我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“食出台湾小店风味”
五斗米的点评

五斗米
预订桌位
香港排名第3,084 (共15,689家美食)
周围地区: 西环
餐厅详细资料
周围地区: 西环
2021年1月7日点评

前排先食完台湾菜,今日又黎左呢间台式小店【五斗米】,Menu上有唔少地道小吃,感觉几有台湾风味;而且价钱相宜,试多几款都唔会肉赤。

《原汁牛肉面 $60》
可以拣细面或者加钱转刀削面,最后要左细面,汤底浓郁但少左d牛味,反而牛肉整得唔错,肉质腍滑有胶质,面身有咬口,加d辣会更惹味。

《肉燥干拌饭 $55》
配料丰富,有肉燥、肉丸、津白、卤蛋,米饭烟韧,配咸香味重的肉燥送饭一流,津白多汁鲜甜,肉丸有d干左少少。

《玉米起司蛋饼 $38》
外皮香脆,里面包住半溶的芝士同粟米,又甜又咸几好食。

《盐酥鸡 $30》
呢个价钱真系好抵食,鸡肉好多汁,调味同其他店有少许不同,真系有少少台湾夜市味道,几有惊喜。

《九份芋圆 $32》
有番薯、芋头两种芋圆,份量好足料,口感烟韧,糖水亦唔会过甜,可以一试。

《蜂蜜柠檬爱玉 $23、乌梅汁 $18》
蜂蜜柠檬配搭爱玉真系好夹,酸甜味道,口感Q弹滑溜。朋友的乌梅汁亦不错,有d似古早味酸梅汤,爽凉解渴。

感谢 eatwithbabe
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (15)
旅行者评分
旅行者类型
时节
语言

