自从Yellopenrice介绍完之后晚市好难订位，最近终于容易少少，上星期就去左帮朋友庆生，食物质素几好，但份量偏细，我地五个人叫左十碟野先饱。店员服务态度唔错，知我地庆生主动帮手影相，仲送左啲雪到好似珍宝珠嘅水果波波。

🍽香烤乳猪
黎到点可以唔叫佢地嘅招牌菜，乳猪个皮烤到好脆, 猪髀好厚肉又唔韧，配醋同麦芽糖加芥末籽酱，个人觉得后者比较夹，好好食，杜生无介绍错！

🍽香煎海鲈鱼配黑松露忌廉汁
鲈鱼无咩人叫但都几有质素，鱼肉非常嫩滑鲜甜，底下有层薄薄嘅薯蓉，不过忌廉汁唔太食到黑松露味。

🍽香蒜榄油虾肉义大利面
值得一赞嘅系虾肉大大只，弹牙无雪味，但系个汁偏淡，调味可重手少少。

🍽龙虾蟹肉长通粉
开边波士顿龙虾半只加大大只蟹钳，卖相几吸引。龙虾好多膏，肉质弹牙，有海水味。长通粉都系调味太淡，食到龙虾汁但味道唔明显。

🍽黑松露薯条
呢个薯条似fish and chips嘅扁薯条，皮薄薯蓉多，加埋黑松露当然好食。

🍽香煎鹅肝配杂莓无花果酱
呢个前菜好抵食，有两大块好厚身嘅鹅肝，滑嫩无渣，一咬口中散发独特嘅油香，同脆卜卜嘅多士系perfect match，酸酸甜甜嘅无花果酱同杂莓酱就发挥解腻作用，推荐。

🍽火焰雪山
食到中途餐厅不断熄灯又开灯，原来好多人叫火焰雪山，店员会等你影完相后喺你面前倒酒同点火，记得唔好打卡打咁耐，唔系啲酒会烧得太劲令蛋白好苦，味道就冇乜特别，都系带酒味嘅甜蛋白，蛋白打得几轻盈，入面有朱古力蛋糕。

🍽法式焦糖炖蛋
蛋味好重，炖蛋太流质，无云尼拿味，普通。

🍽纽约芝士饼
质地几顺滑，芝士味唔算太浓，正常发挥，但个size真系细左啲。

🍹Red Sangria (Jar)
终于讲到饮品，我地人多所以叫左一Jar，五个人每人都分到大半杯。Sangria有提子、橙、苹果等，甜甜地好易入口，水果浸左红酒后几好食。

➖➖➖#高质乳猪➖➖➖
。
走进尖沙咀，餐厅林立，选择是非常多，厚福街的一栋大厦中，也有不少餐厅，今天和朋友到访一间楼上西餐厅。从媒体的节目访问当中得悉这间餐厅一月的时候转手给几位年青人，谁不知新年之后爆发了严重的疫情，生意当然大受影响。当我们看到媒体报道后，便一心过来试一试食物的品质呢。
。
逢星期五十分期待收看杜汶泽的喱show，节目里介绍了不少告急的黄店，进一步扩阔黄色经济圈。
不知不觉已经食咗七间#yellowopenrice介绍嘅餐厅，这间餐厅面积不算10分大，桌子都排得满满的，当升降机门打开之后，便看到了一幅色彩缤纷的连侬墙，坦白说，心情也变得雀跃。
。
打开餐牌，非常简洁，有点简陋，其后和店员闲谈，得悉由于转手的关系，餐牌有所更改了，日后将会重新印制，所以这一张黑白色的餐牌是一个临时的过渡阶段。
。
侍应（可能是老板娘）非常殷勤的和我们介绍，最后我们点算了几个招牌菜式。
▪️带子蟹肉浓汤$78
卖相吸引，未开始吃，已经闻到浓郁的带子和蟹味，而且汤非常足料，一碗汤有两只大大的带子，还有鲜拆蟹肉，真材实料。一入口，味道不算喊，但能感受到新鲜嘅海鲜味，带子爽口弹牙，令人一试难忘，实在值得推介。
.
▪️龙虾蟹肉宽条面 $188
开边波士顿龙虾半只，加上自家制嘅蟹汤龙汁，好浓郁啊。每一条宽条面都挂汁呢。
弹牙宽条面配鲜拆蟹肉，这个配搭吃出鲜味

