难得嚟长沙湾做嘢，办完正经事，当然要把握机会，在区内觅食。

沿着「汉花园」往元州商场方向走，途经顺宁道，见到有间招牌以鸟型图案作设计嘅咖啡店。从外往内望，装潢颇精致，好有文青 feel，反正还没想到吃甚么，一于入内试试。

翻查过网上资料，原来餐厅系由几位 90 后嘅年轻人共同开设，希望为香港人带嚟一个歇息嘅地方！细看四周，原来餐厅嘅布置真系好有特色，柔和暖色系嘅灯光，加上简约嘅小摆设，环境确系几 Chill！

我哋点咗一个午餐，两个下午茶餐，另外再加咗一客甜品。

先嚟嘅午餐：啤酒炸鱼配美国薯条 ($58) 卖相很不错，炸鱼柳的粉浆以啤酒和低根面粉制作，所以食落非常脆口，加上鱼肉够肥美，肉质结实不韧，咬下啖啖肉，甚滋味。薯条水准亦不俗，金黄香口，薯香重之余，甜味亦突出。

下午茶餐点咗：牛油果酱烟三文鱼法包 ($49) 同 杂果麻糬窝夫，法包外皮烘得很香脆，包心微微湿润，食落有弹性。面头的烟三文鱼口感很软滑，油润又不过咸。中间的牛油果酱，入口有牛油果的清香，淡淡的香味停留在口腔中，令人回味无穷。

至于件杂果麻糬窝夫 ($48) 口感亦超正，窝夫新鲜即制，送上来时仍热辣辣，面头铺满奇异果、提子和蓝莓粒。窝夫烤得颇香脆，中间夹了烟韧的麻糬，配埋顶层的杂果和忌廉一齐食，成个感觉好 fresh！

另外个甜品 Tiramisu 提拉米苏 ($45) 亦做得非常出色，入口绵密香滑，充满 Mascarpone Cheese 和咖啡酒的浓香，非常迷人，加上甜度调校得恰到好处，集幼滑香气于一身。

午餐及下午茶餐均送热茶一壶，我哋拣咗英式红茶 同 伯爵茶，两壶饮品虽然只系以茶包冲泡，不过饮落非常顺喉，饮完成个人都暖笠笠。

有次和朋友相约在长沙湾，路经这间疯鸟时就被其装潢所吸引，一直收藏已久，今晚终于有机会到访

食物: 4/5
炸物选择较多，适合三五知己来把酒谈天

▪️三重芝士炸虾Pizza
天妇罗虾炸得香脆pizza底厚薄适中，有拉芝效果味道不错！

▪️日式南蛮炸鸡翼
必点之选鸡翼外脆内嫩，中间还有肉汁配上沙律酱香口惹味！

▪️盐酥菇
第一次尝炸菇，有几件太硬咬不动。建议点其他小食

▪️特浓朱古力麻糬窝夫
窝夫较软身、完全不脆，口感烟韧，比较特别！ 朱古力雪糕值得一赞，朱古力味非常香浓！

▪️Gweilo Pale Ale
酒精浓度4.5%的手工啤酒口味比较清爽、重麦味

▪️Dragon King
酒精浓度3.6%的手工啤酒清淡带香味、易入口


长沙湾呢一带颇多名符其实嘅西餐小店, 通常都系靠睇下食评相片再加直觉去决定试下与否
今次拣左呢间, 食物唔错, 有心思, 价位平民

与朋友来到晚饭, 环境算是不错, 叫了大只炸虾的Pizza, 芝士香浓, 用料新鲜. 非常可口. 黑松露饭的黑松露很入味, 蟹肉白汁意粉很Creamy, 不过我还是喜爱蕃茄味道的意粉. 总体食物中上

同事即将调走，所以系调之前约佢食lunch同佢饯行。长沙湾多餐厅，而且唔少质素都唔差，所以lunch揾食唔会好难。今次特登拣café，因为可以坐得宽松d、环境亦都舒服d，倾计都开心d。

午餐最平$48，最贵都只不过$68，但咁抵既价钱都有六款选择，意粉、汉堡、沙律、饭、连炸鱼薯条都有添!! Café店lunch黎讲，呢个价钱已经超值。

菠菜杂菌烟肉意大利粉 $48
如果唔系唔舒服，一向中意食炸野既我一定会拣炸鱼薯条…不过好彩呢个意粉都唔差，上面既沙律菜新鲜、烟肉够咸香、调味适中、意粉亦煮得岩岩好，有咬口，但我个人唔太中意幼身既意粉，如果换番粗少少既意粉，令其Al dente更特出会更好。

香草炖鸡肉饭 $62
呢个系同事点既，我无试到，所以不作评价，但同事feedback味道一般。

荔枝玫瑰茶
跟餐每人一壸热茶，但如果要饮其他饮品，则要加$5-$35，我地无时间慢慢叹，所以无加钱转其他。
呢款茶荔枝味好香，反而玫瑰味被盖过左，饮落无乜存在感。

食物只试左一款，味道唔错，环境亦有用心布置，不过由于所有櫈都系木櫈，所以坐得唔系好舒服；另外，职员欠缺主动性，一直都未有问我地餐饮，而同事睇餐牌亦无留意原来有热茶，好彩我记得，问职员果阵佢仲呆下呆下咁….服务有待改善。