同钟意食肉嘅朋友出街，所以拣左呢间之前食过觉得ok嘅扒房用膳。估唔到到闲日晚上都咁满座！

香煎北海道带子龙虾汁扁意粉（$198）
扁意粉挂表面面积大，所以挂汁能力强，同海鲜一向系绝配！味道浓郁嘅龙虾汁份量刚好，有咸香嘅三文鱼籽做点缀都唔会过咸。大大粒嘅带子煎成金黄色，啱啱熟，所以咬落去保持软熟。

烧安格斯肉眼扒配黑松露薯蓉（$338）
嚟得扒房梗系要叫返块牛扒啦！唔知点解有网纹嘅扒总系特别吸引，好香炭烧味～肉味香浓，就算唔点酱都已经好够味。始终肉眼比较多油脂，觉得腻可以点下香草酱。美中不足嘅系叫左四成熟有啲太生难咀嚼。伴碟嘅薯蓉份量虽然小但系味道真系唔错，松露香味突出，口感顺滑。

朱古力布朗尼配马卡龙
Brownie同macaroon两样都系我嘅至爱，一见到呢个配搭忍唔住点左！ 布朗尼识落似朱古力蛋糕，加埋上面嘅棉花糖粒粒口感几丰富。马卡龙系焦糖味，唔会过甜。

朋友想锯扒今晚带我来依间楼上西餐厅。是日去到无咩位安排了坐BAR枱，对住个厨房看住几位厨师忙过不停，我地就锯住扒慢慢叹又几过瘾的。这里的牛扒唔平但就物有所值，大大块牛扒微微的焦香，合上眼又想回味一番～

巴马火腿配温泉蛋黑松露露笋沙律 $78
冷盘小食，露笋幼身口感软嫩清甜，60度处理的温泉蛋蛋黄晶莹有着蜜糖质感，被咸香味美的巴马火腿卷住，加上少许芳香的黑松露，吊出味来口感配搭完美，值得一食。

烧美国安格斯肉眼扒配黑松露薯蓉 $338
16安士肉眼扒份量十足，烧至七成熟肉质粉嫩，网烧坑纹卖相靓仔，厚切口感啖啖肉，牛味浓郁，食肉兽一定钟意。配埋烧汁和香草汁两款酱汁可蘸，原味食都已经好好食。仲有黑松露薯蓉，口感细滑，非常美味。

慢煮三文鱼配香草乳酪汁伴小麦米 $$198
慢煮关系三文鱼肉质嫩滑唔干身，带点鱼油香亦唔腥，与杂菜沙律一起食减却油腻感不少，仲有两片甘桔清香可口味觉有惊喜。碟底好多细粒粒的小麦米口感烟韧，沙拉酱汁底酸甜开胃，唔错。

又做一个廿四孝男朋友，订了在尖沙咀的一间西餐厅接女朋友放工晚膳。

这间餐厅在铜锣湾店很久以前有去过，过往经验餐厅相对挤迫餐桌与餐桌之间十分亲密！但在这里尖沙咀的分店居然没有这种感觉，而且环境更加好，食物更有特色！

晚餐食物选择相对多，当然价格相对premium！但premium 亦有premium的质素，一定不会令你失望！

喜欢吃青口的我们没有错过 “香草白酒煮青口配黑松露薯条”, 两人叫半kilo 的 as starter 便已经足够！青口十分新鲜，而且十分肯定厨师没有煮过头，肉汁鲜嫩鲜甜！薯条亦十分香口香脆，黑松露并没有太多所以没有盖过薯条的薯味！

而 Side dish 我们点了忌廉牛油蒜香杂菌，杂菌十分creamy，配上香脆可口的面包简直一流！特别一提面包十分香脆，不配上杂菌也十分好吃！

主菜我们点了一份嚟share便已足够，由于女友不喜爱肉类扒类，所以在主菜方面我们选择了 “香煎北海道带子龙虾汁扁意粉配三文鱼子”！ 龙虾汁味道十分浓烈，捞上意粉后Juicy 及 creamy，三文鱼子令到衣粉衬托出少许爆脆的感觉！带子在龙虾汁衬托上鲜味提升！

甜品方面，女友永远喜爱的是点“心太软”，这家餐厅的心太软朱古力味十分浓郁，配上cream cookie的雪糕，心太软一冷一热，这便是这个甜品的精华及义所在！

而我本来很想吃朱古力布朗尼，可惜当天没有已换上另一份朱古力蛋糕，但同样他们家的甜品十分值得点上！而且个朱古力蛋糕感觉很像金莎的味道，口感亦不错！

餐厅无论前菜，配菜，主菜，甜品都很出色，overall 都很满意！

今日同朋友去了TST一间西餐厅叫THE GRILL ROOM ,尖沙咀近住K11后一条街,地点几便利就脚,
环境算不错,既有气氛且光线温和💫,4个朋友时又可热闹CHILL一CHILL✨,2个一齐食都得,
总体环境不错,地方坐落舒服,聊天谈心GATHERING是不错的地方~
.
*烧美国安格斯肉眼扒配黑松露薯蓉 338蚊👌🌟
肉眼扒由内而外呈诱人粉嫩感,入面肉质够juicy唔韧,美国安格斯牛肉味道浓郁
配汁黑松露薯蓉，同肉眼扒一起放入口中,格外滋味😍
.
*香煎北海道带子龙虾汁扁意粉配三文鱼子 198蚊
带子烤焗得外脆内嫩而柔软,味道香甜滋味,口感鲜美细致 , 每粒都充满浓郁的带子味~
每条扁意粉都吸满浓郁的龙虾汁味，口感味道具层次
三文鱼子色泽明亮饱满，味道鲜美营养丰富~!
.
*78%朱古力心太软 98蚊
香浓的朱古力味道78%!!!高浓度~正~!果然系人见人爱的甜品

整体食物质素几有惊喜~🙊

今晚去尖沙咀一间楼上西餐厅 The Grill Room 食晚餐。去餐厅之前做一做功课，好多人赞烟三文鱼他他好好食，所以叫咗佢哋嘅三文鱼他他配香草乳酪汁，入面会有一只半熟蛋，搽上多士食，果然真系一试难忘。而主菜就嗌咗香草烧羊架配烤蔬菜，羊架八成熟，羊味肉汁丰富突出，就连烤garlic 同薯仔都做到恰到好处，充满田园风味。我哋再叫咗份香煎北海道带子龙虾汁扁意粉配三文鱼子，看似普通嘅一碟意粉，龙虾汁味香浓，带子爽口。饮品就嗌左一个Rainbow Smoothie，有杂果、奶，同埋plain yoghurt。究竟我应该赞我自己拣嘅配搭出色，定系餐厅每一道菜都出色得令味蕾兴奋呢？