我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“出色汉堡”

Burgerman (深水埗)
提供送餐服务
香港排名第1,721 (共15,896家美食)
周围地区: 深水埗区
餐厅详细资料
周围地区: 深水埗区
2021年3月24日点评

今日要去深水埗同朋友倾野, 倾完之后朋友带我黎Burgerman , 佢话系深水埗区最好食既汉堡, 一定要试下。

因疫情关系, 佢地只有外卖, 不设堂食, 店舖虽小, 却五脏俱全。

佢地既卫生防护意识好高, 枱面除左有消毒搓手液外, 仲有即弃手套以供客人系食汉堡时唔会整污糟双手, 真系好细心, 抵赞 !

佢地除左汉堡外, 仲有意粉同多款小食, 一场黎到当然要试下佢地最出名既汉堡包啦。

至尊汉堡 $90
用料十足既一个汉堡!! 份量超大之余, 味道极之出色。
汉堡包皮有煎香过, 内里夹住2大块厚牛肉, 一咬入口就肉汁满泻, 非常juicy ,
而且牛肉既生熟度刚刚好, 肉质软淋之余, 仲牛味浓郁, 系牛魔王既必叫之选。
个包仲夹住煎得香脆既烟肉同煎蛋, 加上新鲜既蕃茄/生菜/洋葱等多种配料, 配埋半溶既芝士, 口感层次非常丰富, 让人回味无穷。

渔夫之堡 $69
鱼柳好大片, 鱼肉肉质嫩滑, 外皮炸得金黄香脆, 炸浆一D都唔厚, 再加上新鲜沙律菜同自家特制既他他酱汁, 口感清新爽脆之余, 但又唔会觉得油腻。

加$20 可以转为套餐, 可以选有皮薯条 / 薯格 或 田园沙律, 再配埋罐装汽水一罐。

我地当然选择左唔系好多地方会有既有皮薯条啦。

薯条即叫即炸, 热辣辣, 炸得香脆内软, 薯味浓 , 仲系我最爱既粗薯, 好满足, 十级正!

感谢 buniscat
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (28)
旅行者评分
旅行者类型
时节
语言

1 - 5 条点评,共 28 条

2020年11月13日点评 通过移动设备发表

路过闻到劲香既牛肉味,先知原来深水埗有间汉堡包小店,餐厅标榜100%采用全天然美国安格斯牛肉及澳洲和牛,用原块牛扒切出牛肉制成汉堡扒,睇佢咁吸引,真系要买黎试下。
.
和牛汉堡88+煎蛋8
香煎谷饲(120日)澳洲和牛 配 炸洋葱丝、 日式焙烧芝麻沙律及美国大孔芝士,另外加8蚊要多只煎蛋。
澳洲和牛汉堡质量好高,肉味香浓,咬落去仲有好多肉汁咇出黎,芝士经火枪烧过有焦香味,炸洋葱丝好香脆,增加了整个汉堡既口感。
.
因为疫情既关系,汉堡包店只限外卖,不设堂食。
枱上放置了即弃胶手套和餐巾供使用。
小店只得一人工作,即叫即制,所以都等了大概20分钟。

感谢 JaysonL0109
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年8月19日点评 通过移动设备发表

日本有面包超人,香港就有汉堡包超人,深水埗呢间「burgerman」几年前食已经觉得好好食,汉堡多肉汁又够厚,今次再试,结果都无令我失望,无失到水准!
丹麦蓝芝士汉堡
芝士的芝士肉为乳白色,肉身上带有蓝色班纹及不规则的洞眼,质地软,味道带有强烈的咸味。 配上burgerman 特制汉堡,锦上添花,就禁食都觉得非凡!
卡邦尼意粉
除左汉堡包,仲有意粉食,就试一试!普遍卡邦尼都系淡味,呢个除左浓味仲好有芝士味,而且每条意粉都系挂满酱汁!
洋葱圈
甜甜的洋葱圈,炸到脆卜卜,配试蜜糖芥末酱!

感谢 snakeyyyyyy
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年7月10日点评 通过移动设备发表

今日收工好肚饿 同事就介绍我食burgerman 既burger 咁我就特登落深水埗食 铺头同地铁站唔算好远既距离 大约3-5mins 左右就到 但天气实在太热 行2步路都出晒汗

间burger 位置系大街都好易揾到 铺面唔算大但因为疫情既关系 收起晒d椅 改以外卖形式为主

餐牌上都有好多款burger可以选择唔食肉 大啡菇burger都有 仲有意粉沙律小食可以选择 仲可以+$20配薯条/薯格/田园沙律同汽水

我今次就试左个侯斯顿汉堡+$20配田园沙律同汽水落完order 大约等5-10分钟左右 因为全部都系即叫即做架 因为疫情关系用外卖兜兜比较衞生 再留意下佢仲提供埋搓手液 纸巾 手套真系好贴心呀

只手干净晒就可以开餐啦 先食个沙律 d蔬菜有好多种类又有几款沙律菜、青瓜、洋葱、车厘茄再配埋捞左既油醋汁酸酸甜甜好岩夏天食又fresh 感觉好健康 主角出场 美国安格斯牛肉配上烟肉、炸洋葱、红洋葱、番茄同芝士仲有个BBQ sauce 卖相一流 非常丰富 仲有个包系烤过 所以好香 脆脆地咁 未食都流晒口水 咁多款配料放埋一齐 要一齐咬真系有d难道 我个食相真系吓亲人 我撑尽 勉强可以食得晒 一咬落去d肉汁好juice 唔会劲油腻因为有红洋葱同蕃茄咁fresh 夹埋一齐食 而个安格斯牛肉又煎得岩岩好 中间仲系粉红色 整体黎讲喜欢食burger既真系必试 CP值高

感谢 Penguinbb28
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年6月10日点评 通过移动设备发表

位于深水埗,美食好多
想快食就嚟呢间立食形式嘅汉堡店

加上曾经食过呢一间汉堡店嘅大角咀分店
对佢好有信心
同朋友点左两个汉堡,一个套餐
所有餐都加$20可以转combo套餐
套餐包一杯嘢饮
另外仲有薯角,或者薯格二拣一

和牛汉堡$88 Wagyu burger
佢嘅面包皮上面系有芝麻,煎到香脆热辣辣
加埋啲芝麻沙律,热辣辣食超好味。
比另外一个汉堡更加多汁,识落比较淋身
加上汉堡上面有豆苗做配菜,好有新鲜感!

丹麦蓝芝士汉堡$75 Danish blue cheese burger
嫩滑的安格斯牛肉,超吸引嘅蓝芝士,加上好味洋葱
好吸引

佢有支付宝、Payme, 同埋微信付款,方便唔同嘅人士俾钱

虽然我觉得大角咀分店嘅汉堡好食好多,不过经过呢度都会帮衬嘅!

感谢 loouuiissa
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.tw 查看原文

查看过Burgerman (深水埗)的旅行者还看了

 
中国香港
 

去过Burgerman (深水埗)吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。