食辣如BB班程度嘅我，食印度菜次数应该得1,2次，朋友叫咗我好多次陪佢食，今日终于鼓起勇气嚟到湾仔呢间好隐蔽嘅餐厅食印度菜！入到去装修好靓好有情调，完全同我想像中嘅印度餐厅好大出入！原来亦都好多香港人嚟㗎！

🧅Bombay Onion Bhaji 香炸洋葱秋葵丝 $58
侍应拎上枱嘅时候仲以为佢上错菜添，卖相劲似炸软壳蟹！炸得好香口，好脆，入面有好多洋葱，反而秋葵我个人就觉得唔够，如果多啲秋葵就好啦！都有成6,7件，每件都好大！可能因为好多洋葱嘅关系，我呢个BB班程度就觉得都几辣，朋友食得辣就觉得唔辣😂

🫓Stuffed Kulcha 牛油鲜奶松饼 (Paneer 印度芝士) $35
提起食印度野，点会唔食佢哋嘅主菜松饼呢？有3款口味分别系薯仔，印度芝士及洋葱。我哋就拣咗印度芝士，好香好大件呀！松饼入面好多葱，仲有d印度芝士。用嚟点咖喱汁食真系一流😋

🍆Afgani Baingan (Borani Baingan) 阿富汗风味蕃茄酱炒茄子$98
同咗店员讲要小辣，等上枱期间一直都好好奇阿富汗风味究竟系点嘅呢？原来同印度风味系冇乜分别🤣🤣 因为用咗番茄酱嘅关系，所以个汁唔会太稀，又几好食㖞😋啲茄子仲要有好多，虽然个盘细细，但系啲茄子夹极都仲有，正！

🐥Chicken Chettinad 切蒂娜德咖喱鸡 $142
食印度野点会唔食咖喱鸡呢？实在有太多款选择，最后我哋拣咗呢一个，因为睇佢个名好似特别啲！一样都系同咗店员讲要小辣，对于我呢啲BB纸程度，系一啲都唔辣嘅，个味道重几好食添，入面大概有六件鸡，如果可以多几件就好啦！食下食下俾我食晒添😋

🍹 Mango Lassi $58
由于我唔饮得冻野嘅关系，朋友就叫咗呢一杯！呢一杯通常食印度野嘅香港人都会叫嚟饮，好似芒果乳酪沙冰咁，朋友话好好饮

以前食印度野净系识得去重庆大厦，估唔到原来湾仔都会有印度嘢食，相比起重庆大厦，湾仔呢一间干净好多，枱与枱之间亦唔会好逼夹，装修亦都非常之靓，同埋最紧要食完唔会成身咖喱味，因为以往喺重庆大厦食过咖喱之后都会成身咖喱味😂

话说有日lunch我买咗连锁店嘅咖喱饭食
我拍档就突然话 不如认真揾吓印度餐厅去食吓咖喱囉
于是揾吓湾仔收工附近边度有得食 就揾到Jo Jo似乎几唔错

上到正门就已经觉得好有印度电影场景感觉
入门口就会见到一个酒吧 内里环境都好大
坐低后就送上小食脆饼 配三款特色酱料

香炸洋葱秋葵丝 $58
份量都唔少 每块又大又够厚
以香料及洋葱碎制成 配以薄荷酸辣酱
洋葱味非常之突出
香味同造型都令我谂起炸软壳蟹

阿富汗风味蕃茄酱炒茄子 $98
好奇心之下试吓阿富汗究竟系咩风味
味道主要都系乳酪、蒜蓉及薄荷叶 唔辣㗎㖞
茄子以薄片铺得好满够入味

切蒂娜德咖喱鸡 $142
南印度嘅料理 有咖喱鸡之王嘅称号
尊重原始口味冇特登加减辣度 辣度都颇适中
鸡肉有4件 就系一般雪藏用嘅鸡柳而唔系鲜鸡
相信最重要都系食个咖喱汁

