我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“锅锣湾Omakase又一好选择”
鮨蕾的点评

鮨蕾
香港排名第60 (共13,891家美食)
周围地区: 湾仔/铜锣湾
餐厅详细资料
周围地区: 湾仔/铜锣湾
4周前点评 通过移动设备发表

近排都系锅锣湾揾食,今日又黎到V Point 啦,今次上左22楼食下日本菜,都系朋友介绍,话晚餐Omakase 出色又扺食,点可以唔试下!

◾️装修几有气派,用上金、黑做主调,瑰丽堂皇,圆型寿司枱几创新,仲有落地大玻璃望到夜景,的确唔错。

◾️餐牌方面,有4款套餐,其中一款系素食,几有特色,至于我地,今日就点左枫 Momiji $850食。

自家制炸芋片
小食系炸芋片,薄薄一片,好脆身,但一d都唔油。

角螺片沙律
首先,今日前菜角螺片沙律,角螺好爽脆,有咬口,味带甜,底下配上海藻,加埋个和风汁 酸酸地,非常开胃。

刺身
䲞鱼薄切
䲞鱼表面洒上柚子皮,令原来比较淡味嘅白身鱼,鱼味更突出。加上旁边来自芬兰嘅紫苏花,配以酸汁食用,酸酸地,好味!

大拖罗+北海道海胆
大拖罗霜降纹非常厉害,好肥美,上面仲加上北海度海胆,拖罗入口即溶,加上海胆甘甜,好鲜味呀!

烧物
蒲烧鳗鱼
用咗新鲜鳗鱼烧成,鳗鱼厚肉,外皮几脆,唔会乾,肉质都几结实弹牙,如果无骨就更好啦~

寿司
左口鱼边寿司
一闻已经满满鱼油香,肉质好滑嫩,鱼油重,软滑口感入口即溶,正呀。

曹以寿司
鱼肉油份较少,食落肉质比较结实,口感爽脆,鱼味就相对较为清淡。

秋刀鱼寿司
入秋后秋刀鱼够肥美,鱼肉食落鲜甜,肉质好有弹性,配上姜末同葱花,去走鱼腥味,令鱼肉鲜甜可以长流口中。

石垣贝寿司
又系Seasonal 食材,大大只石垣贝,轻轻打佢仲会收松,认真新鲜。食落非常爽脆,有咬口之余,又索下索下,够晒鲜甜。

熟成拖罗寿司
经过5日熟成,烧香之后,鱼油爆出黎咁,食落当然就满口油香,鱼味够浓,入口即溶,好邪恶呀~

北海道海胆寿司
最后仲有海胆,色泽金黄,味道好甘甜浓厚,刚好消除左拖罗嘅油感。

大和蚬面䜴汤
蚬肉细粒但肉好鲜味,饮碗面䜴汤清一清个口,perfect~

甜品
静冈蜜瓜 晴王提子
最后有超甜嘅静冈蜜瓜同来自冈山嘅晴王,好满足嘅一餐。

总括而言,鮨蕾嘅Omakase 晚餐,性价比几高,价钱超值,食材都好新鲜,用上季节性食材,又有靓景!如果下载返鮨蕾个app,仲有全单95 折,抵抵抵食呀~

感谢 Kriza0
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
撰写点评点评 (76)
旅行者评分
旅行者类型
时节
语言

4 - 8 条点评,共 76 条

4周前点评 通过移动设备发表

月尾岩岩出粮,今个月一日假都无真系好辛苦,所以决定放纵自己食得奢侈d,当奖励自己。
我同同事去左位于铜锣湾既高级日本餐厅,呢间鮨蕾系Omakase,即系由厨师发板,我从来未试过,今次就想初体验。
佢既奖修比人一种放松同高级感觉,主要有两张大圆枱,而灯光好柔和,流线led灯,有别于一般日本居酒屋或餐厅。佢menu有四个选择,我地决定要中等价位既枫。主厨会系你面前即席整完送到面前,感觉好亲切。
除装修之外,我地最睇重既当然系食物质素。一开始就送上自家整既芋头片,炸得好香脆,作为小食相当唔错。而前菜就系熊本蕃茄,下面有海藻,咬落juicy,加埋醋作调味,特别开胃。
刺身方面,我地试左鲷鱼刺身同北海道海胆。卖相真系无得输,有少少fine dine既感觉,鲷鱼加埋特制柚子醋,酸酸地带出鲷鱼鲜味,而拖罗加海胆,极之肥美,一口一件,真系齿颊留香,要慢慢品尝。
烧物方面,呢几件系泰刀鱼,配以牙带汁,原汁原味,表皮烧得非常甘香,最重要系无咩骨,对于我呢种唔太识食鱼既人,简直系一大福音。
终于去到最期待既寿司,首先登场系石桓贝,主厨好似变魔术咁,用手握一握,佢好似识郁咁有变化,即刻拍片纪录低。入口都好爽口有嚼劲。
另外,不得不提系佢既熟成拖罗,主厨提过系要用特制酱汁醃制4-5日,出面好少机会可以食到。果然无令我失望,一咬已经食到香浓酱汁加上拖罗本身油香,配合得好好。
而最满足系食到北海道马粪海胆,一上黎我即刻心心眼,好足料,一入口已经感觉到味蕾好震撼,入口即溶唔舍得吞。食完幸福感满满。
最后既大和蚬面豉汤,加埋晴王提子同静岗蜜瓜,为成餐画上完美句号。

