小店主打龙虾汤、泡饭、炖汤（川芎白芷鱼头汤、花胶汤⋯）
仲有猪求其，即系猪什、牛、墨鱼、虾、仲有捞面、咖哩饭⋯睇menu睇到眼花

坐无虚席，简单企理，价钱合理～
⏱太概排咗15分钟，留意要齐人入座。
为节省时间，排队时店员会帮你落单。后生仔店员有耐性有礼貌，赞

花胶螺片鸡煲翅 $68 （套餐加$10，有白饭油菜）
预设生菜，加$5可选其他菜
呢个价钱，呢个份量、质量、味道，绝对物超所值！半只鸡、花胶、螺片、鸡汤，最紧要系咩？
妈咪：「唔洗煮呀麻！」
鸡汤固然好饮，但个人觉得鸡系亮点，肉滑唔柴，系鸡胸都唔柴，点小小豉油又多个层次

殿。海鲜龙虾汤泡饭（包半只龙虾）$98
海鲜友应该会觉得好满足，汤底浓郁，好多蚬、好多青口，仲有鱿鱼、扇贝、生菜底。

其实佢咁多料，好难泡个饭落去㖞

晚市解禁,多左理由出街食饭行街,昔日既旺角已经不在旺,8点后条街已经店铺已落闸,街道上唔再人来人往
解禁了接近2星期,我地又睇下以前好受欢迎既店系咪仲咁多客呢?
呢间叫村爷爷,大家一定听过或者见过好多人拍片介绍 因为有明星效应
2月底去食饭,7点左右已经排晒长龙,西利！
款式好多，最出名应该系佢既龙虾汤泡饭同靓汤系列
款式多，由花胶，鱼头虫草花，鸡汤都有，仲有麻辣酸菜鱼
廿几款选左花胶鲜鸡鱼头汤，仲要只限堂食，＄８８有半只鸡！
加１０蚊转套餐包饭同饮品同浸菜一碟
另外叫左碗龙虾汤泡饭，加钱可以要半只龙虾，不过有半只鸡就唔食龙虾了
先上饮品，大约等１０分钟就上菜，好有效率，坐位系迫Ｄ，但有隔板就ＯＫ了
龙虾汤泡饭，原来系有鲜鱿，青口，蚬用龙虾汤底煲煮，即系当佢海鲜汤锅食配饭就ＯＫ了
白饭系另上，一边食一边加饭泡，唔好一次过倒晒会好快软身，变粥底咁
食材系丰富既，青口够大只，蚬同鱿鱼都鲜味，份量仲好豪迈丰富，仲有菜底，味道不错份量够多

花胶鲜鸡配鱼汤，仲有半边鱼头，鲜味鸡汤底，加了姜片等食材，饮落唔腥仲好鲜香
不过原只半边鸡上菜好睇就唔方便食，虽然付有手套，但只鸡好热，要先放一边放凉先用手套做手撕鸡
味道系非常好食既，花胶只系点缀，反而个鸡汤底真系饮得出火侯十足，鲜甜味浓郁
鸡肉亦煮得刚刚好，唔会过老，肉嫩皮薄，手撕鸡肉沾粘辣椒豉油，味道一流

个人心水，花胶鲜鸡浓汤系非常出色既!

同朋友仔喺旺角Happy Hour完，本身想食饭间餐厅要等好耐，佢话行远少少有间龙虾泡饭好正好抵食，所以就入黎试试。

见到$88起嘅泡饭有半边龙虾已经觉得好抵，
我叫左个南乳鸡翼龙虾汤泡饭(加半边龙虾) $88

黎到之后喺内心拍烂手掌，个汤有龙虾味，里面仲有蚬同青口，我唔食青口所以俾左朋友仔食，蚬都几大只，好鲜，有一只有一两粒沙。
龙虾都几大只，够味又弹牙，重点系佢好多虾膏同有虾籽，平时食buffet同西餐都唔系只只有啦。真心俾无限个赞

我expect $88 又龙虾又鸡翼咁多野，顶尽咪俾两至三只。OH MY GOD 竟然有5只鸡翼，热辣辣炸得好脆，但南乳咪略嫌唔够出同偏咸。
尽晒力都食剩左两只鸡翼，但真心唔想嘥野，问吓佢地可唔可以打包两只鸡翼拎走，个staff犹豫左一下，因为有龙虾嘅泡饭只限堂食。最后我谂老板见都系两只鸡翼啫，就俾左个纸袋我拎走。Thanks for his kindness

充满良心嘅cp值爆灯小店，兼夹系同路人，要大大力推荐呀!!

味道不错 价钱适中 尤其下午茶时段更抵食 食物份量适中 种类都多选择 唯坐位较逼 但都是不错的选择 值得一试,泡饭汤底清甜，材料十足

之前见网上食评大赞
经过谂住试下，点知六点已经开始排队
所以冇食到，今次平日晚，人冇咁多
龙虾劲正，价钱合理，推