琴晚睇完韩剧见到男主角食炸鸡，搞到我都流晒口水，咁梗系要打铁趁热食返餐。

我自己比较钟意食烤鸡，所以就拣左佢，仲要尖沙咀酒吧街分店，又有室外，真系几好feel架。

甜辣烤鸡+果味酱油蒜香烤鸡 $238果味酱油蒜香烤鸡几正，蒜味几出，甜酱油味道，仲要劲挂汁，加少少柠檬汁，又有少少fresh感。啖啖汁啖啖啖肉。甜辣烤鸡就属于保守啲既传统韩式辣酱味，甜甜辣辣咁，仲有少少花生碎，而且甜味带出左辛辣，虽辣，但又系会追住食。依个并盘好啱点，因为有辣有唔辣，啱晒share一齐食

韩式鸡蛋卷$148望落就已经好满足，一个卷里面有齐黄瓜，萝卜，餐肉，紫菜同埋芝士，好似韩式紫菜包饭咁，蛋味几重，加埋韩式辣味沙律酱同茄汁，辣辣地好惹味。

西柚沙冰$58凉浸浸，解辣，饮落清香西柚味，微酸少甜，沙冰打得幼滑，有的似雪葩，正呀

#cassiegotst
-
瘦编系哈韩迷，身边好多朋友都知道！无得去韩国嘅依段时间，当然要食多啲韩国菜过下口瘾啦！今次我又黎食Goobne Chicken，第一次去尖沙咀分店。我发现佢地好识拣铺位，上次铜锣湾就有个好靓嘅海景，今次尖沙咀都好正，有露台位，都几好坐。
-
今次瘦编试左佢地嘅皇牌UFO Fondue Chicken - 三重芝士火锅 X 韩式烤鸡！三重芝士火锅用上水牛芝士（Mozzarella Cheese）、车打芝士（Cheddar Cheese），再洒满巴马臣芝士（Grana Padano）芝士粉，做出超澎湃浓稠嘅芝士拉丝，芝士控唔好错过呀。另外芝士火锅配埋加入香脆烤鸡，好吸引！香脆烤鸡共有16只鸡槌，瘦编一开头以为会有唔同嘅鸡件，上菜先知原来全部都系鸡槌咁正，客人可以自选两款口味韩式烤鸡，包括三重芝士烤鸡、韩式BBQ酱烟燻烤鸡、果味酱油蒜香烤鸡、蜜糖烤鸡、火辣火山烤鸡、甜辣烤鸡等等。瘦编拣左果味酱油蒜香烤鸡同蜜糖烤鸡，两只都少少甜，好开胃。依个UFO套餐真系好正，可以有两种食法，剩系食烤鸡又得，配埋芝士食又得！
-
另外仲叫左个砂锅鱼蛋鱼片汤，好丰富！除咗普通鱼片，仲有其他种类嘅鱼糕，好正。饮品方面，第一次试香桃韩式米酒，开头有啲惊个味会有啲怪，点知好好味，好有惊喜，我应该以后都会叫依只饮品。
-
味道评分▶️ (4.5)
抵食评分▶️ (4.5)
回购评分▶️ (4.5)
-
➡️ Goobne Chicken (The Hart) (尖沙咀) 尖沙咀赫德道4号The Hart 2楼
-
IG: @cassiecwy/ @cassiegetfat
FB: @cassiegotravel
OP: cuisine_revolution

在尖沙咀区staycation，宵夜心瘾发作，好想食韩国烤鸡，最后经网上搜寻，找到了这间以多款口味的韩式焗炉烤鸡而出名的Goobne Chicken。

选了蜜糖咖喱脆烤鸡外卖，回到酒店还带点热，味道还可以！

当日去食午餐，
因为早过顶撞既午餐时间，所以不用排队就能入座了～
因为喜欢吃芝士的关系，一早锁定UFO fondue，炸鸡口味就选了蜜糖和三重芝士！
蜜糖味配芝士很好～
但原先三重芝士味就有惹味芝士粉了，再沾上芝士酱，就逊色很多！
建议三重芝士味炸鸡还是单吃比较好～

好耐无同好姊妹系假日时相约一齐行街食饭了，因应有左家庭后，好多时都会将时间放左系另一伴身上，而少左时间同朋友一齐，但朋友真系要见的，因为详谈心事，享受美食，系一个美好周末假日既好时光，仲觉得自己年青左 因为之前睇左电影炸鸡特工队，所以好想食韩式炸鸡，但又惊好热气同肥，因此朋友就带左我黎呢间听讲系韩国都好出名既烤鸡店！！！ 烤鸡不同炸鸡，少油之余仲无咁热气，但食落又有炸鸡松脆既口感，对爱美怕肥又为食既我，真系一个好选择

蜜糖香滑烤鸡(有骨) $185
上碟时非常热，食既时候其系唔好太心急，鸡肉非常嫩滑，每一件大细非常适中，充满蜜糖香味，非常推介俾钟意俾甜甜地既你

泡菜煎饼 $108
呢个泡菜饼份量非常大，应该话泡菜超级多，基本上每一啖都有泡菜，从未食过一份泡菜饼系泡菜比粉桨更多，对钟意食泡菜既人黎讲应该非常满足，但对我黎讲就太多而令到味道有点重口味左

芒果沙冰 $58
最后叫左两杯野饮，都系沙冰，味道正常有果味。 烤鸡系该店既王牌，亦的确出色，非常值得一试。 不过要讲一讲该店店员，系我地倒泻野示意帮手时完成无反应，最后只好自已用纸巾清理