印度菜食吾少，不过今日喺JoJo India Cuisine 食午餐自助餐有惊喜印度菜好地道唔系普通餐厅可以叫嘅嘢
一坐低店员用英文介绍午餐有咩食，又攞左几碟印度街头小食比我试（虽然听吾晒佢讲咩😅）分别有开胃嘅有香口嘅！其中一款叫Masala Dosa 配masala 酱同椰丝酱，一边煎到金黄脆口令一面仲软棉棉再点埋酱料食有甜有咸好好味😋
配合唔同嘅肉（除咗冇牛肉）啲咖喱都唔同辣度尤其系羊咖喱一啲都唔（苏）烤鸡够㶶边肉嫩又惹味，一定要食啲印度饭粒粒有赵口用黎送咖喱一流😋
午餐包一杯特饮，我听店员介绍叫咗Mango Nassi 食咖哩饮好夹够晒多芒果又冰凉又解辣

黎到湾仔的 Jo Jo Indian Cuisine ，你会一改对印度餐厅的印象
电梯门一开，已经别有洞天
墨绿色墙配上幽雅水晶灯，完全就系西式FINE DINING的场地
一入内就见到好有气势的一排酒吧枱
靠窗的一整排落地玻璃，开扬光猛。同平时的印度餐厅黑黑暗暗的感觉不同
最浓厚印度色彩的，就只系墙上的印度挂画同印度电视，成个感觉系好高级~

呢度既星期日中午会有印度式BUFFET, 由12点可以坐到3点~
印度人食最多就系CURRY, 而BUFFET 上就有不同颜色不同口味的CURRY
作为门外汉，实在搞不清边款打边款呢~ 不过每一款颜色都好靓，阵阵香味扑鼻而来~

Curry 当然要配饭，呢度既饭系大大的一煲，系幼幼长长的正宗印度米

另外，还有一个厨司主理的位置，同样放了唔少咖啡同配菜，由厨司即制
印度食物其实都好健康，好多蔬菜配料~
除左Curry, Buffet 吧仲有印式沙律添~ 红红绿绿的，非常吸晴~
MANGO LASSI, 芒果味非常浓郁，仲有粒粒芒果系入面添~
Butter Chicken 系印度咖喱入面最少辣的一款，唔好睇佢咁浓色，其实以香味为主。
初初入口真系唔觉好辣，不过食得多先会发现有好轻微的辣味
佢既咖喱汁浓稠度适中，唔系一PAT PAT 好杰个只，用黎混饭食或沾NAAN 都好适合
(我个人就比较钟意呢款汁) 鸡肉都几多旧，而且肉好嫩滑

NAAN 系食咖喱一定要有的, 刚烤起的NAAN 边脆内软，伴咖喱食简直系最佳伴侣
呢度既餐单点都几十蚊至百几蚊不等
所以Brunch Buffet HKD 168 真系超级抵呀~

