想食拉面通常会黎公司附近呢间良心小店，每逢午市都有约十人排队，食过四次，质素稳定。最钟意佢自由度高，可以拣梅头瘦叉烧或火炙肥叉烧，面都有唔同粗幼。之前见人饮晒啲汤会见到碗底嘅熊仔图案，好奇嘅话可以试下。

🍽招牌熊拉面(火炙肥叉烧，中幼面，普通硬度，健康无油) ($88)
招牌的猪骨汤底不油不腻，小杰，味道浓但唔会好咸。叉烧只有一片有点小失望，但肥叉烧唔会过肥，而且非常入味。普通硬度中幼面口感弹牙，份量颇多，挂汤力不错。溏心蛋流心，另有竹笋同木耳丝增加口感。

🍽黑熊拉面(火炙肥叉烧，中幼面，普通硬度，健康无油) ($83+10溏心蛋)
重口味嘅可以拣黑蒜汤，呢碗会比猪骨汤油少少，闻落好香黑蒜味，食落无想像中咁浓但都OK，其他选项一样就唔重复啦。秘制酱几香微辣，如果可以畀多少少捞面就正。

🍽自家制辣葱饺子 ($43)
外观好吸引，葱粒多到满泻，有炒过唔系全生所以唔会好难入口，饺子几香口，当日嘅馅料系芝士鸡肉，咬开仲有少少拉丝，芝士味几明显，配微酸嘅饺子汁。记得要即食因为啲葱同汁好快会浸淋饺子皮。

平日12:30到，排长龙了！好彩今日放假，上次食佐敦店，今次来食上环的，还是感动这么多人支持黄色经济圈！香港人加油！
男朋友食招牌熊拉面，汤底香浓唔会太咸，糖心蛋还是不是我们喜欢的口感，配有木耳、香葱及半肥瘦火炙叉烧，好正，拉面选了幼身的，口感弹牙好食！
我的拌面好香，喜欢这个自家制酱汁，今次配料加了黑蒜油木耳丝，香葱、猪肉条、笋条，自己加了香辣芽菜、酸萝卜丝，拌匀好好食又惹味，正

粗制滥造，味道欠佳。整店有臭味，好似系油烟翳臭味，严重影响食欲。
两碗拉面汤底完全无鲜味，黑蒜那碗得油味，鱼介熊那碗系普通汤底，无鱼味。拉面、肉、配菜都唔好味！食过最差的港式拉面。
侍应有礼貌是唯一优点。

上个星期六陪朋友去上环整啲嘢 谂住顺便喺𠮶度食埋饭 点知就遇到呢间拉面店🙈

我同朋友本身都几钟意食拉面 加上见到呢间铺头晏昼都咁多人排队就谂住试一试佢😏

店员都好细心 系我哋等入去嘅时候 顺便俾埋餐单我哋填 到左入到去就好快有得食👍🏻

餐厅虽然唔算大 但感觉几舒服 仲可以睇到师傅整野食添😂
之后我就叫左个 黑熊拉面！

一嚟到就已经闻到好香嘅黑蒜味 黑蒜油铺满成碗拉面嘅面 而且就咁望上去配料都几多🤤

首先试左个汤先 个猪骨味好浓郁 但略嫌有少少油
面入边嘅配料都有好多 其中木耳都好爽口

之后就梗系要试吓主角啦！
面嘅质感适中唔会太冧或者太硬👍🏻 加埋啲汤一齐食感觉仲正😍

另外枱面上仲摆咗几款小菜可以比大家自己添食 我自己就几钟意呢个辣芽菜 惹味得来又几爽口🙈
整体来讲价钱同出边拉面店差不多 但质素方面就几好 面同汤整得几出色👍🏻

这间拉面店最便宜的是元祖熊拉面，大约90元一碗。面质及配料还可以，不过汤底就感觉是用粉包沟成的，麻麻，喝了两口也再没有喝了。