之前朋友请食饭，我拣咗呢间不论餐厅名称、环境及菜式都好有特色嘅餐厅，餐厅主打手工啤酒及fusion菜：

沙姜风味炸鸡翼（$88）
鸡翼系单骨，炸得好香脆，沙姜味都几出，食落都ok，但可能多数食开沙姜蒸鸡翼，相比下我都系钟意蒸多过炸

潮州酸菜莳萝双籽三文鱼他他（三文鱼籽、飞鱼籽）配香脆云吞皮（$128）
第一次食混合咗酸菜及三文鱼籽嘅三文鱼他他，食落酸酸地几有口感，估唔到味道出奇地夹之余又几好食，净食会觉得咸咗啲，但如果配同炸云吞皮一齐食，味道就啱啱好，有惊喜推荐

24小时慢煮伊比利亚叉烧配九州温泉蛋、韩国紫菜、香喷喷香葱猪油捞饭（$178）
毋庸置疑半肥瘦嘅蜜味叉烧一定好食，再经过慢煮后叉烧又腍又入味，边位仲有啲微焦，真系好perfect另配流心温泉蛋及香脆紫菜，确系无得输嘅饭底用上珍珠米，但唔系好食到猪油味，反而食到甜豉油及蜜汁叉烧嘅味道，不过同样好好食推荐

成人红荳冰（无酒精版 $59）
呢杯红豆冰本身系有酒精成份，但可要求转返做老少咸宜嘅纯红荳冰，价钱亦会相对减半！红荳冰劲多cream，啱晒我呢个cream怪红荳煮至起沙，味道又唔太甜，都唔错嘅

餐厅气氛好好，食物又的确有特色，本身仲想试埋西班牙油炸鬼，无奈个肚唔争气咁鬼快饱

⚠️餐厅不久后将会光荣结业，要试就快啦期待餐厅再开业时可以食到更多高质嘅菜式

阿妹做完intern出咗粮, 请我哋食嘢,好开心! 佢拣咗位于中环Soho区出名手工啤和fusion菜嘅餐厅请我哋食。出咗地铁站要上到好高好高先去到间餐厅，未食嘢已经冇气。路经附近酒吧见到啲外国人聚埋一齐又唔戴口罩吹水，真系要行快两步！

唔系几明餐厅点解要用呢个名，虽然怪怪地，但又几得意。餐厅没有豪华嘅装修，但感觉轻松休闲，虽然位处高地，但不乏客人光顾。

beer flight $150, 4 glasses, each 200ml

嚟到呢度当然试吓手工啤酒，经店住推介，就order 了四种不同的啤酒试吓。选择了南丫岛/云飞/是L但/冻柠啤。酒精成份4%至6.7%不等，味道口感各有特色，有啲气泡感强啲,有啲甜甜地易入口。个人比较喜欢cider(即冻柠啤），就系喜欢甜甜地易入口。

廿四小时慢煮伊比利亚叉烧玫瑰露九龙酱园豉油皇卤狮头鹅肝配温泉蛋，香喷喷猪油捞饭（$188）菜名水蛇春咁长，已经写齐所有食材，但依家睇返张相点解唔见有温泉蛋咁奇经慢煮嘅叉烧果然够淋，都几好味，因四人分享，所以没有试到鹅肝，饭都几香口，可能用猪油捞过嘅原因，但价钱就觉得贵。

香辣八胡椒，百味噌煮纽西兰钻石蚬和粉丝（$168）
果然系钻石蚬，大大只，份量也算多，肉质唔似得平时食大蚬那种胀卜卜嘅感觉，咬落实实地、靱靭哋，但又唔似系过熟，但都好味，胡椒味劲重，偏辣， 粉丝吸晒啲汁非常惹味， 但略嫌这道菜偏咸。

当日推介意粉（$192）
忘记名堂系乜，好似话当天只提供两碟，即管试吓。只知手工意粉配大墨鱼，墨鱼都几爽口，意粉颇有口感， 是味道颇浓的一碟意粉。

Signature cocktail sesame mochi 芝麻花生汤圆($118)

除了啤酒，阿妹也order了一杯signature cocktail ，酒面充满泡泡和有粒芝麻花生汤圆，更用上中式碗盛戴，的一杯鸡尾酒，果然是一杯fusion鸡尾酒， 细细碗都唔平，饮落感觉复杂

整体餐厅环境令人松弛，食物味道偏浓，三五知已吹吓水也是一个选择。

寻晚和朋友去左依间酒吧餐厅食，相当有惊喜。环境以怀旧香港风格，美食中西日交杂，场内气氛高涨，负能量瞬间消失。菜名好很长玩味十足，味道比期望中更好，此乃好友饭聚开心尽兴的好地方。

