放假去咗大馆影下相
之后揾附近有咩好食的时候
见到依间嘢食都几多好评同几吸引
所以系6点前去试下佢
同朋友叫咗2个98蚊餐
主食+饮品+小食+甜品 = $98
以下重点推介好食的餐点

疯狂大排面(红汤)
红汤姐系辣，唔想要辣可以叫白汤
咁佢个汤底好浓都偏辣
大排姐系排骨面
肉卤得刚好，同亦唔会卤太耐变太烂
最钟意佢个软骨都系淋的
加埋酸菜个汤底更有层次
不过卤蛋就有少少重味咗偏咸
而佢个面质系似日本拉面

棒棒鸡 (跟餐小吃+$32)
份量唔算多都系味道唔错
佢都系辣但同面个个味又唔一样
就似系口水鸡味差唔多
佢啲鸡系一片片
食个时候会方便啲

成都老冰粉
虽然个日天气有啲冻
但系冰粉真系好好食
而佢个冰粉都有令人失望
少少甜但入口好顺滑
加埋啲配料食味道更升华咗

个日同行朋友本身叫咗小辣红汤
同个店员反应咗
佢比埋个白汤我地
咁白汤个汤底都好正
有淡淡牛味同有少少胶质
整体所有嘢食都系高质

有辣有唔辣

天气咁冻想食碗热嘅汤面暖下个身。经过头附近见到呢间四川风味面舖。

餐厅系大厦嘅一楼行楼梯一层好方便。

佢套餐价钱由$78到$98。有好多款嘅面啦小食嘢饮同甜品都有。最贴心嘅系大多数面都有红汤同白汤俾你拣，红汤嘅仲可以拣唔同程度嘅辣度。

疯狂牛肉面
呢个面我叫咗少少辣少少麻，本身唔系好太食得辣，呢个辣就啱啱好，唔会太呛，而佢嘅辣系有层次嘅有后劲。

酸菜猪肚面
呢个酸菜份量好多，个汤底都充满猪肚嘅味道，以面质方面煮得啱啱好，食落有口感。猪肚份量都几多。

泡椒凤爪 蒜泥青瓜
呢个泡椒凤爪够晒辣，好适合钟意食得辣嘅朋友。

红枣银耳汤 成都老冰粉
食完碗辣嘅面，饮呢碗冰甜既红枣银耳汤好舒服。而冰粉就好特别，佢有几好食，唔会太甜仲有上面嘅配料增加口感。个人推介冰粉。

热柠水 罗汉果冬瓜茶

值得一赞嘅系，餐厅防疫措施做足，食得安心。

一间好正宗的四川疯狂小面：
而家好难食到正宗味道既担担面，昵到就可以满足到我想食既担担面既味道
————————-
疯狂大排面…套餐：
主角排骨味道有点像镇江骨的滋味，炆得够焾入味、面线滑溜带口感
配饮品：罗汉果冬瓜茶：
浓郁甘甜又健康，消暑又清热
小食：泡椒凤爪：
「又爽又辣又够椒
食得招积我最椒」
♦️甜品：成都冰粉
滑溜溜又冰冰冻冻，又爽口又不会太甜的冰粉⋯⋯
—————————
疯狂担担面套餐：
➕卤蛋：
一个好出色的担担面，足料又够担，足料花生酱、肉酱、葱、青瓜丝、花生⋯⋯等等
味道仲调配得好出色。
「食得椒积，做人做事好出色」
配饮品：罗汉果冬瓜茶
小食：凉拌木耳：
够爽口，又健康
♦️甜品：红枣银耳汤：　
滋润养颜、甜品之选
—————————
小食
钟水饺：
皮薄馅靓，一口饺子的味道、像吃红油抄手的感觉⋯⋯就是好味道
————————
烧椒茄子：
好有麻油香气又调味得好想吃的味道
————————-
招招积积，食得出色
开心⋯⋯简单
———————

冬天就紧系要食啲暖胃嘅野啦！今日劲冻放工又黎到川菜馆食辣野暖胃。
套餐组合包哂主菜、饮品、小食，同埋甜品，我地两个人分别试咗佢个汤面同埋捞面：疯狂牛肉面同疯狂担担面，我地都有啲怕辣，所以叫咗两碗bb辣，对于我地呢啲唔太食得辣嘅人，我觉得可以接受。

两碗面都未埋到台就已经闻到好香嘅花生味，面质好有咬口，调味唔算太重，刚刚好！

甜品我地点咗红枣银耳汤，同埋成都老冰粉。我好钟意佢个冰粉，好似食紧啫喱咁好清新，仲可以解辣！

中环要食到平靓正嘅嘢梗系黎疯狂小面。一个餐就包左主食嘅面，小食，饮品，同甜品。都唔需要$100。中环除咗疯狂小面，边度可以食得到。

佢嘅辣系正宗四川嘅辣，仲可以因应唔同人接受辣嘅程度，可以拣多麻小麻多辣小辣。好浓郁嘅汤底，一啲偷工减料都冇。佢酸辣粉嘅红薯粉口感烟银，夹埋花生葱同芫荽，非常之好食。其他嘅面食，亦都可以俾你拣白汤，即系唔辣。

另外，我嘅100分推介系佢嘅成都冰粉。啫喱状嘅口感，唔会话太甜，反而一种清爽嘅感觉。