感谢 yukpo
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
4周前点评 通过移动设备发表

-
9月系我同男朋友既生日月。好耐之前我地就决定今次生日要食omakase。鮨蕾系我地做完research之后决定既,因为佢算系一开比较新派既omakase,会将每一个course都present得好靓。
-
book左5号既7点钟bar枱位置,可以望住厨师准备每一道菜。餐牌上有4个course拣,我地两个拣左最平既《枫》,想先试下佢质素有几高。
-
首先送上左一份小食,系炸新鲜竽头片。我地就慢慢倾下计,睇住厨师准备我地既晚餐。
-
前菜:角螺刺身配海草,食用花
前菜已经好惊喜,基本上系一个艺术品。角螺刺身十分鲜甜,口感爽脆但唔难咬。加上少少酸汁同海草一齐食,好fresh好开胃。一开始我哋对食用花都有啲抗拒,但后来发现原来味道唔难接受,仲真系好清香。
-
刺身二味:拖罗配北海道海胆,真鲷
呢件拖罗配北海道海胆非常非常好味!海胆极甜,望住厨师拎出黎全板颜色都好靓。拖罗至少有中拖罗level,同海胆味道极夹,一口size食落口口感好丰富。
-
真鲷系平时比较少食既鱼,今次呢个厨师配左一个有辣罗白蓉既酸汁,我钟意将食用花包系入面,再点汁,好清新,同拖罗系一个好好既balance。厨师仲特别介绍左佢地既食用花全部都系芬兰空运到港。
-
之后就到烧物啦。今晚既惊喜竟然系鳗鱼!一般香港人对鳗鱼一d都唔陌生,但鳗鱼要好食除左取决食材既新鲜度,更加需要既就系师傅烧既控制。呢方面师傅控制得好好,表皮香脆,加上肉质有弹性,而且系好厚肉,配上唔会过份浓既鳗鱼汁。所以当晚呢一个烧鳗鱼绝对系一个惊喜,香港食过既入面算系最好味既一个。
-
同师傅闲话家常几句,之后就到寿司既部分。一共有六款,头五款分别系石门贝(右上),左口鱼边炙烧 (左下),秋刀鱼 (左上),鰽鱼配紫苏叶加梅酱,熟成toro配新鲜紫苏花(右下)。全部都好新鲜,同埋好佩服师傅安排左个次序同埋节奏,令到我哋食每一件寿司都有唔同嘅冲击。浓淡,口感,油脂含量,每一样都系完美既balance。
-
至于第六件寿司,师傅就安排左啱啱食过好好味嘅北海道海胆俾我地。我认为佢系好细心咁留意到我地特别钟意呢个海胆,所以比我地encore。个种满足感真系有系北海道食即开海胆既感觉!
-
吃过寿司,送上一份浓浓的蚬肉味噌汤,食番小小热野,感觉即刻饱肚左,而且个汤似系煲既而唔系平时个d冲出黎既味噌汤。
-
呢一件海线蛋系厨师特别推介比我地既,仲叫我地估下系点整出黎。一咬落去就带着淡淡嘅海鲜香味,原来佢系一个加左海鲜高汤嘅蒸蛋糕。系一种好新鲜嘅口感同味道,估唔到海鲜同埋蛋系可以配合得咁好。
-
食完一餐咁丰富既厨师发板,当然有甜品啦。系时令水果。甜而不腻既蜜瓜,加上清甜既晴王提子,为今晚画上一句完美既句号。
-
食完之后特别想赞今晚serve我哋嘅厨师,佢唔会太多嘢讲,系适当嘅时候同我地有交流去介绍食材,令到我哋食得好舒服。呢一间绝对会有下一次,可以带屋企人嚟食再高一级既餐Download左佢地个app,埋单有95折,平左差不多成100蚊!而家已经好想再去食
-

感谢 joamberrr
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.tw 查看原文
2019年9月3日点评 通过移动设备发表

趁著朋友生日,包子终于有机会去试呢间位于铜锣湾有名的日本料理餐厅 -- 鮨蕾!时晚当然没有令我们失望,水准一流!

鮨蕾位于登龙街V-Point之上,环境都非常清幽。餐厅正中一大个圆形⭕️的寿司bar 枱,拉近顾客和寿司师傅之间的距离,样食客可以近距离观赏师傅制作寿司盛宴。

另外餐牌只有3款Omasake厨师发版为主要的选择,所以食物选择都一一都放心交给师傅吧!

开餐之前,餐厅更奉上一客餐厅现炸既新鲜热辣脆薯片,认真贴心!

