餐厅：Morocco's (长洲)
地址：长洲新兴海旁街71号地下

长洲码头落船一出嚟，喺海旁一带有好多餐厅，除咗只系识得食海鲜之外，其实都仲有唔同嘅菜色可以选择，今次就去咗Morocco’s呢间主打印度同泰式嘅餐厅

有室外同室内座位，我就拣咗坐室外，近住日落时分仲可以欣赏呢个黄昏晚霞，好写意

椰子鸡汤(中size) $118
中size可以装到7-8碗，2-3个人饮啱啱好，呢个椰子鸡汤香气浓郁，椰子味同鲜鸡香相辅相成，唔会override咗另一只味道，鸡肉无骨，嫩滑入味，仲用咗唔少香料例如姜片、香茅去调味，好补呀

菠菜鸡肉咖喱 $88
虽然上枱果阵望落颜色怪怪地，但食落原来唔差㗎，将菠菜磨成蓉，加入孜然同印度香料，用香脆印度薄饼($28)蘸起鸡肉同酱汁，食落有清新菠菜同咖哩香，咬多几吓仲食得出阵阵孜然味，唔错唔错，有时真系唔好比食物嘅卖相呃到呀，原来系有惊喜嘅

印度牛奶棉花球 $35
呢个印度特色甜品用咗糖同牛奶皮，加入发酵面粉做成，另外再浸落去椰丝糖水当中，食落有啲似松散嘅棉花糖质感，有阵阵椰香同牛奶香，不过就相对较贵同较甜，未必人人接受到

餐厅店员都系东南亚人士，其中仲有一个喺香港土生土长嘅尼泊尔裔香港人，靓仔得嚟仲喺用流理广东话同我地沟通，有机会可以去揾吓佢

共點左三樣野，印度咖哩牛腩配白飯, 炸洋蔥圈, 烤豬頸肉。烤豬頸肉好味 ! 好有炭烤的味道， 味道又不會太濃。咖哩好香幾好味 ! 炸洋蔥圈味道不錯, 有隻紅色 小小酸嘅醬幾醒胃。

餐厅地点方便，位于长洲码头附近。
食物既可口又有特色。虽然价钱相对比邻近的餐厅贵，但物有所值，值得一试。