跟餐人均$70，面包冇煎/焗过，一般般。咕噜猪扒汉堡，有菠萝一片，咕噜汁较少及稀，用吉列猪扒，炸粉较厚，不推荐。

店舖睇细细间，但系已经有好多款汉堡可以俾你选择，仲多过一啲连锁店！

咁啱今日够肚饿，见到有个叫做大只佬汉堡，啱晒我！呢个汉堡馅料够晒丰富，有沙律菜、蕃茄、芝士、红菜头、大啡菇同埋洋葱。

汉堡嘅面包软熟，汉堡扒当然系肉汁丰富，肉味浓郁！钟意佢配返红菜头，蕃茄等等唔同种类健康又清新嘅菜，食咗罪恶咁都冇咁重！配埋炸得香脆嘅薯条，满足又充满力量，继续开工！

汉堡包有好几款选择，仲有意粉，可以再加钱另外配薯条，洋葱圈，沙律，饮品变套餐。
汉堡份量大，男士食都实够饱！

铺仔细细 但可以睇出店内有挂装饰 俾客人坐既凳仲系铁通 有种近欧洲工业风装潢,选择都多，叫咗个辣鸡堡加菠萝，都juicy同几辣，不过愈食愈咸，整体唔系咁重口味会好d

撇除汉堡快餐连锁店，想吃个美味的汉，一般都比较贵，若果想吃个高质美味的汉堡，价钱一般都不下一百元。东广场的这一间小店专卖汉堡，食物美味，价钱亦很合理，是值得推介的餐厅!! 今天我叫了炸鱼汉堡 ($49)，加了$20跟餐，配有薯条及饮品。炸鱼汉堡除了炸鱼，有生菜，蕃茄配他他酱。这个汉堡即叫即整，所以都要等大约十分钟。炸鱼炸得很适中，很香脆，配他他酱很美味，整个汉堡味道很夹。 薯条其实是薯角，份量都不少，可惜略嫌太咸，吃完后舌头咸得有点不舒服。如果多人share会比较好。饮品就叫了热柚子蜜(不需另外再加钱)。