我一向喜欢吃泰国菜，今天到旺角购物，路过一间泰国菜馆「泰厨」，被店前的菜牌吸引了，便入去试试。
餐厅不大，我们上了阁楼。坐下来，看到墙上贴有下午茶的餐牌，非常吸引，有饭/檬粉/金边粉等选择，还送例汤和冷饮。
“香茅鸡扒金边粉”，来了一大碟的鸡扒，真令人意想不到。充满香茅味的鸡扒，肉质鲜嫩，炸得外脆内软，非常可口。金边粉也爽滑弹牙，口感不俗。
“泰式海南鸡饭”，鸡肉嫩滑，鸡油饭带椰香。
“青咖哩牛肉”，牛肉份量丰富，而且不靭兼有质感，有牛肉味。青咖哩微辣之中有多种香料的清香，非常惹味。
“泰式咖哩海鲜”，有大虾、青口、鱿鱼等海鲜，配上香浓咖哩汁，也特别令人胃口大开。
例汤，有胡椒的微辣，兼有碎肉，非常醒胃。
“香茅冰”,“青柠冰”，虽然只是餐饮，但绝不马虎，有浓郁的香茅味和青柠味，清爽怡人。
这里的泰菜美味，份量充足，更经济实惠，我和朋友们约定下次再来尝晚市菜式，相信也会有惊喜。

泰厨本身已经听过好多人讲好出名
个个都话好好食 点知...真系好好食🤣

泰式生虾：
你估下系几钱？ 48？ 68？
系1蚊！！！
只要食满200蚊就可以用1蚊换一碟！ 仲有其他options拣
生虾毫无雪柜味 好新鲜 口感好弹口 加埋个汁雪一声就一只 好满足
我地仲要两条友食到400蚊换左两碟比女友食🤣

泰式烧猪颈肉：
超香口 咬落软林林 外样烧得好脆 高质猪颈肉👍🏻

泰式炸虾饼：
劲大旧😂 好重虾味

泰式烧猪颈肉串烧：
纯粹因为碟生虾而叫🤣
食落感觉一碟过既烧猪颈肉更好食
不过依个都好正👍🏻

黄咖啡鸡配薄饼：
薄饼要另加 但绝对要加 外脆内软
依个咖哩比出边既黄咖哩无咁甜
薯仔劲好食😂
鸡唔错 但切细旧啲应该更入味 可以既话可以试下request
因为啲staff劲好人 成日会同你倾计

泰式明炉鸟头鱼：
星期四优惠！
鱼味浓 汤比较清 香茅味唔太重

朋友住旺角，试过一间泰菜好味，于是今晚就一齐去食。店名叫泰厨泰国菜馆，位于旺角通菜街，由地铁站行过去，经天桥都系三、四分钟，好方便👍
朋友钟意食薄饼，又钟意食蒜蓉包，于是乎叫哂两样。咁叫得薄饼，就梗系要叫个咖喱嚟点食啦，于是就叫咗咖喱大头虾，泰式的做法偏甜微辣，很像咖喱炒蟹的酱汁，里面加了蛋浆，令整个咖喱都十分浓郁，配菜有青椒洋葱芹菜等，用来点薄饼食一流。
而蒜蓉包更是出奇地好食，整个包烤得十分松软，虽然没有一粒粒的蒜头在包面上，但蒜头的味道已完全渗入包里面，令人食完一件又想食一件。食泰菜又点可以唔食串烧呢，分别叫咗烧猪颈肉，烧和牛，烧猪串及烧鸡。烧猪颈肉猪串及鸡都是偏甜的泰式沙嗲酱，有粒粒花生在里面，而辣到不高，适合香港人口味。
烧和牛的酱汁较为特别，是绿色的，有香草味及微酸，相信是用作中和和黄牛的肥腻。
蔬菜方面叫了马拉盏炒通菜，炒得够镬气，马拉盏咸咸香香十分惹味。
而餐厅长期做推广，食满$200就可以用一蚊的价钱order一款小食，我哋叫咗生虾，虽然生虾份量只有四只，但就出奇地爽口鲜甜，有点不够喉🤣
餐厅出奇地好生意，我们用餐完毕走的时候，出面已经有人在排队，相信是食物的质素吸引一批顾客帮衬，有实力的食店始终是受欢迎的👍

放工约咗家姐喺旺角行街， 行经泰厨俾佢喺门口嘅串烧香味吸引咗，即刻决定今晚要食串烧😍
满$200可以用$1选择一款好抵食！
泰式生虾($1):虽然只系$1，但都有4只虾，酱汁微辣虾肉未算好弹牙，但胜在有用冰底，所以可以keep到生虾好够冻🥶
炸虾饼拼春卷($71):
新鲜炸起脆卜卜，炸虾饼大大件，虾饼结实弹牙而且有鲜味！春卷亦好香口😎
炒金边粉($68):
金边粉份量劲多，仲有好多鸡丝同其他配料，虽然睇落好深色，不过味道出奇地只系微酸，清淡咗少少😂
烧和牛串($20)/烧猪串($12@)/烧鸡串($12):
和牛有少少失望，因为酱汁太浓味盖过咗和牛本身嘅味道，不过好在肉质唔太韧！
猪肉同鸡肉同样烧得好出色，烧得香口之余仍然保持到肉汁同嫩滑，而且大大串啖啖肉同沙嗲好夹❤️
泰式香茅鸡翼($15@):因为系鸡全翼嘅关系所以要烧耐少少时间，鸡翼烧得刚刚好，外皮有少少焦脆鸡肉嫩滑完全没有雪藏味，绝对值得等待！👍🏻
串烧性价比极高❤️下次一定要留肚叫多几串😁😁

同朋友去金鱼街买d野零食比佢只狗狗。买完大家都肚饿，
加上又俾一间泰国舖嘅串烧味道吸引咗，就入左去呢间泰国菜馆食野。
今餐我地叫左泰式小食并盘，猪颈肉捞檬，一定有叫串烧鸡肉同串烧和牛，叫埋个泰式通菜，饮品就叫左泰式青柠梳打水同凉粉冰。

第一样泥既系泰式小食并盘。我地只系叫左细份，估唔到都几大份！并盘有虾饼、春卷同香茅鱼饼，每款味道都唔错。配埋𠮶个甜酸汁非常开胃。

之后泰式通菜。因为够镬气，所以将普通嘅通菜都炒到好惹味。

而主食猪颈肉捞檬既猪颈肉劲有炭香味，食得出佢地系用炭炉即刻烧出泥，正呀！檬粉方面配以甜酸汁，口感清新。猪颈肉配檬粉食，完全唔觉猪颈肉会好油腻。

而闻味而叫既串烧鸡同串烧牛应该系即叫即烧，烧完都唔会好干。自己最怕d好干既串烧，佢地烧既时间就岩岩。

店员仲好好介绍，餐厅依家有推广优惠，食满$200就可以加$1换佢地小食 / 甜品。我地就换左泰式海蜇，正呀！
泰式汁加去海蜇，酸酸甜甜，十分好。

泰式青柠梳打水仲真系用泰国梳打水，又解渴。
总拾而言，价钱合理，味道正宗。