我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“Best Birthday Dinner Ever”
鮨蕾的点评

鮨蕾
香港排名第59 (共13,928家美食)
周围地区: 湾仔/铜锣湾
餐厅详细资料
周围地区: 湾仔/铜锣湾
2019年9月11日点评 通过移动设备发表

-
9月系我同男朋友既生日月。好耐之前我地就决定今次生日要食omakase。鮨蕾系我地做完research之后决定既,因为佢算系一开比较新派既omakase,会将每一个course都present得好靓。
-
book左5号既7点钟bar枱位置,可以望住厨师准备每一道菜。餐牌上有4个course拣,我地两个拣左最平既《枫》,想先试下佢质素有几高。
-
首先送上左一份小食,系炸新鲜竽头片。我地就慢慢倾下计,睇住厨师准备我地既晚餐。
-
前菜:角螺刺身配海草,食用花
前菜已经好惊喜,基本上系一个艺术品。角螺刺身十分鲜甜,口感爽脆但唔难咬。加上少少酸汁同海草一齐食,好fresh好开胃。一开始我哋对食用花都有啲抗拒,但后来发现原来味道唔难接受,仲真系好清香。
-
刺身二味:拖罗配北海道海胆,真鲷
呢件拖罗配北海道海胆非常非常好味!海胆极甜,望住厨师拎出黎全板颜色都好靓。拖罗至少有中拖罗level,同海胆味道极夹,一口size食落口口感好丰富。
-
真鲷系平时比较少食既鱼,今次呢个厨师配左一个有辣罗白蓉既酸汁,我钟意将食用花包系入面,再点汁,好清新,同拖罗系一个好好既balance。厨师仲特别介绍左佢地既食用花全部都系芬兰空运到港。
-
之后就到烧物啦。今晚既惊喜竟然系鳗鱼!一般香港人对鳗鱼一d都唔陌生,但鳗鱼要好食除左取决食材既新鲜度,更加需要既就系师傅烧既控制。呢方面师傅控制得好好,表皮香脆,加上肉质有弹性,而且系好厚肉,配上唔会过份浓既鳗鱼汁。所以当晚呢一个烧鳗鱼绝对系一个惊喜,香港食过既入面算系最好味既一个。
-
同师傅闲话家常几句,之后就到寿司既部分。一共有六款,头五款分别系石门贝(右上),左口鱼边炙烧 (左下),秋刀鱼 (左上),鰽鱼配紫苏叶加梅酱,熟成toro配新鲜紫苏花(右下)。全部都好新鲜,同埋好佩服师傅安排左个次序同埋节奏,令到我哋食每一件寿司都有唔同嘅冲击。浓淡,口感,油脂含量,每一样都系完美既balance。
-
至于第六件寿司,师傅就安排左啱啱食过好好味嘅北海道海胆俾我地。我认为佢系好细心咁留意到我地特别钟意呢个海胆,所以比我地encore。个种满足感真系有系北海道食即开海胆既感觉!
-
吃过寿司,送上一份浓浓的蚬肉味噌汤,食番小小热野,感觉即刻饱肚左,而且个汤似系煲既而唔系平时个d冲出黎既味噌汤。
-
呢一件海线蛋系厨师特别推介比我地既,仲叫我地估下系点整出黎。一咬落去就带着淡淡嘅海鲜香味,原来佢系一个加左海鲜高汤嘅蒸蛋糕。系一种好新鲜嘅口感同味道,估唔到海鲜同埋蛋系可以配合得咁好。
-
食完一餐咁丰富既厨师发板,当然有甜品啦。系时令水果。甜而不腻既蜜瓜,加上清甜既晴王提子,为今晚画上一句完美既句号。
-
食完之后特别想赞今晚serve我哋嘅厨师,佢唔会太多嘢讲,系适当嘅时候同我地有交流去介绍食材,令到我哋食得好舒服。呢一间绝对会有下一次,可以带屋企人嚟食再高一级既餐Download左佢地个app,埋单有95折,平左差不多成100蚊!而家已经好想再去食
-

感谢 joamberrr
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.tw 查看原文
撰写点评点评 (77)
旅行者评分
旅行者类型
时节
语言

6 - 10 条点评,共 77 条

2019年9月3日点评 通过移动设备发表

趁著朋友生日,包子终于有机会去试呢间位于铜锣湾有名的日本料理餐厅 -- 鮨蕾!时晚当然没有令我们失望,水准一流!