2 - 6 条点评,共 15 条

2020年10月23日点评 通过移动设备发表

因为无得去台湾旅行,早几日上网买台湾小食都唔够,所以走咗去又出名又多人爱既店舖 #五斗米 食晚餐。当然要同我一齐去台湾旅行既朋友一齐去食番够本先得啦

台湾美食当然唔少得牛肉面、肉燥饭、蛋饼、仙草奶茶,哗样样都台湾 #原汁原味 既美食,真系好想食

原汁牛肉面 $60 (转刀削面 +$5)
牛肉肉质软绵绵,汤底香味浓郁,够哂入味,每条刀削面都一样薄,好味道

肉燥干拌面(细面) $55
配料有入哂味既卤蛋、台式弹牙贡丸及生菜;肉燥够哂惹味,面质地烟烟韧韧。

台式水煎香肠 $40
香肠劲juicy又香脆,放埋少少许蒜蓉系面,再一口咬落去,口感变得不一样

玉米起司蛋饼 $38
推介呢款蛋饼真系好好食呀,即叫即做,要即食,因为热辣辣食先最好食,蛋皮煎到金黄色劲香脆,内有芝士同粟米,口感有层次感,个酱汁仲好正

炸花枝丸 $30
炸到金黄色既花枝丸,一定要加埋椒盐先可以一齐食,爽口弹牙又好味

卤味拼盘 $55
百页豆腐,吸收哂卤汁既味,仲好爽口,好好食
台式花枝丸及贡丸,入哂味,又够弹牙
卤蛋够哂入味

黑糖仙草奶冻 $32
呢碗可以一次过食哂我最想食既仙草、珍珠及芋圆;仙草滑捋捋、珍珠粒粒弹牙、芋圆大大粒够哂烟烟韧韧,样样都好好味

蜂蜜柠檬爱玉(冻) $23
清甜好饮,配埋滑捋捋既爱玉,好钟意呢款饮品

黑糖珍珠鲜奶 (冻) $32 转仙草
呢杯大大力推介转咗滑捋捋既仙草,一样咁好饮,黑糖味唔会太浓太甜,好好饮

自家制麻辣
爱麻辣既人一定会爱上,因为真系辣得惹味

@五斗米【坚尼地城店】
西环坚尼地城厚和街44号地下9号舖

感谢 SukiYeung
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年5月23日点评

有一种爱叫佛系,唔需要渴求、唔需叫春、
唔需要为在乎对方感受、唔需要刻意讨好而讲
好多花言巧语。或者就系经常口中所谓既自由,
好多人话呢种心态既人其实内心一样会寂寞,
寂寞?对佢地黎讲,完全系碎料黎,做个背包侠,
无牵无挂,拎起个袋随时行得,想去边就去边,
不知几爽。不过而家咁既环境,想周围飞都唔得。
不如去西环Chill下,黎呢间来自高雄过江龙既
「五斗米」,感受一下最地道正宗既台湾菜,
我当去左旅行囉!
-
面 食 -
▪ 麻辣牛肉面 - $60
▪ 原汁牛肉面 - $60
▫ 先黎两碗招牌台式牛肉面,佢有分原汁或者
麻辣味,咁我两条友一于试哂两只味啦。
原汁果碗汤底浓香甘甜,牛肉食落质感腍滑入味,
面条挂汤软硬适中,挂满汤汁特别惹味;
而麻辣汤底比我想像中无咁辣,几易入口,
而且浓厚得黎又唔觉有重味精感,原汁原味;
牛肉亦都一样啦,食落够嫩滑,唔会有韧既
口感,认真食得过!
-
特 色 小 食 -
▪ 玉米起司蛋饼 - $38
▫ 蛋饼亦系必试之一,佢地既蛋饼都系
即叫即整,上枱已经感觉蛋味十足,完全系
"卖飞彿"呀。芝士同玉米两者配搭非常夹,
芝士够浓香,而玉米够香口;外层就松脆,
果然够正宗呀!
-
炸 物 -
▪ 盐酥鸡 - $30
▫ 我谂每个人食台湾菜人唔会唔食盐酥鸡挂?
呢个炸到金黄香脆不得只,外面脆卜卜,
里面鸡肉仲非常juicy,而且咸香味相当浓郁,
用黎衬返珍奶既口感就fit哂。
-
甜 品 -
▪ 九份芋圆 - $32
▫ 唔知大家会唔会特别对某样野食有偏好呢?
而我就对芋圆情有独钟,每次食台湾野都系
必点既。而呢到既九份芋圆配料十足,
芋圆软硬度岩岩好,口感烟韧;唔错。
-
▪ 黑糖仙草奶冻 - $32
▫ 仙草冻够哂凉爽,珍珠又够Q弹,
唔会太甜,系呢d天气整返碗真系即刻爽哂!
-
台 式 饮 品 -
▪ 珍珠奶茶 - $23 (冻)
▪ 蜂蜜柠檬爱玉冻 - $23 (冻)
▫ 最后当然整返杯珍珠奶茶啦,够哂冻之余
甜度仲岩岩好,又够幼香,唔错;而爱玉冻
色泽透光,质感爽滑,呢种口感真系好过瘾!
-
五 斗 米
西环坚尼地城厚和街44号地下9号舖

感谢 lankiman6330
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年4月9日点评 通过移动设备发表

有说不为五斗米折腰,但小妹今日实在不得不为“五斗米”低头……
因为要低专头吃个够啊!!!!!
朋友曾经系台湾读书,佢话呢度既美食好有台湾地道既风味,所以呢日转程带到我黎中上环呢边名为“五斗米”既台式小店:)
虽然店子细细,但食物种类都已经好足够啦,因为有我近排都好想食既牛肉面、蛋饼同百页豆腐,仲有芋圆仙草同柠檬爱玉添:)
因为太太太想食牛肉面,所以一坐底已嗌剔要一碗先~~之后朋友见我有好多小食都想嗌,就话同我share一个面,等我有quota试多几款xpp
系牛肉面未黎之前,台式水煎香肠先到,原条既台式香肠煎得皮肠肉香,带有微甜既肉肠正系喺台湾夜市食到既味道!!
之后既牛肉面带有洋葱既清甜,刀削面仲好有咬口添~~
而最开心既系喺呢度食到近期最满意既台式蛋饼!!!!
呢度既蛋饼有粟米同起司做馅料,饼身既是香软但不失嚼劲,完全系喺台湾当地早餐店食到既幸福滋味啊♥♥♥
而百页豆腐都系不得不提,特爱百页豆腐既Q弹口感,仲要卤汁调味刚好,正!!!
我地仲嗌左两款甜品,分别系仙草芋圆同黑糖麻糬~
爽滑既仙草一向系我既first choice,而呢度既珍珠同芋圆都好chewy,亦唔会过甜!!!
呢度既黑糖麻糬同印象中球体外形有d出入,不过味道无异xpp
系QQ既麻糬仲有浓浓花生架!!!
呢度既台式饮品亦唔会话好甜,yummmm✔✔
下次除左会翻食百页豆腐同蛋饼之外,一定要试下呢度既卤肉饭先得!!!

感谢 carrie0324
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.tw 查看原文
2020年1月8日点评

看了一支Yahoo短片,介绍西环美食,说街坊大赞此店,受访者大部分是年轻人。首次来尝,有点失望。先说饮料,冬瓜珍珠茶,上桌时是不热的;所谓知名牛肉面,只不过如广东式的牛腩面而已。

感谢 Lillian S
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过五斗米的旅行者还看了

 
中国香港
 

去过五斗米吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。