脆炸蟹肉饭波配浙醋泡沫 $88
饭波脆卜卜外脆内软，内馅充满丝丝蟹肉鲜味，醮下浙江醋汁中和下油腻。

葱油凉拌泰国王鳝，配酱油渍牛油果，莴荀沙律 $128
味道清新，鳝肉爽口窝荀鲜嫩爽脆，夏天作为凉伴小食唔错。

24小时慢煮伊比利亚叉烧，玫瑰露九龙园豉油皇卤狮头鹅肝配温泉蛋，香喷喷猪油捞饭 $188
想信系黯然销魂饭升级版，半肥瘦叉烧厚切肉质软腍，边位有似食烧鹅皮般的焦油香。鹅肝入口即溶，饭粒粒分明，捞猪油的确几香，而且比想像中无咁油腻，ＫＯ成碗饭无难度。捞埋温泉蛋食更是完美配搭，蛋香四溢每啖饭都好滑好多汁，闭上眼感觉幸福来了！

香辣白胡椒，白味噌煮纽西兰钻石蚬及粉丝 $168
大蚬十只鲜甜多肉，胡椒味噌汤味浓，非常醒胃好饮，粉丝索晒埋汤汁食，正呀！

奶酱西式油炸鬼，花生朱古力酱，焦糖炼奶 $98
油条酥脆，味道来自云呢拿雪糕、花生朱古力酱和炼奶，甜美好味慢慢叹！

总结：环境食物一样咁正！

何兰正

➖➖
主打中西日fushion菜既何兰正一直都好想食，今日终于等到C先生冇咁忙，肯同我一齐去食晚饭。
➖➖
餐厅d 灯光好吸引，有大大只鬼佬凉茶既霓虹灯牌，系专卖手工啤既酒吧黎，佢地既野食都好有水准! 一边饮住鬼佬凉茶，一边食饭都几开心。
➖➖
24小时慢煮伊比利亚叉烧．豉油皇卤狮头鹅肝配温泉蛋．香喷喷猪油捞饭 $188
叉烧真系好好味，够晒厚肉，带点蜜香、肉质又嫩滑，比一般烧味店更有口感。香喷喷猪油捞饭真系好好食，捞埋温泉蛋好香，每粒米都沾上汁同猪油，十级邪恶。
➖➖
香煎海虎虾球· 炒羽衣甘蓝拼担担风味煎肠粉$182
虎虾肥美大只，份量都ok多，有5只；肉质鲜甜嫩滑，mid埋壳，好贴心，面头仲有好多虾干，脆脆地，有口感，配上的煎肠粉非常入味，担担风味浓，带啲辣辣地，好惹味！
➖➖
大澳风情虾酱脆香鸡翼 $88
鸡翼炸得好香脆，切成单骨食起黎好方便，炸粉唔会裹得好厚，虾酱有咸香不会过浓，味唔算好重，虾酱同鸡翼又几夹，份量都多，配埋local tap一齐食真系一绝。
➖➖
狮子山下 $80
偏苦涩少少，唔系好浓味，好啱女仔饮
香港地痞 $80
偏fruity，带啲果香，唔重啤酒既苦涩，好饮
➖➖
地址： 中环苏豪卑利街65-65A号地舖
-
推介指数
抵食指数
(5个为满分)

从店名已看得岀是一间玩味十足的餐厅菜式亦十分有创意，混合了中西日菜式及煮法！还有各式各样的手工啤酒、cocktail，适合和朋友来把酒聊天

食物：4/5

▪️喵
口味比较清新、淡、麦味不太浓的手工啤酒，入口相对滑及带少许果香适合女生饮

▪️慢煮叉烧鹅肝温泉蛋猪油捞饭
叉烧半肥瘦、肉质厚而软嫩、带微微焦香鹅肝经卤水烹调十分入味。第一次吃猪油捞饭，原先担心会很油腻，但入口完全不觉腻，再配上温泉蛋非常滋味

▪️葱油凉拌王鳝牛油果窝荀沙律
其貌不扬但是今晚最满意、最美味、最开胃的一道菜整体味道清新、非常适合夏天吃！王鳝爽口，加上芝麻十分香。酱油渍牛油果十分软滑，窝荀切成薄片配上酱汁十分清新。

▪️脆炸蟹肉饭波配浙醋泡沫
有一丝丝蟹肉及少量饭粒，是颇有趣的配搭。浙醋打成泡沫，这是一道适合下酒的菜式。

▪️腐乳西京式烧杏鲍菇配海苔烤玉子豆腐及香醋茄子
杏鲍菇非常厚及大件，能吃到少许西京烧的甜味。玉子豆腐与海苔有种意想不到的配合。