鮨蕾位于登龙街V-Point之上,环境都非常清幽。餐厅正中一大个圆形⭕️的寿司bar 枱,拉近顾客和寿司师傅之间的距离,样食客可以近距离观赏师傅制作寿司盛宴。

另外餐牌只有3款Omasake厨师发版为主要的选择,所以食物选择都一一都放心交给师傅吧!

开餐之前,餐厅更奉上一客餐厅现炸既新鲜热辣脆薯片,认真贴心!

首先前菜是新鲜的日本番茄配上日式和风酱汁,新鲜醒胃,为接下来的盛宴画龙点睛。

而第一道前菜便是新鲜的时令刺身拼盘!师傅介绍今日的拼盘包括有两种不同配料的深海池鱼刺身,另外还有海胆配上吞拿鱼腩!而碟上的伴碟用上了紫苏花,是可以食用的,配上鲜味浓郁既海胆吞拿鱼刺身,有独特既香草味,而且刺身也不会太漏, 配搭一流!

而之后就系当晚既压轴主菜,由寿司师傅精心准备了6款不同的寿司,包括: 左口鱼,伊佐木,金缐鲷,碟鱼边,以及熟成吞拿鱼!同Omasake厨师发版既"规矩"一样,寿司口味由清爽到浓郁,鱼油香味会慢慢加强。而最后一道熟成吞拿鱼更加系鮨蕾的"王牌"⭐️,经寿司师傅介绍,这款寿司是主厨Micheal发明,采用极新鲜既吞拿鱼腩肉,用和风秘制酱汁醃上一晚,令鱼肉内既筋"软化",吞拿鱼入口即溶,认真唔简单!师傅也提到这款寿司是铜锣湾区绝对是独一无二。可见鮨蕾寿司师傅深厚既功底,款款寿司有赞冇弹!

最后餐厅奉上蚬肉味增汤给食客暖胃。味增汤亦落咗一番功夫,蚬肉大大只,绝对不hea!当晚甜品有由日本空运过来的时令香甜蜜瓜,为这夜的寿司刺身盛宴划上完美句号。

⁉️鮨蕾绝对系一间值得再来encore的日本料理。食完仲可以申请佢地既会员,下次再帮衬仲有优惠!

感谢 921pattyc
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com 查看原文
2019年8月29日点评 通过移动设备发表



工作忙透了,又是食餐好奖励自己的时候。今晚到访的是位于铜锣湾食厦的鮨蕾。餐厅的装潢有别于一般鮨店,天花以流缐形金属天花,配以云石寿司吧枱,感觉时尚,无咁拘谨,而格调高雅。

Omakase 晚餐有四款:枫$850、堇$1150、蕾$1580、松$750

今夜和honey 试下:枫$850
(前菜、刺身二点、烧物、寿司六款、面豉汤和甜品)

先送上小吃:芋头片(自家制)炸得又薄又脆,芋头味十足。咸咸脆脆的,令人吃过不停。

前菜:熊本水果蕃茄
这小蕃茄个子小小,味道极为甜美多汁一如水果,加上醋汁海藻沙拉,口感清爽而轻盈。

刺身两点真是别致,造型美仑美奂。鲷鱼刺身切得透薄晶莹,口感柔软而清爽,夹上芬兰香草,拌以芥末和豉油,味道清甜,又带阵阵香草气息。另一款是拖罗配北海道海胆:哗!一口气品尝两种极品滋味!正!一放入口,那拖罗的脂香丰腴,油润的口感真叫人兴奋,肥美拖罗巧遇北海道海胆的柔滑鲜甜,再加上柚子汁的丁点酸提味,配搭新鲜,味道更有层次,好吃!

