昨天跟朋友由下午tea食到dinner,食物质素相当好，甜品很出色，海鲜盘很鲜甜，pizza 很有惊喜，还有青口也很新鲜，饮品也很有特色，真是每款食物也很用心制作，而且某些套餐还有小礼物送，侍应服务很好，一定会再来帮衬😍

本人去光顾了不少食店，酒店，从未如此想用心去赞赏一位酒店员工。
早前我与家人聚餐，虽然人数唔系好多但系由两个家庭组成，大家要求都唔同，所以我希望可以尽量安排到家人朋友都满意。我打左好多次去Js 酒吧问细节，当时有一位女仕听电话，我问左好多関于价钱，餐牌既内容，问到我本人也有点不好意思，然后唔记得第三定第四次打去既时候，该位女同事主动问我：你系咪X小姐？你好，我系Nicole。
然后佢同我讲可以用电话whatsapp menu俾我，亦主动覆电话同我介绍厨师推介，以及可以配甚么酒，而佢亦介绍左中价位既经酒俾我地衬牛扒，为我解决了不少烦恼。
我表示有家人生日，有没有甚么优惠，佢话可以帮我订蛋糕同可以做discount，亦可以写生日牌。最后我订左佢介绍既拿破仑。整个过程中，佢除左帮我安排食甚么，喝甚么，亦有不停upsales, 但系不得不说，好食，同好抵食，亦好开心。
当日我去到既时候佢好忙，但系佢主动走来跟我打招呼，然后同我讲，：今日我既同事x会照顾您地，有甚么需要可以同佢讲，然后佢俾左卡片我：如果有任何问题可以随时whatsapp 佢，而佢真系系我叫完野食后就过来同我地讲，食物可能会耐啲，因为厨房好多单，然后俾左啲薯片我地，朋友非常钟意食，到我地食完，又问我地食物好唔好食，叫我地俾意见。真系好尽心。
最后更要赞佢，好窝心。。。佢送左一个甜品拼盆俾我地，话多谢我地选择系Js酒吧过自己既生日，所以希望我朋友既生日同Js 酒吧一样咁难忘同回味😘，真系好识氹老人家开心。
Nicole真系好有礼貌耐心，细心体贴，以及令我觉得佢会期待我再去既感觉
最后我同我既教友导师再光顾了一次

前几天，庆祝朋友生日第一次嚟，餐厅食物和服务态度都好好，甜品做得几好，感谢欣赏你们有一位男同事Ray,整晚细心热情专业嘅服务，令我们好难忘，我们希望下一次再回来，还可以再有这好的服务。

今次机缘巧合黎左带法国风情既J’s Bar Bistro，望落似系食西餐/饮野为主，估唔到呢度提供下午茶。

成个tea set拍得住酒店lobby质素，价钱亦亲民。有几样特别出色想推介一下，首先系法式甜点橙酒舒芙蕾，系十级好味!!!仲要呢个系平时a la carte size，CP值超高。看似外表蓬松平凡既Orange Soufflé，有着入口即化既软香口感、松软绵密，蛋奶香同橙酒味做出完美配搭，闻落清新，食落好浓郁，配上表面既糖粉系超好味。

另外呢度既拿破仑系出自帝苑饼房，酥皮松脆且薄，夹埋甜滑custard香而不腻。

辛苦左一排终于放Sembreak😢又系时候要放松下，而且近排有舖食Tea瘾，千挑细选之下就同朋友一齐拣咗呢一间😳因为佢哋竟然有鲟鱼子酱食丫🤫
-
🍴梦幻粉嫩下午茶
下午茶以粉红色做主题，并且部份食物以南瓜车同玻璃鞋装住🤭非常梦幻，真系会少女心大爆发🥰
～
四款咸食：迷你烤猪肉牛角酥🥐、虾肉沙律曲奇、西伯利亚鲟鱼子酱、红菜头酥皮盒🥧
迷你烤猪肉牛角酥入口带有阵阵嘅牛油香味😋而且口感松脆，中间嘅猪肉入口口感爽嫩，咬落有少少肉汁，配上味道清新嘅蕃茄片🍅，整体嘅味道清新唔油腻☺️
虾肉沙律曲奇入口口感非常丰富😜爽口嘅虾肉配上松脆嘅牛油曲奇，竟然有意外惊喜🤗而且曲奇表面有啲沙律酱喺度，所以入口亦唔会太过干身。
西伯利亚鲟鱼子酱配上多士同碎蛋一齐食用味道啱啱好😋入口暨不失鱼子酱嘅咸香味，但食落又唔会觉得太咸😝而且配上香脆嘅多士，整体口感亦都会比较丰富😳
红菜头酥皮盒入口口感酥脆😌而且带有好香嘅牛油香味，入口完全唔觉得有油腻嘅感觉。另外，酥皮盒食落嘅红菜头味都唔算太重🤫所以出嚟个味道都几夹😄
～
七款甜点：咖啡味软糕☕️、草莓酱芝麻蝴蝶酥、玫瑰杏仁小甜饼、红粉荔枝果冻、粉红石榴忌廉卷、玫瑰香蕉蛋糕花盆🍰、鲜草莓朱古力🍓
咖啡味软糕以南瓜车装住，上枱时更加会倒入干冰🤗非常梦幻。入口味道方面，软糕嘅质感软糯烟韧😏有啲似Mochi咁🤔而中间就包住个咖啡慕丝，慕丝食落有好重好香嘅咖啡味😯质感亦非常幼滑，有惊喜。
草莓酱芝麻蝴蝶酥入口食落口感酥脆😋而且有好香嘅芝麻香味，即使配上左草莓朱古力，但味道亦都唔算太甜☺️反而酸酸甜甜嘅感觉令蝴蝶酥嘅味道更加丰富🤤
玫瑰杏仁小甜饼入口嘅味道就比较甜🤔但带有好香嘅玫瑰香味，隐约都食到有少少杏仁嘅味道😚而口感方面，小甜饼入口食落微脆，唔会太过硬身😗
红粉荔枝果冻望落有种简约美，而果冻入口食落带有好香嘅玫瑰味😍隐伴随着有少少香甜嘅荔枝味，而且表面有层奶冻喺度😎入口带有淡淡奶香味，同时亦多左一份幼滑既质感😁
粉红石榴忌廉卷入口有好重嘅石榴香味，而且味道酸酸甜甜咁，非常开胃😋忌廉卷入口口感湿润，而且松软😚表面嘅石榴籽亦都丰富左成件忌廉卷嘅口感😌
玫瑰香蕉蛋糕花盆入口有淡淡的香蕉味🍌，表面嘅忌廉亦都做得非常轻盈幼滑，中间嘅蛋糕睇有啲似Cupcake嘅质感🤔所以整体入口感觉亦都唔会太湿😆
鲜草莓朱古力用玻璃鞋载着，非常梦幻😍而且入口食落整体感觉都非常清新，偏酸嘅草莓配上味道香甜嘅白朱古力，绝对系一绝😋
～
饮品：玫瑰洛神花茶、百合茉莉花茶
玫瑰洛神花茶入口有好香嘅玫瑰香味😊配上味道酸酸甜甜嘅洛神花，整体嘅味道都非常丰富😋而且仲可以根据个人喜好加入蜜糖去调味😎
百合茉莉花茶闻落有比较重嘅茉莉花香味☺️不过入口饮落就带有清幽嘅茶香味😌味道比较复杂，有少少难形容😳但一样好饮🤗