由长沙湾到铜锣湾 我简直系米走鸡既忠粉，今次又再黎帮衬啦！

又系黄金芝士鸡煲出场既时候～呢度啲芝士量可以自己拣，身为芝士控嘅我当然要拣佢哋嘅激量啦，佢哋呢度鸡煲所用嘅鸡件系用上啖啖嘅鸡髀肉，有丰富嘅肉汁，肉质都好嫩滑，配埋奶香味浓郁嘅芝士真系好夹！

除咗鸡煲，我地仲叫左特级雪花肥牛
蟹籽墨鱼滑同乌冬～

呢度嘅肥牛油脂分布平均，肥牛嘅新鲜度高，肉色呈鲜红，肉质软滑，肉味浓郁，而我哋呢次两个人所以叫左细份，但系份量都比预想嘅多。

蟹籽墨鱼滑：呢度嘅墨鱼滑入面仍然有墨鱼肉，令到原本都好弹牙爽口嘅墨鱼滑变得更爽口，而表面嘅蟹籽除左为雪白嘅墨鱼滑增添上一点嘅色彩外，将其混入墨鱼滑中，令到口感更丰富，鲜味更为突出。

稻庭乌冬：呢个乌冬爽口弹牙，加埋鸡煲中嘅浓郁嘅芝士，用嚟做芝士捞乌冬就最啱。

鸡煲食得多，今次食下芝士鸡煲够晒邪恶。米走鸡环境寛敞，入内唔会好大阵火锅味，整体干净。价钱经济，间中食下大煲芝士确系几过瘾的。

黄金芝士鸡煲(小) $178
鸡煲份量唔少，约三十件鸡够二至三人食，件件鸡上脾部位，肉质嫩兼啖啖肉。芝士落得劲多，芝味浓郁唔会好咸，煲内仲有好多洋葱滚耐左增加甜味。鸡件早已熟，慢火煮溶芝士就好快食得。鸡件夹上来有拉丝效果非常邪恶，绝对满足芝士瘾。

食完鸡件第二阶段加清汤，可以滚其他配料。

鲜炸响铃(半份) $28
响铃三大条，落汤灼几秒就食得，半软脆卜卜，索晒芝士汤食好正。

炸鱼皮 $48
脆卜卜大大条几好食，可惜无半份叫份量劲多，好惊好惊好似食极都仲有。

蟹子鲜虾滑 $88
虾滑竟然有粒粒虾肉，比出面食开的更爽口弹牙。

杂菇拼盘 $44
杂菇大兜样样有，冬菇、金菇、鸡脾菇、秀珍菇皆见。口感鲜嫩弹牙挂晒芝士汁，又系咁正。

蜂巢冰豆腐(半份) $24
厚切五件大大件，唔多索汁可能仲未完全解冻，食一件已好饱，此刻已无能力ＫＯ埋其余三件了。

酸梅汤 $68
一大壶好抵饮，酸酸甜甜饮落颇开胃，解渴解腻的最佳饮料。

芝士鸡煲
拣咗芝士要激量,超级邪恶
有三种唔同嘅芝士搞埋一齐
芝士味超级浓郁

至于鸡肉，比想像中滑,大大件
配合埋好多新鲜嘅洋葱，同埋芫荽，
成件事冇咁腻～

鸡煲份量十分之足够两个人食
细食d都未必食得晒
汤底拣咗芝士汤
如果想食清淡d, 就建议要清汤

今日约咗朋友去铜锣湾食饭，朋友提议去米走鸡，因为我哋两个都好耐冇去𠮶度食嘞，所以我哋就去𠮶度打边炉。
因为之前两次帮衬都系食佢哋最出名嘅芝士鸡煲，所以今次决定试其他汤底。以前我会钟意食鸳鸯锅，不过有得拣美人锅的话，我一定会拣，因为食咗哩个锅会变美人🤣🤣。
可能因为疫情，所以唔系咁多人。我哋叫咗：
手切新鲜牛颈脊 - 打边炉我真系好钟意食牛颈脊，因为佢真系好重牛味，又唔会好似肥牛咁肥🥰🥰
响铃 - 即叫即炸，好新鲜同埋好脆
竹笙墨鱼滑 - 见咁特别就叫嚟试吓，又真系几好食㖞，竹笙口感爽，墨鱼滑亦都有爽脆嘅口感，所以佢哋好夹!
白鳝片 - 白鳝新鲜，如果唔想食鲩鱼片，哩个都系一个好嘅选择
乌冬&生菜 - 用美人锅做汤底的话，呢两样咁普通嘅食物都可以食到舔舔脷😋😋
总结就系，米走鸡嘅打边炉真系冇得输！

最近秋意渐浓，围在一起打边炉最合时。友人推介铜锣湾一间食店，位置便利，还有寛大的梳化位，非常舒适。

感觉有点燥热，芫茜皮蛋汤底最下火。材料足够有份量。

牛颈脊必食，肉质软熟有牛香。一块接一块停不了口。

海鲜类点了蠔和虾。
虾只非常新鲜，爽口又弹牙。
蠔只虽然细小，但饱满有质感，甜美。

其他配料如贡丸，蜂巢冰豆腐，脆鲩，菜蔬⋯⋯质素不错。

服务水准高，经常换碟，加汤，注重食客需要，抵讃。