我系一个好钟意食沙嗲牛肉面嘅人，这是其中一间我最钟意食嘅一间，呢间沙嗲牛肉面早餐永远没有令人失望，虽然做到连锁式嘅数量，但系佢嘅沙嗲牛肉面仍然保持水准，因为我除咗早餐时间之外，没有在其他时间光临，所以唔知道午餐和晚餐的水准如何。 今日嘅沙嗲牛肉面仍然和平常一样，充满花生的香味，仲有少少花生碎，唔会只有死咸味，亦带有少少沙嗲的独有香味和五香粉的味道。 呢度嘅公仔面我唔知佢点样处理，但我相信佢同其他茶餐厅一样，都系一早准备好，但系佢比我嘅感觉，很像刚刚煮出来的一样，可能系因为个汤够热，使到牛肉面放在枱上，可以很容易整散个面底。 其实个汤够热，呢个系基本要求，我试过食过好多茶餐厅嘅汤，只系微温，完全没有热力，就算你个牛肉同埋公仔面做得几好都系冇用。 上网见到有个沙嗲牛肉面关注组，佢哋话荔枝角有一间茶餐厅系香港数一数二，𠮶间我都有食过，但系𠮶间嘅水准唔系咁稳定，有时真系好好味，但有时真系可以平平无奇。 呢度嘅炒蛋我自己觉得份量偏细，我只系可以话系中等水平，但系个面包就好好食，将啲炒蛋放喺面包上一齐食简直一绝。 呢一间算系有心做嘅茶餐厅，见到佢哋啲同事都好落力做嘢，食物同埋服务水准绝对称得上达标，希望香港人唔系只得太X同埋翠X两间选择，竞争多啲，客人永远在幸福！

每到午餐时间这间餐厅一定排长龙，不过餐厅地方大所以很快可以入座，不过这次不是分享堂食，而是食他们店的包包，他店的包包有很多选择，我终于选定了就食红豆菠萝包😉买的时候个包热辣辣，而且菠萝包个皮好酥脆，一啖咬落去啲红豆馅好多呀！我觉得红豆菠萝包做得好出色，食得好满足三个字～好好味👍🏻

最好嘅地方系楼底好高，好开扬 入到去个感觉几舒服

猪扒通粉唔错 系冇坑纹嘅肥嘟嘟通粉～ 块猪扒唔会太厚又唔会太薄， 就咁叉住嚟咬都得😛 至于个炒蛋同埋个丹麦多士... 系啖啖油... 超级油腻... 个炒蛋好似蛋黄多过蛋白好多咁🤷🏻‍♀️ 多士虽然系好香牛油味, 因为佢每一折，都搽满牛油 太肥喇

奶茶都几好饮， 茶味重过奶味 咁就$48 🤔都可以接受既

今日公司清假，好开心可以训到自然醒，同妈妈二点半去左食Ｔ，我地已经平日去估唔到餐厅都咁多人，好似个个人唔驶返工咁嘅。餐厅非常大十分阔落，一坐低望望餐牌，在明亮的灯光照射下过左胶的餐牌反晒光非常难望，桌枱玻璃也是反晒光看到有点眼花花。餐牌选择甚多，二点半食下午茶系最好不过。点左两个餐食，妈妈揸唔定主意究竟鱼柳包定猪扒包好，结果就下佢两款都点晒，她可以停下来唔驶再运算边样好。

芝士炒蛋鱼柳包伴沙律 $38
薯仔沙律味道一般料唔多，炒蛋好滑但欠了蛋香没有调味蛋味唔出，一大片芝士但唔溶，夹住鱼柳食芝士味唔突出，鱼柳炸粉薄身，滑蛋和鱼肉味道接近，软包夹住一大啖咬落去只feel到软淋淋，味道唔太丰富，普普通通而已。

猪扒包伴薯菜 $37
食埋猪扒包比较下，猪扒包好味好多，味道和口感较全面，软包中间夹住猪扒咬落有层次有口感，猪扒软淋淋咬落有肉汁，猪扒面落了大量沙拉酱令成个包食落好juicy惹味，美味分加了不少。而薯皇炸得唔透食落唔脆有点失望，相信系缺憾美~

红茶的菜式真系好出色！
次次谂唔到食咩做晚餐都会去红茶解决。
好多间分店都去过～
今晚9点先食到晚餐，就去左近近地观塘个间。

但今日先发现原来唔系间间分店都有小菜食。
平时旺角个间食开就有。
咁所以今晚就叫左一咖哩饭，一焗猪扒饭食

我点既系焗猪饭！真系要大大大赞！
饭底系炒饭，面头芝士够足，有拉丝
猪扒已切件上！好好味，好大碟。
以$55蚊呢个价钱，我用出色黎形容。

以男朋友既咖哩都系一样好食。
但相比焗猪，今晚焗猪胜😂😂😂