文章只属个人意见，效果因人而异，只供参考
如要联络本人，请电邮至： smonkichi@hotmail.com

呢间《Jo Jo Indian Cuisine 》 有别于重庆嘅印度餐厅

装修modern 而且光猛

个人好钟意食印度餐 除咗系因为钟意食辣之外

仲好钟意印度菜用上多款香料

《Chicken Tikka》 印度铁板烤鸡

几乎系每次食印度菜必点嘅菜式

铁板上嘅烤鸡够晒热辣辣

送上枱嘅时候仲系吱吱声响

Tikka烤鸡选用咗无骨鸡块 食起来啖啖肉 

系醃制嘅时候加入咗印度乳酪 

乳酪令到鸡块更加juicy同嫩滑

同时亦加入咗孜然粉 小茴香 等等等等的香料

食起来非常滋味

顺带一提 记得要加入柠檬汁 连埋洋葱一齐食

咁先至最原汁原味呀

《Vindaloo Chicken》

系印度餐厅餐牌中一定见到

系印度咖哩中比较辛辣嘅一款

红红的咖哩一望就知火辣

皆因加入咗辣椒慢煮

鸡块够嫩滑 配埋薯仔粒

食起嚟除咗够惹味之外 仲辣得相当过瘾

真系食唔停口

食印度咖哩又点少得 《Garlic Naan》

印度嘅薄饼Naan 香气扑鼻

而且超级松软

既有脆卜卜嘅外层 同时亦有软绵绵的内心

用来点咖哩汁 一滴都会浪费

真系好味到要舐埋手指

下次食印度餐 大家都可以试下呢一间坐得咁舒适嘅餐厅呀

犹记得呢幢大厦嘅一楼系一间24小时嘅 all-day breakfast 餐厅，喺十几廿年前当麦记都好似仲未有通宵嘅环境底下，零晨三两点都仲可以食到呢啲 Junk food 对于我呢啲当年嘅夜鬼嚟讲印象相当深刻，虽然，次次饮完酒都系食翠华个沙爹牛河多..
不过宜家年纪大咗食唔到咁多 Junk food，就上去楼上朋友介绍嘅呢一间印度菜试吓。

餐厅格调走高档嘅印度菜位置，但系价钱一啲都唔离地，餐厅装潢虽然有好多金色嘅元素，但系衬落呢只蓝绿色度显得相当有型格，首次觉得原来金色放喺 interior 都可以咁靓。

点完菜侍应就放低咗呢碟酱汁，最近嘅一款有浓烈嘅咸酸味，用嚟𩠌一啲较淡口嘅馅饼应该会几衬；中间𠮶个系薄荷酱，钟意薄荷味嘅伴侣大赞；最右手边𠮶个系甜酸汁，有啲以锦卤云吞𠮶汁嘅味道，最切合香港人嘅口味。

Garlic Naan，食印度嘢嘅指定动作，呢度嘅饼皮烘得香脆而唔会㶶，蒜蓉部份仲未烘乾，依然相当 juicy。

Chicken Tikka，食印度嘢嘅半指定动作，几乎每次都唔能够抗拒隔离枱嘅铁镬诱惑，今次我醒啊，自投罗网自然不怕受引诱，由我去诱惑番人，由厨房开始一直跟住侍应生嘅香气同声效永远都系呢个菜嘅亮点，𠮶只焦香通常都无人能及，味道系正宗嘅印度风味，加几滴柠檬汁，份外开胃。

Afghani Baigan，除咗指定动作之外，今日就试试呢个新嘢，Afghani Baigan 系阿富汗人喜爱嘅一种茄子菜式，配有乳酪、蒜同薄荷，茄子被轻轻炸过，里面保留住应有嘅水份，虽然捞咗乳酪同一众干湿香料，但系都依然保持到个脆度，系好食嘅。

近排嘅口味都比较钟意食咖哩
上次食咗间尼泊尔印度菜
今次就揾咗间印度菜试下

呢间印度菜都几近我公司
不过而家先知有呢间楼上印度菜存在😂
虽然呢度都有酒供应
但就宁静好多
同楼下酒吧街形成强烈对比

同食开嘅餐厅一样
先嚟送咗几块薄饼畀我哋开开胃
又脆又香口

Lamb Shank Stew - $178
羊肉整到好腍，一啲都唔韧唔骚，香料味唔算好重，无盖过羊肉味。另奉上乳酪，觉得羊肉辣就可以中和下。

Vegetable Biryani - $98
我好钟意食Biryani呢种米，因为佢唔黏口。作为箍牙妹嘅我曾经食唔到野，但呢只米配汤，我就可以直接吞落喉咙😂。呢个饭香料配蔬菜，好健康。

Butter Naan - $28
食得印度菜，当然要叫一份点下咖哩汁。😉

Plain Lassi - $58
传统Lassi，但呢个就较稀身。

Ambi Panna - $58
好清新嘅感觉，有少少类似梅嘅味道，消暑的话一流。

Paan Kulfi - $68
呢个系雪糕甜品，menu写系用槟榔叶制造，味道呢？好印度嘅感觉😌，想知系点就要感受下喇！

食物整体都唔错，但可能因为呢度系湾仔区，价格就比食开嘅九龙区贵少少。

📍Jo Jo Indian Cuisine
湾仔骆克道37-39号得利楼2楼