香港未开发前作为渔港，一向出名食海鲜，但咁大个人都未食过最驰名嘅避风塘海鲜，因为都同样出名贵今次半价之下终于食到喇！
/
。避风塘香辣蟹
好大只啊唔辣~炸蒜超级无敌多！蟹钳有成个碗咁大，啖啖肉，鲜味十足，连炸蒜一齐食都冇被遮盖，蟹身炸过之后d壳脆卜卜可以食埋，岩晒懒人
/
。桂花陈皮鳝
炸鳝片加桂花酱一齐炒，甜甜地，钟意食桂花嘅人一定要叫鳝片算大块，咬落弹牙又脆脆地
/
。蜜桃咕噜肉
用左半肥瘦猪肉炸，好邪恶但好香口，加上蜜桃酸酸甜甜一齐食少d负担
/
。避风塘海鲜炒饭 推介
上枱见到鲤鱼形状好惊喜，炒得好干身，粒粒分明，有唔少虾肉，食左 2大碗
/
小tips: 唔好收走炸蒜，留低捞饭

˚*•✰。翠林辣蟹舫．半价食蟹爽爽爽。✰•*˚

好久没有上街吃饭
难得星期六有时间
即时与好友往去食蟹
因为，真系忍左口好耐啦！

翠林辣蟹舫 在尖沙咀极出名
加上现在有半价优惠，
避风塘香辣蟹、蟹酱焗香辣蟹、黄金流沙蟹、黑白胡椒蟹、姜葱干蟹都半价
你唔系唔食呀??
抵食的蟹宴，令人食指大动

\\\避风塘香辣蟹///
炒蟹呈金黄色，份量大大，炸蒜香气扑鼻
蟹肉鲜香，炸蒜超级惹味
一个鲜，一个辣，配合一流
香口又引人
炸蒜令我好想留番来配白饭食

三葱排骨煲
3种葱葱，味道香到震
排骨索晒葱葱的香气
好食又有骨气
有饭就更好了

莲藕炒鸡柳
镬气之选，莲藕非常爽口
鸡柳入味带汁香与油香
食到唔停，整体5个字：超级有镬气

近排成日见人食蟹，搞到我日日都好想食蟹。多得朋友陪我一齐去食呢间餐厅，令到我可以好开心食蟹。

呢间餐厅个名都有得你叫，翠林辣蟹舫，招牌菜当然就系蟹啦。不过除咗蟹之外，我哋仲叫咗一个小食同埋两个小菜，仲有嘢饮添。

泡椒凤爪 $68
因为我好钟意食辣，呢个泡椒凤爪都好辣，辣得黎又唔会掩盖左啲香味，所以我觉得好好食。有六只凤爪，份量都OK。啲鸡皮好爽脆，好食。

避风塘香辣蟹 $588
个炒蟹一上枱嘅时候真系吓咗一跳，因为摆得好靓。味道唔系真系好辣，但啲炸蒜就好香好香，香到我哋都忍唔住就咁食咗几啖。
只蟹好大只，两个人分都好够食。蟹肉唔会煮得过老，食阵仲系好滑，同埋虽然系避风塘炒嘅，但都仲会食到蟹肉嘅鲜甜味，好正。
避风塘炒蟹当天要用手食先最有风味啦。虽然餐厅有洗手间可以洗手，但餐厅都好贴心咁提供左湿纸巾俾我哋，咁就方便好多啦。
而店员亦都好好态度，喺我哋食蟹阵会主动过黎帮我哋换碟，咁啲蟹壳就唔洗堆到周围都系啦。

3.6牛奶炒蛋白 $155
呢个清清地，炒蛋白上面有虾仁同蟹子，卖相好靓。旁边都有啲小棠菜同埋蕃茄，感觉就更加清新啦。
炒蛋白仔细咁品尝阵，会有淡淡的奶香，几好食。