首先前菜是新鲜的日本番茄配上日式和风酱汁,新鲜醒胃,为接下来的盛宴画龙点睛。

而第一道前菜便是新鲜的时令刺身拼盘!师傅介绍今日的拼盘包括有两种不同配料的深海池鱼刺身,另外还有海胆配上吞拿鱼腩!而碟上的伴碟用上了紫苏花,是可以食用的,配上鲜味浓郁既海胆吞拿鱼刺身,有独特既香草味,而且刺身也不会太漏, 配搭一流!

而之后就系当晚既压轴主菜,由寿司师傅精心准备了6款不同的寿司,包括: 左口鱼,伊佐木,金缐鲷,碟鱼边,以及熟成吞拿鱼!同Omasake厨师发版既"规矩"一样,寿司口味由清爽到浓郁,鱼油香味会慢慢加强。而最后一道熟成吞拿鱼更加系鮨蕾的"王牌"⭐️,经寿司师傅介绍,这款寿司是主厨Micheal发明,采用极新鲜既吞拿鱼腩肉,用和风秘制酱汁醃上一晚,令鱼肉内既筋"软化",吞拿鱼入口即溶,认真唔简单!师傅也提到这款寿司是铜锣湾区绝对是独一无二。可见鮨蕾寿司师傅深厚既功底,款款寿司有赞冇弹!

最后餐厅奉上蚬肉味增汤给食客暖胃。味增汤亦落咗一番功夫,蚬肉大大只,绝对不hea!当晚甜品有由日本空运过来的时令香甜蜜瓜,为这夜的寿司刺身盛宴划上完美句号。

⁉️鮨蕾绝对系一间值得再来encore的日本料理。食完仲可以申请佢地既会员,下次再帮衬仲有优惠!

感谢 921pattyc
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com 查看原文
2019年8月29日点评 通过移动设备发表



工作忙透了,又是食餐好奖励自己的时候。今晚到访的是位于铜锣湾食厦的鮨蕾。餐厅的装潢有别于一般鮨店,天花以流缐形金属天花,配以云石寿司吧枱,感觉时尚,无咁拘谨,而格调高雅。

Omakase 晚餐有四款:枫$850、堇$1150、蕾$1580、松$750

今夜和honey 试下:枫$850
(前菜、刺身二点、烧物、寿司六款、面豉汤和甜品)

先送上小吃:芋头片(自家制)炸得又薄又脆,芋头味十足。咸咸脆脆的,令人吃过不停。

前菜:熊本水果蕃茄
这小蕃茄个子小小,味道极为甜美多汁一如水果,加上醋汁海藻沙拉,口感清爽而轻盈。

刺身两点真是别致,造型美仑美奂。鲷鱼刺身切得透薄晶莹,口感柔软而清爽,夹上芬兰香草,拌以芥末和豉油,味道清甜,又带阵阵香草气息。另一款是拖罗配北海道海胆:哗!一口气品尝两种极品滋味!正!一放入口,那拖罗的脂香丰腴,油润的口感真叫人兴奋,肥美拖罗巧遇北海道海胆的柔滑鲜甜,再加上柚子汁的丁点酸提味,配搭新鲜,味道更有层次,好吃!

烧物:银鳕鱼西京烧
这银鳕鱼西京烧得刚好。银鳕鱼的鱼皮脆香,鱼肉雪白幼滑,口感油润甘香,充满了面豉独有的甜味,正呀!再吃一口红酒荞头,爽脆酸甜,少一点腻口感觉,不错。

接下来是寿司
分别有赤贝、甘线鲷、赤身、aged toro,signature

赤贝口感脆爽,带有海水感觉和鲜甜味,加上寿司握的力度刚好,寿司一入口,饭粒即散。

甘缐鲷口感柔软,油脂丰富,有着温婉的甘甜味,平易近人。

赤身亮泽鲜红,加上酱油渍的处理,让赤身的甘甜和深度更一上级。

Aged toro 不愧为signature 寿司。经过熟成的拖罗味道极之浓厚,经过火炙逼出油份,令拖罗更加甘香可口,鱼脂盈腔,甘甜和脂肪的均匀无可比拟,真是叫人满足。

而自家渍物有柚子萝白、茴香红菜头和寿司姜,每一款的味道都不错,亦正好清一清味蕾。

接下来是:北海道海胆寿司
这海胆寿司份量十足,北海道海胆海胆味超浓,入口creamy又极为甜美,加上脆脆的紫菜,超级正!口腔完全是海胆滋味,舍不得吞下去,太幸福的感觉!

大和蚬面豉汤
这面豉汤没有一般面豉汤咁咸,或许是选用了白面豉的原故吧。再加上海带、冬茹和蚬的甜味,味道比较温和。

甜品是我的最爱:曰本水蜜桃和晴王提子。
曰本水蜜桃桃香特浓,果肉软熟又无渣,味道清甜多汁。晴王果皮爽脆,超甜爆汁,甜到一如糖汁糖一样,好吃!曰本水果真是最恰意的甜品。

这一夜和honey 撑枱脚,慢尝细尝,有着fine dining 的感觉,真是视觉和味觉上的满足。下次一定再访。

感谢 strawberryw
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文

去过鮨蕾吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页