香草鲜露芛花蚌炒扁意粉
扁意粉口感一流，不太淋身，而且所有配料所带有嘅甜味都渗透左落每一条嘅意粉里面，而且意粉里面既蚌都非常之多。

甘笋汤
超级大碗，系平时餐汤嘅两倍份量，饮落去软绵绵的，汤里面仲有甘笋嘅粒粒，表示真系真材实料！（餐厅嘅黑胡椒超级重味）

蜜糖蒜香炸鸡翼
超级推介嘅小食，跟餐加$39就有5只，性价比超高。每只鸡翼都好多肉，鸡皮好脆，配上充足嘅蜜糖，唔会太油腻之余，火喉仲啱啱好，好离骨，面头上嘅炸蒜粒都相当惹味，正！

朱古力布朗尼窝夫
一嚟到比我想像中大份，满满嘅朱古力酱同麦铺平面嘅布朗尼，切果下已经感觉到好烟韧，食落更加系，感觉似系加咗麻薯落去添啊。不过食完个感觉仲系觉得唔够朱古力味～

热柠檬姜茶
食得咁饱，梗系要解一解油腻啦，呢间餐厅配左姜茶茶包加鲜柠檬，饮落好清新，暖冧冧。

奥斯特选窝夫早餐108
炒蛋｜窝夫｜蕃茄｜鸡柳｜烟三文鱼｜薯条｜沙律｜黑椒猪肉肠|焗豆
一个餐有咁多嘢真系满足晒选择困难症嘅人
窝夫外表脆食落好松软
仲有阵阵云呢拿嘅香味
蛋既份量超多炒得好滑
鸡扒外表煎得好脆，但入面又仲好滑多汁
沙律用咗日式芝麻酱
.
好钟意佢摆晒成大支茄汁系枱面
因为我食一条薯条都要唧劲多茄汁
.

刺身带子墨鱼汁海鲜扁意粉｜128
一上枱已经闻到好香
墨汁挂晒上意粉，有炒过真系好香口
仲有唔少菇片，配埋青椒洋葱更加香
带子仲好有弹性，煎得岩岩好好香，好重带子味
青口都好大只，好厚身，一啲腥味都冇
.
荔枝沙冰
朋友比较钟意饮甜野所以佢觉得好好饮
好重荔枝味又够甜，入边仲有好多荔枝肉添
.
叫set仲有埋餐汤添，都几抵嫁。同埋环境几幽暗又几静，都好舒服(˶‾᷄ ⁻̫ ‾᷅˵)食完已经好饱下次下午过嚟食多啲甜品先法式吐司同刨冰都好正
-
想睇更多美食可follow ig @snacklife_keepfit

小怪放假又想悠闲倾计食好嘢
今日就去咗大围一间cafe
大围车站行大约七至8分钟
系油站转右直行到尾就会到
环境虽然细细间
但系温馨同埋舒适

系Cafe 晚餐当然一贯作风
唔使谂试吓佢哋嘅set dinner
套餐方面就系面包同埋餐汤，野饮同主菜

餐汤方面就系南瓜汤
同时伴有面包
面包系食得出系自家焗
就咁食感觉上会有少少偏干身但系香口
但当用面包点落去南瓜汤
包吸左个南瓜汤
之后非常香浓好食
证明店主一早谂好
面包同埋南瓜汤系一个好好嘅配搭

主菜方面嗌左
黑松露绘意大利饭配烟肉带子
呢度嘅意大利饭更符合港人嘅味道
唔会太硬身
而且黑松露啱啱融入
饭加咗好多忌廉
非常香浓幼滑
烟肉包住带子
烟肉香同带子嘅鲜甜融和一体
非常好食

另一个主菜就系
酱烧柚子蜜猪仔骨伴蟹肉芝士焗大啡菇及茨菜
猪仔骨虽然系酱烧
但加咗柚子蜜落去之后
中和左变返唔会太油腻而惹味不活
大啡菇加埋芝士蟹肉、鲜甜有菇味

另外加咗$19要咗个朱古力草莓蛋糕
士多啤梨酸酸甜甜中和左朱古力
再加一个硬嘅朱古力饼底
有三同唔同层面
成个感觉好圆满

呢度无论环境.食物质素.都有一定嘅水准.绝对系诚意之作

今晚约左朋友到大围食晚饭，拣左Ocio依间人气指数甚高的西餐厅。

餐厅内装潢唔错，在微弱的黄灯泡点缀下几有格调，两旁座位都是梳化坐得舒适，唯独二人餐枱比一般细，空间感有限摆放菜要将就下。
餐牌菜式选择多，净看一页晚餐餐牌比较简单清晰，是日晚餐有十二款，价钱由$88起非常贴地加埋美味度，感觉相当抵食。难怪八点钟餐厅外仍有不少食客前来等位。

南瓜忌廉汤配餐包
汤味浓郁饮落细致绵滑，仲食到南瓜蓉好有诚意，配埋松软的餐包伴食味道唔错。

蜜糖蒜香炸鸡翼(+$39）
加钱多5件大大只鸡翼算抵食。鸡翼外皮炸粉唔厚十分香脆，表层蒜茸碎香味四溢非常突出，鸡翼肉质嫩滑有肉汁，涂满蜜糖份外甜美，必食之选。

黑松露烩意大利饭配烟肉带子串($108)
主角烟肉带子两串共6粒，串起来卖相不俗，味道与期望一致好食。外层由微微煎香嘅烟肉卷住口感弹牙软熟嘅带子相当美味，烩饭好creamy有淡淡的黑松露味，配料甚多有洋葱、蘑菇、芦笋、黄椒、脆肉瓜碎等，口感丰富相当好味。

香煎挪威鲜三文鱼配刁草柠檬汁($108)
厚厚的三文鱼扒，有手掌咁上下大小好有份量，鱼皮煎得香口，鱼肉软身无过熟味道唔错，肉里充满鱼油香，放得耐凉左亦唔腥，份量多二人分半食仍觉有点腻，好在有刁草柠檬汁淋一淋平衡下油腻感，仲有旁边麻酱沙律菜，爽脆清新口味令整体不会太腻，粗薯条炸得不够脆身味道不过不失。

OREO曲奇云呢拿奶昔 (+$22)
奶昔相当好饮唔太甜，啖啖都充满OREO曲奇碎相当有质感非常襟饮，本人十分爱。

今晚约咗闺蜜系大围食饭 收工过去好近所以六点半左右就到，去到时因为太早所以得一两台客，跟住坐下坐下好快就full晒
呢度既甜品劲多选择，睇到我地心大心细
最终我哋叫咗两个set dinner加一个甜品，我叫咗烟三文鱼炒意大利饭配蜜汁樱花虾，朋友叫咗酱烧猪肋骨拼蟹肉芝士大啡菇及薯菜，甜品系朱古力榛子窝夫～
dinner set跟餐汤既，今晚系忌廉粟米汤，好香浓嘅粟米味，入口几滑
个炒意大利饭喺西餐嚟讲都几大碟几抵食，饭粒烟韧，一放低闻到劲香嘅樱花虾味 每啖都食到三文鱼，樱花虾同埋啲瓜粒，口感丰富有层次～
猪肋骨味道适中，薯条热辣辣 啡菇面头既配料好香浓，旧菇够juicy～
可能我哋坐得近厨房位，同个店员讲可以上甜品之后好快就闻到好香浓嘅窝夫味 窝夫外皮香脆，唔会太甜太腻
呢度既set几经济兼有好多甜品选择， 应该好岩啲 咖啡爱好者☕/打卡少女们/情侣黎食