我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“与友共聚醉胡炉,品酒串烧打边炉”
醉胡炉的点评

醉胡炉
预订桌位
2
10/14周一
20:00
香港排名第1,988 (共13,891家美食)
周围地区: 尖沙咀
餐厅详细资料
周围地区: 尖沙咀
2019年8月31日点评 通过移动设备发表

餐厅:醉胡炉 (尖沙咀)
地址:尖沙咀柯士甸路20号保发商业大厦地舖

一个平日嘅晚上,趁住暑假嘅尾声约左一班大学同学出黎食饭,毕竟都有一段时间无见,倾偈聚旧紧系唔少得,去一间普通餐厅坐得耐又惊比人赶/阻住人地做生意,而大家因为住系香港四方八面嘅关系,就决定系中间点尖沙咀附近揾间火锅店一边打边炉一边吹下水

醉胡炉原意有相聚于胡炉之间嘅意思,「醉」除左指可以一齐饮酒作乐之外,仲有谐音「聚」嘅意思,简直系迎合哂我同朋友相聚嘅目的

一入到餐厅就已经比场内嘅布置吸引住,因为真系有好多好多唔同嘅酒,唔洗问都知餐厅一定系一间卖酒嘅餐厅,识食嘅人一定知道火锅配美酒系一件几正嘅事

而中间亦有一个开放式厨房,可以即场欣赏到餐厅大厨为食客烹调烤制串烧,我地一行四人点左黑豚肋肉串烧、安格斯牛柳粒串烧等,岩岩烤热嘅串烧肉质鲜嫩,色泽均匀,唔会烧得太焦或者有唔熟嘅情况,见眼烧串烧嘅大厨认真细心咁制作每一串串烧,真系够哂charm

鳕鱼干配蟹膏同椒盐鲜鱿亦系我地特别叫嘅小食,鳕鱼干切成鱼丝后被炸得十分香脆,蘸上由鲜蟹取出嘅蟹膏,特显左两种海鲜嘅鲜同配合,平时就咁食蟹膏应该会觉得好腻,不过加上鳕鱼干黎食确实系另一番新尝试

由于自己钟意食辣嘅关系,但又有两个朋友唔食得辣,所以就分别叫左两个汤底,分别系四川麻辣锅并清香青麻辣猪手锅,同埋卜卜蚬蟹锅

四川麻辣锅辛辣麻香,锅底以大量材料熬制而成,有多种辣椒、猪红、猪肚、枝竹等,汤底颜色鲜红吸引,岩哂无辣不欢的人;而青麻辣猪手锅以野生椒、青胡椒等制成无咁辣而又惹味嘅汤底,加上浸泡完汤底、将精华吸得一干二净嘅猪手,真心好味

汤底特别推介卜卜蚬鲜蟹鱼汤锅,以不同香料爆香蚬同蟹,再加入香浓嘅鱼汤,呢煲精华尽渗嘅汤底真系好!好!味!蚬肉同蟹肉熬制过后清甜鲜味甘香,蟹壳浸泡左系浓汤一段时间所以好容易剥开,饮完汤再加浓汤打边炉,咁就可以吸收哂每一啖精华喇

作为食肉兽,一定要试下胡炉牛拼盆,一份共有五种牛肉,有牛胸爽、安格斯手切牛、霜降牛粒、牛舌芯同极上手切肥牛,每一个部位都有唔同嘅口感,最重要嘅系唔好将牛肉渌太耐导致过熟,变哂色后食就最岩,你将会品尝到高级而鲜嫩嘅牛肉,相信我,你会爱上的

呢到嘅丸同饺类亦层出不穷,黄金墨鱼丸(即墨鱼丸内加入蛋黄)、芝心虾丸、香茜牛肉丸、黑松露鲜虾云吞、都系我地点嘅食物之一,手打肉丸非常弹牙,有馅嘅肉丸亦都足料好味,最钟意嘅系黄金墨鱼丸,墨鱼味够出之余,咬开后浓浓嘅蛋黄慢慢流出黎,只系望到都已经好想食

醉胡炉特别之处除左可以打边炉之外,仲有得食串烧同有大量唔同种类嘅酒可以叫,我地叫左餐厅嘅特饮-「醉」、「胡」、「炉」,除左「醉」系有少量清酒成份之外,另外两杯都系无酒精Mocktail,蓝、紫、黄三只颜色放埋一齐真系好靓好岩打卡吸引唔少人点黎品尝