烧物:银鳕鱼西京烧
这银鳕鱼西京烧得刚好。银鳕鱼的鱼皮脆香,鱼肉雪白幼滑,口感油润甘香,充满了面豉独有的甜味,正呀!再吃一口红酒荞头,爽脆酸甜,少一点腻口感觉,不错。

接下来是寿司
分别有赤贝、甘线鲷、赤身、aged toro,signature

赤贝口感脆爽,带有海水感觉和鲜甜味,加上寿司握的力度刚好,寿司一入口,饭粒即散。

甘缐鲷口感柔软,油脂丰富,有着温婉的甘甜味,平易近人。

赤身亮泽鲜红,加上酱油渍的处理,让赤身的甘甜和深度更一上级。

Aged toro 不愧为signature 寿司。经过熟成的拖罗味道极之浓厚,经过火炙逼出油份,令拖罗更加甘香可口,鱼脂盈腔,甘甜和脂肪的均匀无可比拟,真是叫人满足。

而自家渍物有柚子萝白、茴香红菜头和寿司姜,每一款的味道都不错,亦正好清一清味蕾。

接下来是:北海道海胆寿司
这海胆寿司份量十足,北海道海胆海胆味超浓,入口creamy又极为甜美,加上脆脆的紫菜,超级正!口腔完全是海胆滋味,舍不得吞下去,太幸福的感觉!

大和蚬面豉汤
这面豉汤没有一般面豉汤咁咸,或许是选用了白面豉的原故吧。再加上海带、冬茹和蚬的甜味,味道比较温和。

甜品是我的最爱:曰本水蜜桃和晴王提子。
曰本水蜜桃桃香特浓,果肉软熟又无渣,味道清甜多汁。晴王果皮爽脆,超甜爆汁,甜到一如糖汁糖一样,好吃!曰本水果真是最恰意的甜品。

这一夜和honey 撑枱脚,慢尝细尝,有着fine dining 的感觉,真是视觉和味觉上的满足。下次一定再访。

感谢 strawberryw
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
2019年8月25日点评 通过移动设备发表

#鮨蕾 Sushi Tsubomi (铜锣湾)
铜锣湾登龙街2-22号V Point 22楼
-----
放左个悠长假期返黎 真系好唔想返工 对住公司部电脑成日 个人真系好sad 连我最爱嘅打食评都丢低左几日 朋友仔见B仔假期后遗症咁严重 就带B仔黎铜锣湾靓靓高档新商场V point食Omekase 希望可以用美食黎医治好忧郁嘅B仔
-
呢度一共有四款Omekase 其中一款系素食黎 第一次见Omekase有素食 虽然好特别 但系B仔最爱都系鱼生最后B仔同朋友仔都叫左最平嘅Omekase套餐-枫 (第一次黎 叫个最平嘅黎小试牛刀)
-
枫($850):成个set分别有前菜 刺身 烧物 寿司六贯 味噌汤同埋甜品
-
◆前菜:自家制莲藕片 非常脆身 只用淡淡嘅盐作调味 感觉健康 新鲜嘅水发菜配撘左姜蓉同醋 食落酸酸地且好冰 水发菜非常幼细 质感好得意 整体好似食紧冷面 栗子就经蜜糖水浸泡过 好清甜 仲有一粒自家醃制过嘅杨梅 酸甜多汁 好开胃
-
◆刺身:碟上有和风汁作装饰 薄切嘅立鱼透光度十足 鱼肉白得黎带淡红色 肉质爽口 上面更撒上西柚皮碎 令整体甘甜中带点清新 中拖罗上则放有北海道海胆 拖罗色泽鲜红带油光 无半点暗哑瘀红色 虽然质素上乘但亦敌不过海胆嘅超级无敌鲜甜味 建议将拖罗同海胆分开食 以免拖罗味被掩盖
-
◆烧物:是日烧物为鳕鱼西京烧 鳕鱼皮烧得极为香脆 唔系讲笑 真系脆到好似薯片咁脆 鳕鱼肉质嫩滑 而且Juicy得黎一D都唔油腻 食到B仔同朋友都连声赞好
-
6贯寿司:◆石门贝 师傅话一年得好短时间当造 要喺佢当造季节先有得食 口感非常爽口 咬落回弹力强劲 加入青柠汁更显鲜甜 ◆鱆红鱼腩 系夏季当造 油脂特别丰富 入口肥美 近乎即溶 ◆伊佐木鱼 寿司师傅为我哋选择咗一样系夏季非常当造嘅依左木鱼 当季嘅伊佐木肉质丰盈肥美 鲜度拔群 用火枪轻轻烧过 带有淡淡烟熏味 食落好幼滑 ◆烧鲽鱼边 油脂味突出 食落其实好似左口鱼裙边 但脂味更出 记得要趁热食 冻左会冇咁好食 ◆熟成拖罗 喺呢度独有嘅制法 由总厨自创 出面食唔到 拖罗以秘制酱油浸过 令筋位变软 入口更幼滑 ◆北海道海胆寿司 海胆多到似山泥倾斜 每啖入口都极致creamy 鲜甜味满泻 食落有令人感动嘅感觉 可能系B仔暂时喺香港食过最好味嘅海胆
-
◆面豉汤:面豉味道调得恰到好处 唔会太淡太咸 上枱时非常非常热 好暖胃 将食完寿司之后嘅寒意一驱而散 饮完好舒服
-
◆甜品:以香甜多汁嘅当季夕张哈密瓜作为结尾 整餐都非常完美
-
♥︎Download 佢地个apps有95折
♥︎除左食物出色 服务态度亦极佳
♥︎上网做完research后发现原来呢度嘅总厨师承前日本首相桥本龙太郎之御厨松户利雄
-----
B仔整体评价:9.3/10个
(好耐冇俾过咁高分)
B仔抵食程度:8.5/10个
(以食物质素、份量、环境同服务黎讲其实个人唔觉得贵)(海胆真系比得好大方)
B仔环境评分:9/10个
(干净、部份座位睇到海景)
B仔味道评分:9.5/10个
B仔回头机会:10/10个
-----
#swallowhongkong
☺️快D跟住B仔一齐吞食香港啦!
#swallowcwb

