我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“西式高级佛跳墙,食客表示喜扬扬”

Mini Friday (The Wave)
预订桌位
香港排名第561 (共13,928家美食)
卓越奖
餐厅详细资料
4周前点评 通过移动设备发表

餐厅:Mini Friday (观塘)
地址:观塘兴业街4号The Wave 3楼

观塘The Wave系新兴嘅多用途综合平台大厦,最近系openrice揾观塘有咩好西式餐厅介绍果阵见到Mini Friday大获好评,再上网search亦见到唔少食评网嘅推介,Mini Friday最近推出嘅两周年优惠吸引左唔少人去帮衬,唔少食客食过第一次都大赞不绝,令餐厅嘅声誉大增,除左旺角有一间分店之外,观塘亦都有一间系The Wave 3楼,所以就心动想去试下呢间西餐厅

同一层原来有两间餐厅,我谂呢个亦都系当初The Wave嘅理念,希望打造一个多用途空间比唔同共同运作或合作嘅伙伴,同场有一位男表演者自弹自唱,食住西餐听住live music,仲要系自己熟悉嘅歌曲,确实系一大享受

中式餐厅成日都会听到佛跳墙呢道菜,但试就真系未试过,见到Mini Friday做紧试食价$298就有一大个,仲要竟然系西餐厅比我见到,所以就叫左个黎试下

酥皮黑松露佛跳墙 $298
Mini Friday嘅佛跳墙绝对系我嘅推介菜式,先唔好讲味道,只系讲用料同份量已经够3-4个人食,将酥皮外层切开,满满嘅馅料就呈现系眼前,除左鲍鱼、花胶、虾、棉花肚等高级食材,仲有原只嘅嫩鸡同3大旧嘅鸭胸肉,入味之余亦令鸡、鸭胸等都炖得好软腍,简直系物有所值,再加上酥皮同黑松露忌廉嘅西方元素,完全体现左中西合璧嘅文化

香烤宝云酥羊架配红酒汁 $238
相信钟意食羊架嘅人一定听过法式宝云酥羊架呢个名,呢种做法系以面包糠、百里香、蒜茸、芥末酱等去调制,除左可以减低羊羶味令羊架更适合唔钟意羊羶但钟意食羊肉嘅人之外,呢种调整方法亦都令羊架唔再单调,相反做到更香更入味,口感同卖相都更好。呢到嘅羊架仲配上红酒汁,毕竟羊架配红酒一向都系法国人好钟意嘅食法,而羊羶味同红酒香亦配搭出另一种高级嘅味道,确实唔错,食羊架除左食羊肉,羊嘅筋同肥膏亦都系一大滋味,虽然有啲邪恶,但系食落口真系好香好好味,肉同筋仲有肥膏嘅比例岩岩好

烧澳洲牛肉眼扒配黑松露汁 $248
肉眼扒系牛胸肋骨附近嘅牛肉,油脂相对较多,牛香味较出,再用上出名牛肉质素高嘅澳洲牛肉,牛肉味更出,介乎系5成至七成熟嘅牛肉肉质鲜嫩而唔会血淋淋,煎香嘅牛肉眼外层包围住鲜牛肉同肉汁,加上黑松露汁更为惹味

椰香菠萝莎冰 $68 (跟餐-$28)
椰奶同菠萝香各施所长,除左大大杯之外仲甜而不腻,夏天消暑解渴一流

热鲜奶咖啡 $38 (跟餐-$28)
在舒适嘅西餐厅食住美食,听住live music,倾住偈,再饮返杯Latte真系好写意

感谢 hinsonfoodhk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
撰写点评点评 (61)
旅行者评分
旅行者类型
时节
语言

3 - 7 条点评,共 61 条

2019年9月1日点评 通过移动设备发表

今晚一家又外出揾食西餐庆祝下anniversary ,来到观塘The Wave 试了这间Mini Friday

刚坐下就觉得好有气氛! 因为夜晚9点前会有表演者即场live music,难得可以同小伙子外出用餐时有歌听,也有餐前小食「墨西哥脆片」俾我地,一边听歌、一边点餐,为呢餐开始添上喜悦

餐单有单点亦有套餐选择,价钱合理,因为套餐是个full course,有汤、沙律、意粉、甜品及饮品!

