于尖沙咀想食中菜 朋友带路嚟到翠林辣蟹舫
听讲尼度最出名就系避风塘菜式喇
黄金流沙龙虾🦞半价优惠 $294 (原价 $588)
新鲜游水澳洲龙虾
好厚肉地 弹牙又鲜味
外层的炸到好香脆 够哂咸香惹味
我第一次食咁做法嘅龙虾菜式 好特别
半价真心抵食！
食神炒饭 $188
哗~系鲤鱼造型！
令我有充满好运、吉利嘅感觉
以蟹子铺成鱼身纹理 别具创意 又能增添美味
采用意大利野米混合日本珍珠米 炒得粒粒分明
仲有虾仁同豆 啖啖惹味 口感十分过瘾
整个炒饭够镬气 有卖相 属高水准之作👍🏻
多款8折优惠菜品 今次点咗两款
话梅凉瓜 (原价 $68)
有惊喜！无苦味！
系非常酸甜爽脆 令人好开胃
我平时唔食凉瓜竟然食咗3 条！
药膳蒸鸡 半只 (原价 $168)
蒸到香喷喷 鸡肉软熟入哂味
原汁原味确系好好味
1 - 5 条点评，共 70 条
香港未开发前作为渔港，一向出名食海鲜，但咁大个人都未食过最驰名嘅避风塘海鲜，因为都同样出名贵😭今次半价之下终于食到喇！
/
。避风塘香辣蟹
好大只啊😳😳唔辣~炸蒜超级无敌多！蟹钳有成个碗咁大，啖啖肉，鲜味十足，连炸蒜一齐食都冇被遮盖，蟹身炸过之后d壳脆卜卜可以食埋，岩晒懒人😀
/
。桂花陈皮鳝
炸鳝片加桂花酱一齐炒，甜甜地，钟意食桂花嘅人一定要叫👌🏻鳝片算大块，咬落弹牙又脆脆地
/
。蜜桃咕噜肉
用左半肥瘦猪肉炸，好邪恶但好香口，加上蜜桃酸酸甜甜一齐食少d负担😂
/
。避风塘海鲜炒饭 推介👍🏻
上枱见到鲤鱼形状好惊喜，炒得好干身，粒粒分明，有唔少虾肉，食左 2大碗😂😂
/
小tips: 唔好收走炸蒜，留低捞饭💯
˚*•✰。翠林辣蟹舫．半价食蟹爽爽爽。✰•*˚
好久没有上街吃饭
难得星期六有时间
即时与好友往去食蟹
因为，真系忍左口好耐啦！
翠林辣蟹舫 在尖沙咀极出名
加上现在有半价优惠，
避风塘香辣蟹、蟹酱焗香辣蟹、黄金流沙蟹、黑白胡椒蟹、姜葱干蟹都半价
你唔系唔食呀??