牛油鲜奶松饼 $35
食咖喱点少得薄饼或松饼啊
尼一款松饼非常之足料啊 而且有成5大块
入面有薯仔、洋葱同印度芝士
沾咖喱食最Yummy

Mango Lassi $58
必点芒果乳酪 大大杯 解辣又帮助消滞

七点半开始越来越旺场 不少印籍人士嚟食饭
尼度味道一定够正宗
有兴趣食印度菜不妨嚟一试

身处湾仔区 心血来潮 想食印度咖哩 然后发现左呢间几多好评 无咩差评既Jo Jo Indian Cuisine 餐厅环境比想像中舒适得多 整洁阔落

落完单之后 店员就会送上印度薄脆 香脆得黎咸香味十足 仲配有三种酱汁

Butter chicken $128
咖哩浓稠 香气十足 阵阵番茄同牛油香 带微辣几开胃 配nann一流！鸡件入味之余 唔会好柴

Butter nann $28
Nann大大块 比较薄身 软熟带咬口 唔会太油腻 吸咖哩汁相当唔错

Mango lassi $58
每次去印度餐厅必点既一杯饮品！呢到既mango lassi真心系我最近饮过最好饮既 芒果味道浓郁 香甜唔人工 质地又唔会太杰 浓稠度刚好 冇冰得黎好够冻 解辣一流！

印度菜食吾少，不过今日喺JoJo India Cuisine 食午餐自助餐有惊喜印度菜好地道唔系普通餐厅可以叫嘅嘢
一坐低店员用英文介绍午餐有咩食，又攞左几碟印度街头小食比我试（虽然听吾晒佢讲咩😅）分别有开胃嘅有香口嘅！其中一款叫Masala Dosa 配masala 酱同椰丝酱，一边煎到金黄脆口令一面仲软棉棉再点埋酱料食有甜有咸好好味😋
配合唔同嘅肉（除咗冇牛肉）啲咖喱都唔同辣度尤其系羊咖喱一啲都唔（苏）烤鸡够㶶边肉嫩又惹味，一定要食啲印度饭粒粒有赵口用黎送咖喱一流😋
午餐包一杯特饮，我听店员介绍叫咗Mango Nassi 食咖哩饮好夹够晒多芒果又冰凉又解辣

黎到湾仔的 Jo Jo Indian Cuisine ，你会一改对印度餐厅的印象
电梯门一开，已经别有洞天
墨绿色墙配上幽雅水晶灯，完全就系西式FINE DINING的场地
一入内就见到好有气势的一排酒吧枱
靠窗的一整排落地玻璃，开扬光猛。同平时的印度餐厅黑黑暗暗的感觉不同
最浓厚印度色彩的，就只系墙上的印度挂画同印度电视，成个感觉系好高级~

呢度既星期日中午会有印度式BUFFET, 由12点可以坐到3点~
印度人食最多就系CURRY, 而BUFFET 上就有不同颜色不同口味的CURRY
作为门外汉，实在搞不清边款打边款呢~ 不过每一款颜色都好靓，阵阵香味扑鼻而来~

Curry 当然要配饭，呢度既饭系大大的一煲，系幼幼长长的正宗印度米

另外，还有一个厨司主理的位置，同样放了唔少咖啡同配菜，由厨司即制
印度食物其实都好健康，好多蔬菜配料~
除左Curry, Buffet 吧仲有印式沙律添~ 红红绿绿的，非常吸晴~
MANGO LASSI, 芒果味非常浓郁，仲有粒粒芒果系入面添~
Butter Chicken 系印度咖喱入面最少辣的一款，唔好睇佢咁浓色，其实以香味为主。
初初入口真系唔觉好辣，不过食得多先会发现有好轻微的辣味
佢既咖喱汁浓稠度适中，唔系一PAT PAT 好杰个只，用黎混饭食或沾NAAN 都好适合
(我个人就比较钟意呢款汁) 鸡肉都几多旧，而且肉好嫩滑

NAAN 系食咖喱一定要有的, 刚烤起的NAAN 边脆内软，伴咖喱食简直系最佳伴侣
呢度既餐单点都几十蚊至百几蚊不等
所以Brunch Buffet HKD 168 真系超级抵呀~

文章只属个人意见，效果因人而异，只供参考
如要联络本人，请电邮至： smonkichi@hotmail.com