想再一次回味煎刺身带子，食过无数西餐厅，只得这间既煎带子令我神魂颠倒

这间餐厅位于观塘工厦内，一出䢂周围只有写字楼，唯独只有这间餐厅，感觉隐蔽，一入餐厅内被书架吸引著，放了两只熊啤啤，浪漫气氛带一点淘气

喜欢Menu 内加钱$58可以转套餐，套餐包括头盘，汤，甜品，咖啡或茶，套餐真心抵食

头盘，海胆忌廉海鲜挞
饼挞底出色，忌廉打出来泡沫卖相很吸睛，味道亦一流，虽然食不出海胆味，但新鲜虾够弹牙

另加$38 轻煎刺身带子
这碟是我最期待既皇牌菜，煎香带子面层，咬入口内里半刺身带子够弹牙，超好味，忍不住order了2次

主菜：煎鹅肝意大利饭
鹅肝煎得香口，意大利饭够烟韧，正宗意大利饭口感

主菜：香煎美国黑豚猪肉眼
煎猪扒最考厨师技巧，太熟会韧，太生又会有血水，但这个猪扒煎得恰到好处，肉够juicy惹味，大爱

餐饮可以转特饮荔枝梳打
荔枝肉够大粒

甜品：抹茶红豆糕
碟上画花很靓，抹茶够浓，抢了笔少红豆分

埋单都只是每人$270, 每样菜式好食，环境又浪漫，价钱又吸引，没有挑剔可言，无试过系你嘅损失！

相约一个而家唔系同一个office返工但仲系同一间公司嘅好同事食佢嘅生日饭，平时喺佢Facebook见到佢都系打边炉或者食泰国菜多，于是就同佢食吓西餐锯吓扒。

由于佢喺牛头角返工，所以佢先上去坐低等我，亦同时喺呢个时间佢都拣咗几样佢有兴趣嘅嘢食，而我嚟到就做个最后决定，拣咗两个主菜，一个系香煎鹅肝配牛柳同埋刺身带子配黑松露Risotto ，两个主菜都加配改成套餐，套餐就会多咗一个餐汤、海虾海鲜挞同一杯餐饮。

先讲一讲个香煎鹅肝配牛柳，鹅肝煎到外脆内软，入口即溶嘅感觉令到口腔内都系鹅肝嘅味道，好好味而个牛柳朋友要求7成熟（其实对我嚟讲都算太熟）不过又煎到几Juice，牛柳好软熟。

另外个刺身带子配黑松露Risotto，入口好香黑松露味道，再加上有少少黑椒味道，食落感觉唔会觉得好腻胃嘅感觉。呢个连一个本身唔钟意食汁食酱嘅同事都觉得好味。

食埋个甜品&饮埋杯餐饮后要捧住个肚走，真系好饱。

埋单$497@2人

呢区嘅工厦餐厅遍地开花，各式各样都有，水准绝对唔差，但价钱就系抵食价，呢间系其中一间

食物选择主要系沙律/小食/薄饼/意大粉(饭)/主菜类，另加$58可转套餐，包头盘，餐汤，甜品及餐茶，除返开每样都系十几蚊，叫杯嘢饮都唔呢个价啦，咁超值，一于转餐啦!

呢客忌廉磨菇汤就系今晚餐汤，以香脆长饼干代替餐饱，个汤充满菇粒，满满香浓菇菌味，加上忌廉增加香滑度，一口饼干一口汤，暖下个胃先!

呢客海胆忌廉海鲜挞作为头盘就相当惊喜，首先构图吸睛; 泡沫酱汁带微酸几醒胃，可中和个牛油挞底，海鲜就以虾及带子领军，爽口无比!

今晚主菜选择一淀粉一蛋白质

前菜无加$38配轻煎刺身带子，皆因呢客轻煎北海道刺身带子黑松露意粉 ($128)已经有得食

刺身带子肥美肉厚，略为轻煎一下底面，入口外香内软，一啖一只够口感

每条意粉已经被香浓黑松露酱所包围，为意粉加给独特味道，唯食到中段有点咸，要饮水中和一下先再继续，稍为减少酱汁份份量口会仲好味!

另一份心思摆盘嘅系香煎美国黑豚猪肉眼.意大利黑醋酱 ($156)

猪肉眼厚切，部份边位被脂肪连住，香煎得微带金黄色，引起人食欲

切开后见到肉段之间带少少脂肪，肉质幼滑仲带肉汁，偶尔食到油香味，配上意大利黑醋酱平衡返个肉腻感，食晒成块绝对无难度!!

包一杯价值$24饮品，补差价可转其他饮品，呢杯香滑Latte只需补$8，值得比!

叹紧杯咖啡之际，侍应送上又系成幅画咁嘅甜品，今晚系芒果慕丝蛋糕，入口有香甜芒果味，精致份量为呢餐划上美丽句号!

很久没有晚上去观塘吃饭，今天约了朋友屋企观塘找到一间楼上餐厅吃晚餐。

加58 元可变套餐，头盘海胆忌廉海鲜挞，厨师餐汤，是日甜品和咖啡或茶

头盘的海胆忌廉海鲜挞非常具诚意，咬下佢有新鲜虾海鲜在中间，挞亦非常脆口。

厚切美国黑安格斯肉眼 $208
五成熟的安格斯肉眼肉厚，表面但有轻轻的碳烧香味，不会血淋淋，反而入边红色的肉眼非常Juice肉嫩，牛味重，味道一流。

轻煎北海道刺身带子黑松露意粉 $128
天天过的海盗刺身带子非常鲜味，爽口弹牙，意粉丰黑松露味，条条也能挂起意粉酱，酱汁浓度亦刚刚好。

是日的晚餐非常满意

观塘工厦餐厅百几间，要突围而出，当然有些食物令你对餐厅留下深刻印象，一再回味，比较其他餐厅下，还是觉得它最好 - 煎带子！ 我敢讲是我食过最出色的煎带子！

之前帮衬过一次dinner, 食过香煎带子后，令我一直回味，不能忘记那种香口味道！
今次再光顾lunch, 试下lunch水准有无分别

装修带点台湾小Cafe, 有很多熊公仔装饰

set lunch menu 有我喜爱带子选择

餐汤- 紫薯忌廉汤
香滑紫薯, 十分健康

日本刺身带子龙脷柳卷配黑鱼子忌廉汁$108

煎香带子再用龙脷柳包著，煎带子仍然保持水准，新鲜弹牙，一流
龙脷柳亦煎得香口

照烧加拿大牛小排 $108
有两块牛扒，抵食，刚好五成熟，肉汁juicy, 香浓牛肉味

餐饮 - 柠檬蜜/ 荔枝草莓绿茶
不是一般咖啡或茶，而是可以选择特饮而不收附加费

甜品 - 柠檬芝士蛋糕
碟上画上小花纹, 够诚意，芝士味浓郁

食过这间煎带子真的会令人齿颊留香，绝不夸张