抵食的蟹宴，令人食指大动
\\\避风塘香辣蟹///
炒蟹呈金黄色，份量大大，炸蒜香气扑鼻
蟹肉鲜香，炸蒜超级惹味
一个鲜，一个辣，配合一流
香口又引人
炸蒜令我好想留番来配白饭食
三葱排骨煲
3种葱葱，味道香到震
排骨索晒葱葱的香气
好食又有骨气
有饭就更好了
莲藕炒鸡柳
镬气之选，莲藕非常爽口
鸡柳入味带汁香与油香
食到唔停，整体5个字：超级有镬气
近排成日见人食蟹，搞到我日日都好想食蟹。多得朋友陪我一齐去食呢间餐厅，令到我可以好开心食蟹。
呢间餐厅个名都有得你叫，翠林辣蟹舫，招牌菜当然就系蟹啦。不过除咗蟹之外，我哋仲叫咗一个小食同埋两个小菜，仲有嘢饮添。
🐓泡椒凤爪 $68
因为我好钟意食辣，呢个泡椒凤爪都好辣，辣得黎又唔会掩盖左啲香味，所以我觉得好好食。有六只凤爪，份量都OK。啲鸡皮好爽脆，好食。
🦀避风塘香辣蟹 $588
个炒蟹一上枱嘅时候真系吓咗一跳，因为摆得好靓。味道唔系真系好辣，但啲炸蒜就好香好香，香到我哋都忍唔住就咁食咗几啖。
只蟹好大只，两个人分都好够食。蟹肉唔会煮得过老，食𠮶阵仲系好滑，同埋虽然系避风塘炒嘅，但都仲会食到蟹肉嘅鲜甜味，好正。
避风塘炒蟹当天要用手食先最有风味啦。虽然餐厅有洗手间可以洗手，但餐厅都好贴心咁提供左湿纸巾俾我哋，咁就方便好多啦。
而店员亦都好好态度，喺我哋食蟹𠮶阵会主动过黎帮我哋换碟，咁啲蟹壳就唔洗堆到周围都系啦。
🥚3.6牛奶炒蛋白 $155
呢个清清地，炒蛋白上面有虾仁同蟹子，卖相好靓。旁边都有啲小棠菜同埋蕃茄，感觉就更加清新啦。
炒蛋白仔细咁品尝𠮶阵，会有淡淡的奶香，几好食。
🐟香辣海参小棠菜 ($168)
呢个炒得好香，海参切成一条条，好方便食。而口感亦都爽脆弹牙，调味适中。海参份量好多，好似食极都仲有咁，好抵食。
另外仲有好多小棠菜，而我又好钟意小棠菜，所以好钟意呢个𩠌。
除咗有一嚿嚿小棠菜放喺旁边之外，仲有一啲切成细细片嘅小棠菜捞埋落啲海参同菇类一齐炒，好食。
菇类都系切成一条条，咬落去好弹牙。
🍹马来西亚咸水梅桔仔冰 ($18)
见到桔仔冰呢个名觉得好得意，加上店员话冇呢个特饮好适合解辣，所以我地两个就叫咗黎试吓啦。
每当食到觉得有啲辣嘅时候，就饮一啖桔仔冰，真系瞬间解辣，好有效。味道其实都同咸柑桔差唔多，不过饮得出唔系用粉冲嘅，同埋唔会系单用甜味去盖过辣味，而系真系有柑桔味。
唔知系呢排特别做优惠定系点啦，但我哋今日叫嘅避风塘香辣蟹、小菜同埋小食都有半价优惠（ +1服务费按原价计算，我写嘅价钱系原价）。咁样价钱就变得相当抵食啦。
特别一提，门口等位𠮶度有两只好可爱嘅蟹仔cushion。因为我好钟意公仔，所以我见到𠮶阵觉得好开心。
翠林辣蟹舫 (尖沙咀)
尖沙咀亚士厘道24-38号天星大厦1楼A号舖
之前已经有朋友同我介绍过翠林辣蟹坊啲蟹好抵食 所以今日突灯呢一试 我哋叫咗黑白胡椒炒蟹 个酱汁似平时食开嘅椒蜜牛仔粒 辣辣地又甜甜地好开胃 蟹杆方面厨师亦已经帮手拍开咗 所以要食里面啲肉都好方便 而且够味入味 重点系只蟹好新鲜 大只得嚟更加系啖啖肉
除咗食蟹我见好多枱都叫咗呢个炒饭 所以都加咗单一试 食神炒饭 一上盘炒饭排列到好似一条鱼咁 炒饭里面有蟹子粒 虾粒 四季豆粒 仲沟咗啲糙米糯米 口感层次更加丰富
其实两个人食完只蟹加埋碟饭已经够晒饱 够晒满足 我见餐厅门口仲有个签满好多唔同人嘅签名既墙 亦有唔同明星喺店面影嘅相 同时餐厅里面亦挂满唔同地方拎嘅奖添 可见呢度有一定名气同人气