.
▪️香烤乳猪 $228
被杜汶泽推介之后，每台必点。
乳猪即叫即烤，每一份有半只的猪髀。
乳猪皮香脆得来带点烟un呢。
个人比较钟意芥末麦芽糖酱汁，餐厅亦都有提供酸醋一解乳猪的肥腻感觉
.
▪️蟹肉牛油果沙律$78
对于喜欢吃牛油果的我，未吃已经加分，在家自行制作沙律时，很少加入蟹肉，但这个沙律加入蟹肉后，和牛油果配合得天衣无缝，感觉清新，再配合薄薄的紫洋葱，入口有少少辛辣的感觉，但能带出两者的鲜味，这味道的确是无可挑剔。
.
▪️火焰雪山
侍应会在客人面前点火啊
熊熊火光之中，闻到好浓郁rum酒味
雪山的里面还有雪糕同埋蛋糕，层次丰富
个人觉得几好食，朋友觉得酒味太浓。
。
这顿饭吃得10分愉快，由于我们坐在餐厅的一旁，感觉较为自在，餐厅中央的位置确实是有点挤迫了，不过食物的质素也10分不错，在尖沙咀来说，竞争太激烈了，相信能够留住一众顾客的，一定是食物质素！

Lunch嚟到呢间餐厅，原来主菜配自助沙律吧！餐汤，甜品，沙律都喺自助形式㗎～灯光充足，环境又几靓同舒服，晏就同同事嚟食吓好西都唔错🤓
.
红酒烩羊膝 $98
羊羶味少少，可接受到嘅味道！酱汁超多😂差唔多盖过哂啲羊羶味，肉质超软腍，劲易就切开😍配菜喺薯蓉，车厘茄同翠肉瓜😌
.
香煎大鸡扒 $88 香煎美国猪鞍 $98
呢块煎扒都好大块，仲大过块面🤣鸡扒同猪扒又好厚身，切开见到肉汁好Juicy☺️
钟意每一碟嘅配菜都有车厘茄，薯仔同椰菜花😛
.
香煎立鱼柳 $98
以为会好脆卜卜，虽然鱼柳有啲干身，味道少少咸，内里肉质几鲜甜👍🏻
.
自助沙律吧几好！有沙律菜，粟米，车厘茄，菠萝，桃，鹰嘴豆红腰豆，虾，慕丝啫喱🥰一定够饱啦～

餐厅晚上设有dinner semi buffet，任食意粉、饭、沙律、饮品等，价钱上真系几平🤤餐厅环境不错，座位舒适，有轻轻背景音乐🙈
Refill食物速度都好快，甜品有5款，分别系芝士蛋糕、朱古力蛋糕、泡芙、啫喱、奶冻🤪
－－－－－－
1. 卡邦尼意粉 4.5/5 👍🏻
2. 黑松露野菌意大利饭 4/5
3. 芝士肉酱意粉 3.5/5
4. 甜品 4.5/5

我觉得意粉份量刚刚好，配料亦好足，意粉煮得好好，唔会过硬过软
意大利饭上面真系有黑松露酱，上菜时好香😋好浓郁菌香味，但我觉得饭有点硬同生米既感觉，口感如果再软绵一点会更好

肉酱意粉味道较淡，而且肉酱唔够多，试一次就够🙈

甜品款式虽然唔多，但质素相当高，个人比较喜欢朱古力同芝士蛋糕🥰蛋糕少湿润入口香滑，芝士味浓，但食落唔会太腻~

和朋友多次来吃，一定要点海鲜拼盘，真系好抵食。大大盘的海鲜拼盘，最最最主角是面包蟹。

面包蟹十分多膏. 而蟹膏较结实, 虽然蟹肉都不少, 吃了蟹膏有点饱，蟹肉味鲜，一浓一啖，很容易把面包蟹吃完。

而带子如果有酱汁可点会更佳. 带子很大件，口感特别好.

其他海鲜都是回本美食，吃得滋味。

New Zealand lamb chop
羊架的摆盘令人食指大动，中间的迷迭香令人有了聚焦点. 羊架3份, 比正常的羊架更厚身, 而羊架肉质够juicy，不嚡口，更没有羊骚味。

Alaska dessert
甜品要有仪式感。点了一个吸引眼球嘅火焰雪山，侍应淋上酒精后，彩色的火馅一直在燃烧着。待差不多完结时，我们拍熄剩下的火焰，以免雪山有些位置烧焦。蛋白够creamy，内里还有冰冻的雪糕蛋糕呢！