我地叫了意粉餐,包括:
是日餐汤 - 忌廉汤:creamy
沙律 - 新鲜
DIY 意粉点煮和加什么材料
是日蛋糕及饮品

见到餐牌上有 皇牌威灵顿牛柳 也忍不住要试一试 无失望!
外层酥皮焗得好靓,切开见到肉七成熟的牛柳,酥皮之下有蘑菇泥及火腿,整得十分不错,酥皮香脆可口,牛柳柔嫩,味道浓郁!

很满意的一餐

感谢 Seahorsebb_hoho
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.tw 查看原文
2019年8月25日点评 通过移动设备发表

[观塘~Mini Friday]
记住开声睇今日同来咗呢间倾计同食物质素几高嘅多国西式餐厅,而且唔算贵我地试咗佢嘅皇牌火焰脆烧德国醎猪手呢个打卡一流,好味指数极高 @minifridayhk
1️⃣火焰脆烧德国醎猪手 $228
店员会围绕着猪手淋上酒精后再用火枪造出火焰嘅效果,之后店员会切好先正式上菜
记住要先点上芥末酱令醎猪手味道升华猪手皮脆肉嫩,佢嘅皮唔会摆耐咗就会靭身,咬落去博博脆,猪手肉质嫩滑带微醎,肥瘦适中,而且有好多骨胶原bb系里面,女士们嘅恩物
‍♀️美味指数:7.58/10
2️⃣DIY Pasta $148
黑松露忌廉汁烟鸭胸天使面
天使面 煮得湿咗少少,黑松露忌廉汁听到都觉得够哂邪恶啦忌廉汁好rich好creamy,反而黑松露味就比较淡,烟鸭胸都好有咬口,而且有六块。
‍♀️美味指数:6.45/10
3️⃣香草牛油焗田螺酥盒 $88
酥盒系用咗酥皮整成盒子状,田螺配薯蓉呢个配搭好有满足感,识食嘅你梗系一啖过食哂佢
‍♀️美味指数:7.51/10
整体来讲,皇牌火焰脆烧德国醎猪手系必点之选,而且呢道真系聚脚嘅好地方!
Mini Friday
地址: 观塘兴业街4号The Wave 3楼

感谢 michelintummy
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月16日点评 通过移动设备发表

今日同朋友系观塘Mini Friday食饭庆祝生日。
小弟点左烧美国猪鞍扒配蓝莓烧汁。块猪鞍扒大大块,烧得刚刚好,食落仍然好Juice唔会硬柴。除左块扒,仲有一球薯蓉同杂菜。薯蓉同黑松露blend埋,令个薯蓉变得一d都唔普通。
跟餐甜品系一嚿仔Tiramisu,整得好好食,小弟好中意。
火焰雪山系订坐生日优惠嘅,细细杯唔会话食唔哂。店员会落冧酒点火,相机食3秒好喇,因为个火都好快熄。火焰雪山面头系蛋白,下面有云呢拿雪糕球,坚正。

感谢 kenku216
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月15日点评 通过移动设备发表

今日同两位朋友庆祝生日,去左观塘食西餐嘅Mini Friday。拣依间餐厅嘅其中一个原因系因为生日嘅朋友有火焰雪山送。

我点左呢个香煎鸭胸伴鸭肝配黑醋汁嘅Dinner Set。Dinner Set跟是日餐汤,沙律,甜品同餐茶。是日餐汤同沙律太普通,依度就容许我skip咗唔讲。主菜有薯蓉,杂菜,三件鸭胸同一件鸭肝。薯蓉原来混入黑松露,阵阵嘅黑松露香味将平平无奇嘅薯蓉升左level。鸭胸煎得刚刚好,配上黑醋汁好夹,再加埋鸭肝一齐,一啖放哂入口,美味一绝。

是日甜品系Tiramisu,唔会太甜,不过不失。

订坐生日优惠嘅火焰雪山,细细杯好可爱。上枱后店员会帮你落冧油点火,不过火好快就会熄,要影相打卡就要快手喇。蛋白底下系一球云呢拿雪糕。我地一行四人,有两个人本月生日,所以有两件,食埋跟餐嘅是日甜品,两个人食一个火焰雪山就唔会话太多食唔哂☺️

感谢 mcpig2003
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过Mini Friday (The Wave)吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页