中环要食到平靓正嘅嘢梗系黎疯狂小面。一个餐就包左主食嘅面，小食，饮品，同甜品。都唔需要$100。中环除咗疯狂小面，边度可以食得到。

佢嘅辣系正宗四川嘅辣，仲可以因应唔同人接受辣嘅程度，可以拣多麻小麻多辣小辣。好浓郁嘅汤底，一啲偷工减料都冇。佢酸辣粉嘅红薯粉口感烟银，夹埋花生葱同芫荽，非常之好食。其他嘅面食，亦都可以俾你拣白汤，即系唔辣。

另外，我嘅100分推介系佢嘅成都冰粉。啫喱状嘅口感，唔会话太甜，反而一种清爽嘅感觉。

疯狂小面

咁啱去开中环见到呢间食川菜嘅铺头装修带点古香，觉得几有feel就入咗去试下啦

餐厅有唔同嘅套餐组合可以叫~ 我哋就四款种类都试晒……包括有面食、小食、饮品同埋甜品

疯狂大排面
本身想要烧白面(猪肉)试下， 但系呢款面系限量供应去到已经冇晒所以就叫咗大排面~
大排好厚但系估唔到肉质松软~ 而且食得出系用卤水醃制再加上四川嘅香料味道浓郁

疯狂肥肠面
好厚肉，而且将内壁嘅肥膏清得十分干净，所以入口完全唔觉得油腻

红油耳片
即系红油猪耳啊，除咗入味之外份量亦都好足够

棒棒鸡
棒棒鸡其实即系薄切既口水鸡，鸡肉嫩滑，醃得好入味，加上 口水汁令人食唔停口

红枣银耳汤

成都老冰粉
口感好似啫喱，上面配有山楂碎、芝麻、酒酿、提子乾，好道地既甜品啊

疯狂小面系楼上小店 要细心dd先揾到
正宗四川风味 甜酸苦辣咸 当然可以自己减麻减辣
点左套餐 凉拌云耳加左米醋 酸甜味道好开胃
小食凉菜 夫妻肺片 牛舌同牛肚没有异味 加入红油，花椒，辣椒 麻辣鲜香 越食越辣
牛肉醃得好入味
不过比较细块
曲面条口感弹牙 配红辣汤 好快就食完
红糖冰粉
晶莹剔透的冰粉配上麻辣食物 好清凉
红糖味好香好出✨

疯狂小面Crazy Noodles
中环士丹利街66-72号佳德商业大厦1楼

约咗朋友喺中环睇戏，唔系剩番好多时间我本来谂住食个快餐就入场，但朋友话要食担担面，二话不说就嗱嗱声带咗我嚟呢间餐厅食碗面

我要咗$88嘅「疯狂牛肉面套餐」，➕$13加牛肚，➕$6要杯升级饮品「金橘柠檬」，➕$32要升级小食「棒棒鸡」。朋友叫咗$98嘅「疯狂担担面套餐」，配「热罗汉果冬瓜茶」、「成都老冰粉」，➕$32要升级小食「上汤素菜」。

牛肉面汤底几浓郁几好牛味，牛肉系一粒粒几软熟，牛肚有啲咬头；担担面铺满香葱、花生、肉碎，几好味；两碗面嘅面条都几弹牙

「棒棒鸡」一上枱嘅时候全碗盖满辣椒油，睇落已经好惹味，原来鸡肉系一片片，食落更惹味。「上汤素菜」系菜心，几新鲜

「老冰粉」作为「面后甜品」相当refreshing, 朋友仲同我share咗嚟食

好快食完呢餐我哋就开开心心去咗睇电影

虽然呢间餐厅叫疯狂小面，但我今次嚟竟然唔系食面，而系食钵钵鸡。

钵钵鸡 2人餐 $238
其实我都系第一次食钵钵鸡。呢到有得拣辣或者唔辣、冻或者热嘅汤底。我地就拣左热嘅麻辣汤。

总共有60串，分别系30串荤同埋30串素，包括牛腩、鸡软骨、猪肚、鸡脚、鸡翼尖、土豆片、莲藕、瓜类同菇类等等。通常食川菜都好难食得出材料靓唔靓嘅，所以我就评论下个汤底啦。汤底冇得拣要几辣，辣度适中，表面有啲白芝麻，增添香味。调味调得好好，所以我觉得个汤底系正嘅，我仲忍唔住用咗一两羹汤捞白饭添。

香辣干碟 $6
因为汤底冇得加辣，店员就建议我哋加$6要个香辣干碟。佢话系啲辣粉，可以点嚟食。本身对呢个都冇乜期望，点知呢个到咗嘅时候竟然有惊喜。原来唔止系辣粉，仲有啲香味同埋其他嘅味，其实我都唔知点形容，但我真系未试过呢种味，而我系觉得好好味嘅，最后我哋疯狂咁食呢个辣粉，系唔够点嘅。

白饭 $16
因为个人喜好食川菜一定要配白饭，所以我地两个人加左三碗白饭。份量唔系好大碗，但如果唔系好似我地咁大食，应该都够食嘅，但因为辣野实在太开胃，所以我哋真系食多咗饭。白饭都煮得干身，几好食嘅。

餐厅装修充满中国风，坐得几舒服。