通常一落船都会买返串甘永泰食，因为地点就脚。今次买咗酿鱼肉炸豆卜同四宝丸，平日嘅关系都系即炸，所以都系热辣辣嘅。炸豆卜好好味，系反起豆卜酿入鱼肉炸，所以口感外脆，入边又弹牙。而四宝丸系有鲮鱼球，鱼蛋，龙虾丸，海胆丸，个人比较推荐鲮鱼球同鱼蛋，因为比较弹牙，而鱼味亦都可以，而另外两款丸就冇咩特别。不过$20串价钱略贵。

叫左：豆卜、三文鱼并芝士丸、细鱼蛋
本来一早炸好左
系你买时再放落油镬浸一阵再拎返起
所以你拎时会好多油，油笠笠
豆卜其实好乾，食到我有少少干咳
个鱼蛋系好食，好劲鱼味，真材实料既
三文鱼同芝士丸，我就觉得好冇咩特别
其实呢间野既态度系真系好差
咁要认衰仔，佢差我都仲帮衬
但其实食佢都系为左好似打卡到此一游咁囉
廿蚊串其实真系唔平。

去长洲通常都有的野系必食，就好似鱼蛋，生滚粥，海鲜，芒果糯米糍等等。。 入得去，甘永泰系我永远都捧场。一落船紧系要去食返串鱼蛋先开始行程架啦。真系有啲失望嘅，以前依个鱼肉豆卜，新鲜香脆，味道适中。或者可能而家要应付人潮嘅关系，所以好多都一早炸定左，到客人order嘅时候再返炸，呢一串野就算再返炸都好，食落口系热，但系食到成口都系油，睇吓张相就知啲油系有几多。除咗油之外，味道都大不如前，鱼肉无味，同埋炸得太乾，又硬又乾，真系唔合格。 下次再去长洲都或者唔食了。

长洲除了芒果糯米糍出名之外，当然仲有驰名鱼蛋啦，一落船行入去大街，就见到"甘永泰鱼蛋" 大大既招牌同长长既人龙，其实呢间之前都食过几次，觉得都几有水准，所以今次都决定排一排队买黎过下口瘾。
排到埋去嘅时候，见到有牌写住"今日有虾丸" ，但一串虾丸要成三十蚊，所以其他以前有试过嘅都冇再买，净系买虾丸，原来$30得四粒！？？？！俾完钱之后，店员净系将串虾丸掉落去铁盘入面，感觉冇咩礼貌和冇服务， 但虾丸系ok既，咬落去感觉全部都系虾，都几足料，但有啲实，冇咗鱼蛋类应有嘅弹牙口感。

长洲人气之选，每次经过，不论冬天定夏天都依旧人龙不绝。
最出名一定系长洲大鱼蛋。
其实只系大粒d嘅鱼蛋，不过都会凑吓热闹买串黎食。