香辣海参小棠菜 ($168)
呢个炒得好香，海参切成一条条，好方便食。而口感亦都爽脆弹牙，调味适中。海参份量好多，好似食极都仲有咁，好抵食。
另外仲有好多小棠菜，而我又好钟意小棠菜，所以好钟意呢个。
除咗有一嚿嚿小棠菜放喺旁边之外，仲有一啲切成细细片嘅小棠菜捞埋落啲海参同菇类一齐炒，好食。
菇类都系切成一条条，咬落去好弹牙。

马来西亚咸水梅桔仔冰 ($18)
见到桔仔冰呢个名觉得好得意，加上店员话冇呢个特饮好适合解辣，所以我地两个就叫咗黎试吓啦。
每当食到觉得有啲辣嘅时候，就饮一啖桔仔冰，真系瞬间解辣，好有效。味道其实都同咸柑桔差唔多，不过饮得出唔系用粉冲嘅，同埋唔会系单用甜味去盖过辣味，而系真系有柑桔味。

唔知系呢排特别做优惠定系点啦，但我哋今日叫嘅避风塘香辣蟹、小菜同埋小食都有半价优惠（ +1服务费按原价计算，我写嘅价钱系原价）。咁样价钱就变得相当抵食啦。

特别一提，门口等位度有两只好可爱嘅蟹仔cushion。因为我好钟意公仔，所以我见到阵觉得好开心。

翠林辣蟹舫 (尖沙咀)
尖沙咀亚士厘道24-38号天星大厦1楼A号舖

之前已经有朋友同我介绍过翠林辣蟹坊啲蟹好抵食 所以今日突灯呢一试 我哋叫咗黑白胡椒炒蟹 个酱汁似平时食开嘅椒蜜牛仔粒 辣辣地又甜甜地好开胃 蟹杆方面厨师亦已经帮手拍开咗 所以要食里面啲肉都好方便 而且够味入味 重点系只蟹好新鲜 大只得嚟更加系啖啖肉

除咗食蟹我见好多枱都叫咗呢个炒饭 所以都加咗单一试 食神炒饭 一上盘炒饭排列到好似一条鱼咁 炒饭里面有蟹子粒 虾粒 四季豆粒 仲沟咗啲糙米糯米 口感层次更加丰富

其实两个人食完只蟹加埋碟饭已经够晒饱 够晒满足 我见餐厅门口仲有个签满好多唔同人嘅签名既墙 亦有唔同明星喺店面影嘅相 同时餐厅里面亦挂满唔同地方拎嘅奖添 可见呢度有一定名气同人气

餐厅：翠林辣蟹舫 (尖沙咀)
地址：尖沙咀亚士厘道24-38号天星大厦1楼A号舖

网上见到尖沙咀天星大厦呢间翠林辣蟹舫做紧疫市半价优惠，有五款蟹同埋其他特色小菜都可享有5️⃣折，加返原价嘅加一，都依然咁抵食，仲有唔少二人套餐可供选择

蟹酱焗香辣蟹 $353
难得黎到紧系唔可以错过餐厅嘅镇店之宝啦，原价$588，依家唔洗$400就食到，因为朋友唔系咁食得辣，所以叫咗少辣，骤眼睇呢只蟹有接近两斤，够两三个人食；有青红辣椒同蟹膏酱去点缀，蟹肉丰富鲜嫩，仲有即弃手套比你用手拎住黎食，更加滋味，店员仲教我哋点样容易啲整开啲蟹壳好贴心

乳鸽 $44
最近新推出嘅优惠，半价就可以品尝到呢只乳鸽，一上枱阵我哋都哗咗一声，影相一流，唔单止摆碟精美，外皮仲烧得香脆可口又多汁，啖啖肉，仲有专人系我影完相之后即场将乳鸽一开四，服务周到‍

客家小炒皇 $83
小炒皇即系炒杂锦，有虾仁、腊肉、煎鲮鱼肉、莲藕、荷兰豆等，够哂镬气，炒得好惹味，望到都垂涎三尺，虽然睇落好似有啲油腻，但食落口又感觉恰到好处，系值得encore嘅菜式

不得不提佢哋嘅服务都几好❤️，会主动换碟同加水，仲会主动介绍吓餐厅嘅特色食物