👊🏻拳头咁大嘅牛柳😆

荃湾有间怀旧餐厅，好耐冇去。今日突然心血来潮好想去食下，我谂都有几年冇去过，食物质素保持水准，但系价钱就贵咗唔少。

我哋叫咗两份牛柳餐，黑椒汁转左蒜蓉汁，上枱嘅时候吓亲我，块牛楼仲大过拳头👊🏻😳，估唔到大成咁😂

我哋嗌左五成熟，切开啱啱好，肉味浓又嫩口，仲另外上咗兜蒜蓉汁俾你自己加汁，不过个蒜蓉汁就唔够热。

餐饮叫咗冻柠茶，佢哋用返以前好旧式嘅细杯做饮品。食完仲有雪糕食添😆😍💕

莎乐美餐厅 (荃湾)
荃湾沙咀道294号地下

🎵一人有一个梦想, 两人热爱渐迷茫🎶
怀旧既扒房，八十年代既装潢，今日播发着黎瑞恩既「一人有一个梦想」。听住呢首歌突然倍添伤感，我都有一个梦想，希望有日有人可以陪我呢个单身狗，一齐黎呢度割扒，事关呢度既扒真系超大份，自己一个食好罪恶。

独自享用左一份日本带子伴美国鸡扒，鸡扒有一共2块，大大块，成只手掌咁大，又厚身，好中意佢个白菌蒜茸汁，零舍开胃。鸡扒食唔出有雪味，肉质亦唔鞋，食物质素同价钱成正比。
随餐更附送餐包和汤，有罗宋汤同周打鱼汤，我简左酸酸甜甜既罗宋汤来打开味蕾。

从餐厅门口就可以睇得出呢间＂莎乐美餐厅＂历史悠久，系一间怀旧西餐厅。一踏进餐厅，立即好似进入时光隧道一样，时光倒流到八丶九十年代。听到播紧张学友的歌，装修陈设全部都好有怀旧气氛，绿白色格仔地砖，呢度有两层，上层坐位比下层多。灯光比较昏暗。
午餐餐牌的选择唔多，只有几款。当日点左越式札肉鸡丝炒饭＄50丶串烧大虾皇伴莎地亚杂扒＄64，两个都系套餐，包一杯饮品丶餐汤丶仲有雪糕，非常经济实惠。份量十足，保証一定捧腹而回。我选择饮周打鱼汤，配经典面包。周打鱼汤有一块梳打饼，而且好多西芹。炒饭好大碟。铁板餐亦都好大份，有鸡扒丶猪扒丶串烧虾丶薯条丶火腿⋯⋯份量惊人。甜品永远都系一款，就系一球朱古力雪糕。

香港的老字号扒房，入内很有怀旧感觉，必点铁板餐，牛扒分量大，配料多，味道还可以，是童年回忆的味道，耐不耐都会想起。

平民平价西餐厅，最出名就是鐡板餐。牛扒份量十足，叫了七成熟，加了黑椒汁，用鐡板的热力，令牛扒刚刚好！