1  感谢 Swallowhongkong
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年8月20日点评 通过移动设备发表

最近流行兴食omakase,亦即系厨师发办,由师傅特地挑选时令嘅鱼生,设计成别出心裁嘅一餐。由于omakase嘅价钱一般都唔平,我都系系啲大时大节特别日子先舍得食,今次同好朋友庆生,就去试下呢间都几多人推荐嘅鮨蕾。

餐厅嘅环境非常舒适干净,夜晚仲可以望到维港夜景,望住呢个景食野都觉得特别好食。

我地一坐低,店员就比左热毛巾我地抹手,服务态度非常好!

点完餐后,师傅就整左个前菜比我地食,分别系蕃薯脆片同埋熊本蕃茄。我特别钟意个熊本蕃茄,食落非常清甜,一啲都唔酸,相当开胃。

之后就有3款唔同嘅刺身,由淡味嘅立鱼开始食起,肉质较爽口,甘甜。北海道海胆亦非常新鲜,食落鲜甜冇怪味,同肥美嘅大拖罗简直系perfect match!

之后嘅热食就系烧吞拿鱼脑天,亦即系吞拿鱼头顶嘅肉,师傅话呢份脑天用柚子汁醃左成晚,去除左鱼腥味,增加左清新嘅口感。烧脑天入口非常嫩滑,一啲都唔腥,反而鲜味十足,非常好食。

之后就去到好多款唔同嘅寿司,每款都系由师傅即整即食,非常好食!我就特别钟意时令嘅石垣贝,据说每年只有2个月时间有得食,食落鲜甜爽口,令人回味无穷。

熟成拖罗亦都令人非常惊喜,呢款寿司顾明思义系将拖罗稍稍烧熟,食落好似食紧和牛咁,入口即溶。

最后作为甜点嘅日本蜜瓜亦非常好食,清甜香口,为呢餐画上完满嘅句号。

最后店员同我地讲只要下载佢地嘅app, 就可以有95折优惠,咁抵,我地当然要下载喇,推荐大家都可以下载定先去食。

感谢 AmyW4928
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过鮨蕾吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页