朋友话我知系海港城可以食到一个$98午餐（一位用），仲包哂前菜、汤、饭同甜品，咁吸引一定要黎试下。

我地加左$228 要左半份烤鸭，再额外叫多个肉末脆黄瓜。

羲和驰名烤鸭半套 我地只系叫左半份，但份量都好多， 鸭肉肉质嫩滑多汁，鸭皮烧得脆卜卜， 仲有提供各种唔同既沾酱比你夹埋鸭肉一齐食，推介。

捞汁秋葵 秋葵咬落爽口，唔会过淋。

白灼田园生菜 生菜好新鲜爽甜。

肉末脆黄瓜 小黄瓜好爽脆，加埋猪肉碎一齐炒好惹味，好想叫碗白饭捞埋一齐食。

松茸素羹 好香既松茸味，感觉养生有益。

牛油大虾伊面 虾肉爽口弹牙， 伊面够淋，捞埋汁一齐食好正。

姜汁小桃胶 姜汁味浓，桃胶烟烟韧韧，食完觉得成身暖哂。

片皮鸭好食，有特色，比一般食肆好；建议分开多上一D肉.....
红酒雪梨中间有酒香好食，糯米藕嘅糯米太少.....
笼仔蒸饭好口感，有荷叶香
叫买单要叫几次.....叫到就快嘅.....
位置好，风景好

。

2020年8月9日(星期日)
去完Ralph's Coffee 买完月饼券，之后行左过黎呢边，见到呢间《羲和雅苑》做紧外卖自取套餐优惠，有一人套餐丶二人套餐丶四人套餐，除左套餐都有散买的野食。呢间餐厅来头不少，在中国拥有八个品牌及于各大城市设立超过四十家分店的羲和国际餐饮机构。在香港暂时有两间分店，一间位于尖沙咀海港城海运大厦二楼，另一间位于东涌东荟城二期四楼-羲和小馆。
当晚买左四人套餐，餐厅好体贴，可以比我地入去坐低慢慢等，知道我地行街行到筋疲力尽。其中有个主菜，店员话唔够磨菇 ，所以比左莴笋我地。呢间餐厅服务一流，有礼貌又细心。餐厅坐拥维多利亚港，可以欣赏璀璨夜景。张枱旁边仲有插苏位，可以比人充电。呢份四人套餐足足要分三袋先装满，都算干净企理。呢个四人套餐有前菜丶主菜丶宫庭糕点，包括：芥末仙掌丶手拍黄瓜丶动感豆腐丶海皇黄扒汤丶张氏狮子头丶和牛粒干煸囗磨丶特色宫保鸡丁丶金银蛋浸莴笋丶上汤虾球焖伊面丶宫庭糕点。
芥末仙掌其实系无骨凤爪，手拍黄瓜好辣，碗汤几好味，和牛粒唔错，虾球伊面的虾球爽口弹牙，宫保鸡丁好入味。全部都好好味，又抵食。宫庭糕点系红豆蓉之类。

个景冇得输，望住维港！
叫左碗类似佛跳墙的汤，但味道同碗仔翅冇分别，钟意食碗仔翅可以试！
黎呢到梗系食最出名名菜-片皮鸭！卖相睇相就知道唔吸引，碗碟用类似快餐店的，失败！三款不同部位的鸭，配合不同酱料，包括爆炸糖，你冇听错，系爆炸糖，食完只鸭都俾佢激到爆炸！如果想食传统片皮鸭就唔好试，想试下另类都可以试！
最后仲叫左上海名菜狮子头，点知真系得一个狮子头配一口饭，真系唔知好嬲定好笑！

椒味肥牛 $88
超大碟，个份量基本上够四五个人食。本身以为佢会好辣，但又唔会好辣，比较似三哥嘅胡辣汤底，好重胡椒味；肥牛下面有金菇同芽菜，夹埋一齐食，口感无咁寡，送饭一流！
-

。羲和雅苑
。深圳万象天地二层SL257号