鹅肝真系冇得输

突然好想食日本菜，黎左呢间算几抵嘅日本菜餐厅。

澳洲M5和牛X鳗鱼玉子熟食丼 原价 $98
五点几阵黎到先知原来有下午茶时段激安优惠，六点前落单嘅话，呢个饭只需$58，劲抵。未睇其他menu就order左呢个先。
鳗鱼一块，烧香左表面有层焦糖，几好食。
和牛好多片，呢个价位都唔会期望佢入口即溶，但有几片系咬落几有油香，牛味几重。
一望以为好细碗，即刻order多几个小食。点知原来好多饭，食到劲饱。
鳗鱼汁同生嘅蛋黄同白饭捞埋一齐食都ok。

盐烧鸡翼 $38
有三只，烧得几脆，加少少柠檬汁好食啲。

三文鱼刺身（两片）$28
叫咗两份，所以有四片。本身觉得都几贵，但原来三文鱼劲厚劲大片，我都有啲惊讶。咁厚嘅话，$14一片都唔算贵嘅。不过味道就普通。

觉得最好食系个饭，不过都系下午茶时段（即系三点至六点）阵食抵好多。