「醉」较重荔枝香,亦加上蓝蝶花汁同清酒,先甜后有酒回香,梳打水仲令呢杯mocktail变得更爽,饮完gur哂;「胡」以柠檬同雪碧为主打,亦系我最钟意嘅一杯,柠檬微酸开胃又醒神,饮品紫同白色嘅配合仲有梦幻嘅感觉;「炉」系以蜜桃同芒果配制、满有浓浓甜果香嘅饮品,黄色饮品比人一种夏日风情嘅味道,夏天饮就岩哂

开心嘅时间系过得特别快,边食边倾偈话咁快就坐左接近三个钟,相信呢间醉胡炉餐厅将来会成为更多三五知己、亲朋戚戚聚首嘅好地方

感谢 hinsonfoodhk
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
撰写点评点评 (20)
旅行者评分
旅行者类型
时节
语言

3 - 7 条点评,共 20 条

2019年5月20日点评

我真系几钟意打边炉,尤其是揾到同道中人陪你疯狂打,呢间食食物水准好好,今日约咗好友嚟边食边倾
由侍应推介叫咗个做紧优惠嘅龙虾汤锅底,平到只要1蚊咋,入面有花甲及蔬菜等配料,再配堆只龙虾~
原来个锅会先倒酒入去再点火爆炒佢,等佢吸哂啲酒味,有点似西式做法,之后先加入预先你好嘅龙虾汤,煲滚后就可饮龙虾汤先,真系好香好浓郁嘅龙虾味,会不停咁追住饮
另外饮品叫了竹庶茅根,清甜滋润好啱打边炉润下个喉咙
火锅料就叫了鸭血,都几滑身
鹅肠好爽脆又几大条,唔会有雪味,吸堆汤底食几正
西班牙黑毛猪份量都多,豚肉大大块口感不错,猪味都重几嫩
朋友爱食鱼皮饺就点了,鱼皮几白入面好多馅又几香,呢个好好味
另外仲点了黑松露墨鱼丸,每粒都几大粒,食落好香松露味,仲好弹牙唔会好粉
蔬菜方面叫咗莴荀同番茄沙律,莴荀好爽口清甜,另外番茄好清甜,好开胃有中和打边炉嘅腻感

感谢 Superloveeatbear
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年3月20日点评 通过移动设备发表

到这里用膳,有特别优惠,如果没有记错,那个火焰龙虾汤底是送的,的确是个特别的安排,食物质素一般,没有太大惊喜,但是上菜的速度实在是非常慢,难以接受,完成了整碟牛肉,其他的菜仍然在准备中,这样的火锅速度实在接受不了。

感谢 lifeissuperwonderful
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年2月1日点评 通过移动设备发表

终于到了新年,也要让身边的闺蜜团年一番。于是便约了一起放工到尖沙咀的醉胡炉享用晚餐。听闻火焰龙虾火锅汤底最为有名,而闺蜜们更是无海鲜不欢。所以,一早己经在心底决定好了汤底。
地理位置也相当方便,在佐敦与柯士甸之间,行几分钟就到。
店员安排了私隐度很高的坐位给我们,适合我俩高谈阔论。几位女生食量不多,点了安格斯手切肥牛(小),值得一赞的是,份量都有大小选择,弹性很大,可以试不同的食物。肥牛份量比我想像中多,厚薄适中,很有牛味之余,雪花分布平均,入口即溶。大推。
火锅也必点墨鱼丸(半份),4粒,每人一粒刚刚好。闺蜜食了第一口时,表情变了,还以为是食了坏的墨丸,原来是想表达很弹牙。
点了娃娃菜、金菇菜、粟米等火锅必食。娃娃菜出奇地与汤底很夹,很甜。金菇与龙虾汤底融为了一体,我的至爱金菇菜,我自己食哂一碟金菇菜。哈哈。实在忍不到口。
汤底愈滚愈浓蕃茄和龙虾味,变得很鲜甜,基本上我也很少点酱油,因为汤底己很够味。
最特别的是,火锅店还有做热食,最后点了鲭鱼一试。和日本餐厅做的味道差不多。
建议可以在openrice 订座,有优惠。

感谢 Ching Yi L
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2018年8月12日点评 通过移动设备发表

地方方便、环境舒适又浪漫
食材好新鲜又丰富美味
串烧:白鳝是最推荐的,好香脆又有保留鱼汁,口感极佳
鲜椰青鸡锅也是推荐之一,好野火又香喷喷,鸡件好滑好多件
自家制炸响玲也好正,不是太油腻,热腾腾上枱,又大卷

感谢 pangpangeat
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过醉胡炉吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页